مەجەمەن بيىل كوكتەمدە بۇكىل شينجياڭنىڭ اۋا تەمپەراتۋراسى ءبىرشاما جوعارى بولادى، قار ەرۋ سيپاتتى تاسقىن قاتارلى اۋا رايى اپاتتارىنا ءتۇيىندى تۇردە نازار اۋدارۋ كەرەك

3 – ايدىڭ 1 – كۇنى، شينجياڭ كليمات ورتالىعى 2026 ـ جىلعى كوكتەمگى كليمات بەتالىسى جونىندەگى مەجەنى جاريالادى، مەجەمەن بيىل كوكتەمدە (3 – ايدان 5 – ايعا دەيىن) بۇكىل شينجياڭنىڭ باسىم كوپ ساندى رايوندارىنىڭ اۋا تەمپەراتۋراسى ادەتتەگى جىلدارداعىدان ءبىرشاما جوعارى بولادى، جاۋىن ـ شاشىن”سولتۇستىكتە كوپ، وڭتۇستىكتە از“ بولادى. شينجياڭ كليمات ورتالىعى مىنانى ەسكەرتتى: بۇقارا جانە قاتىستى تاراۋلار قار ەرۋ سيپاتتى تاسقىن، ءىشىنارا جەرلەردە تۋىلاتىن كۇشتى جاۋىن ـ شاشىن، قۇمدى بوراندى اۋا رايى جانە اۋا رايى قۋاڭشىلىعى قاتارلى تۋىلۋى مۇمكىن اۋا رايى اپاتتارىنا ءتۇيىندى تۇردە نازار اۋدارۋى كەرەك.

مەجەگە نەگىزدەلگەندە، بيىل كوكتەمدە بۇكىل شينجياڭنىڭ جەر - جەرىنىڭ ورتاشا اۋا تەمپەراتۋراسى ءسال جوعارى بولادى. مۇنىڭ ىشىندە التاي ايماعى، تارباعاتاي ايماعى، قارامايلى قالاسى، شىحىزى قالاسى، سانجى حۇيزۋ اۆتونوميالى وبلىسى، ءۇرىمجى قالاسى جانە قۇمىل قالاسىنىڭ سولتۇستىگىندە اۋا تەمپەراتۋراسى 0.4 تە 0.8 سەلتسي گرادۋس جوعارى بولادى؛ بۇراتالا موڭعۇل اۆتونوميالى وبلىسى، ىلە اڭعارى، اقسۋ ايماعى، قىزىلسۋ قىرعىز اۆتونوميالى وبلىسى، قاشقار ايماعى، حوتان ايماعى، بايىنعولىن موڭعۇل اۆتونوميالى وبلىسى، تۇرپان قالاسى جانە قۇمىل قالاسىنىڭ وڭتۇستىگىندە 1.1 دە 1.5 سەلتسي گرادۋس جوعارى بولادى.

جاۋىن - شاشىن جاعىندا، ”سولتۇستىكتە كوپ، وڭتۇستىكتە از“ بولۋداي ورتاق ەرەكشەلىك جارىققا شىعادى. التاي ايماعىنىڭ، تارباعاتاي ايماعىنىڭ، بۇراتالا وبلىسىنىڭ، ىلە اڭعارىنىڭ، قارامايلى قالاسىنىڭ، شىحىزى قالاسىنىڭ، سانجى وبلىسىنىڭ، ءۇرىمجى قالاسىنىڭ جانە بايىنعولىن وبلىسىنىڭ سولتۇستىگىندەگى تاۋلى وڭىرلەردىڭ جاۋىن - شاشىن مولشەرى مەجەمەن 1 دە 3 پايىز ارتادى؛ اقسۋ ايماعىنىڭ، قىزىلسۋ وبلىسىنىڭ، قاشقار ايماعىنىڭ، حوتان ايماعىنىڭ، بايىنعولىن وبلىسىنىڭ جازىق وڭىرلەرىنىڭ، تۇرپان قالاسىنىڭ جانە قۇمىل قالاسىنىڭ جاۋىن - شاشىن مولشەرى مەجەمەن 1 دە 4 پايىز ارتادى.

بۇل جالپى تۇلعالىق كليمات ەرەكشەلىگى 3 – ايدا كورنەكتى بەينەلەنەدى. مەجەگە قاراعاندا، 3 ـ ايدا تەمپەراتۋرانىڭ تومەندەۋى، جاۋىن ـ شاشىن بارىسى شينجياڭعا ىقپال جاسايدى. كۇشەمەلىلىگى ورتاشا، ءالسىز بولۋدى نەگىز ەتەدى، ۋاقىتى 3 ـ ايدىڭ باس شەنىنىڭ الدىڭعى مەزگىلى، باس شەنىنىڭ ورتا مەزگىلى، ورتا مەزگىلىنىڭ الدىڭعى مەزگىلى، ورتا مەزگىلىنىڭ ورتا مەزگىلى جانە سوڭعى مەزگىلىندە بولادى. جالپى تۇلعالىق جاقتان قاراعاندا، 3 -ايدا سولتۇستىك شينجياڭنىڭ باسىم كوپ بولەگىنىڭ ورتاشا اۋا تەمپەراتۋراسى بۇرىنعى جىلدارداعىدان سالىستىرمالى جوعارى بولادى، وڭتۇستىك شينجياڭدا ءبىرشاما جوعارى بولادى؛ سولتۇستىك شينجياڭدا جاۋىن – شاشىن مولشەرى بۇرىنعى جىلدارداعىدان سالىستىرمالى كوپ بولادى، وڭتۇستىك شينجياڭدا ءبىرشاما از بولادى؛ كوپ رەتكى اۋا رايى بارىسىنىڭ ىقپالىنان 3 – ايدا اۋا تەمپەراتۋراسىنىڭ تولقۋى ءبىرشاما زور بولىپ، تەمپەراتۋرانىڭ كەزەڭدىك جوعارىلاۋى ءبىرشاما تەز بولادى.

شينجياڭ ۇيعۇر اۆتونوميالى رايوندىق كليمات ورتالىعى مىنانى ەسكەرتتى: قازىر سولتۇستىك شينجياڭنىڭ باسىم كوپ بولەگىندە ءالى دە 10 سانتيمەتردەن استام قاسات قار بار، كوكتەم باستالعاننان كەيىن تەمپەراتۋرا كۇرت جوعارىلاسا، تيانشان تاۋلى رايوندارىندا جانە سولتۇستىك شينجياڭنىڭ سولتۇستىك تاۋلى رايوندارىندا قار ەرىپ، تاسقىن ءجۇرۋ قاتەرى ءبىرشاما جوعارى بولادى، اۋا تەمپەراتۋراسى مەن قاسات قاردىڭ وزگەرىسىنە قاداعالاي نازار اۋدارۋ كەرەك. كوكتەمدە سولتۇستىك شينجياڭنىڭ باتىس بولەگى، سولتۇستىك بولەگى جانە بايىنعولىن وبلىسىنىڭ سولتۇستىك بولەگىندەگى تاۋلى رايونداردا جاۋىن – شاشىن ءبىرشاما كوپ بولىپ، ءىشىنارا جەرلەردە قالىڭ قار نەمەسە نوسەر جاۋۋ مۇمكىندىگى ءبىرشاما زور بولادى، ىلە اڭعارى، التاي ايماعى قاتارلى قاسات قار ءبىرشاما قالىڭ وڭىرلەردە قار كوشكىنى حاۋىپ - قاتەرىنەن ساقتانۋ كەرەك.

بيىل كوكتەمدە سۋىق پەن جىلۋدىڭ الماسۋى جيىلەپ، وڭتۇستىك، سولتۇستىك شينجياڭدا قۇمدى بوراننىڭ سوعۋ مولشەرى مەجەمەن بۇرىنعى جىلدارداعىدان كوپ بولادى، كەزەڭدىك تومەن تەمپەراتۋرا جارىققا شىعۋى، قاتىناس ـ تاسىمال، اۋىل شارۋاشىلىق ءوندىرىسى جانە ەلەكترمەن قامداۋ قاتارلىلارعا ءتيىمسىز ىقپال جاساۋى مۇمكىن. وڭتۇستىك شينجياڭ مەن شىعىس شينجياڭنىڭ اۋا تەمپەراتۋراسى جوعارى، جاۋىن - شاشىنى از بولادى، جاساندى جولمەن جاڭبىر جاۋدىرۋ جانە سۋدان پايدالانۋ قاتارلى توتەپ بەرۋ شارالارىن الدىن الا ويداعىداي ىستەۋدى ۇسىنىس ەتەمىز. جەر - جەردىڭ جازدىق ءبيداي ەگۋگە ەرتەرەك دايىندالىپ، دەر كەزىندە تۇقىم سەۋىپ، كۇزدىك ءبيداي اتىزدارىن باسقارۋدى مىقتى يگەرىپ، دەرت - دەربەزدەن، زياندى جاندىكتەردەن ساقتانۋ جانە ماقتا ەگۋدىڭ الدىنداعى دايىندىق قىزمەتتەردى ويداعىداي ىستەۋىن ۇسىنىس ەتەمىز.

كەلۋ قاينارى: حالىق تورابى