ەڭ جوعارى حالىق سوتى: بيرمانىڭ سولتۇستىگىندەگى ميڭ اۋلەتى، باي اۋلەتى سىندى ەكى قىلمىستىق توپقا قاتىستى دەلونى تەكسەرۋدىڭ بارلىق تارتىپتەرى تۇگەل ورىندالىپ بولدى 

ءتىلشىنىڭ 2 - ايدىڭ 26 - كۇنى ەڭ جوعارى حالىق سوتى وتكىزگەن اقپار جاريالاۋ ماجىلىسىنەن ۇعىسۋىنشا، 2025 – جىلدىڭ سوڭىنا دەيىن، بۇكىل ەلىمىزدەگى سوت مەكەمەلەرى بيرمانىڭ سولتۇستىگىندەگى تەلەكومنان پايدالانىپ الدامكوستىك ىستەۋ قىلمىسىنا قاتىستى دەلولاردان 27 مىڭنان استام دەلونى ءبىرىنشى سوتتا قاراۋدى اياقتاتقان، بيرمانىڭ سولتۇستىگىندە تەلەكومنان پايدالانىپ الدامكوستىك ىستەپ قايتارىلىپ اكەلىنگەن ادامداردان 41 مىڭنان اسقان ادامدى جازالاعان. وتە - موتە، شەكارانىڭ ءىشى - سىرتىنداعىلار كەڭ كولەمدە نازار اۋدارعان بيرمانىڭ سولتۇستىگىندەگى ”ءتورت اۋلەت“ قىلمىستىق توپتارىنا قاتىستى دەلودا، ميڭ اۋلەتى، باي اۋلەتى سىندى ەكى قىلمىستىق توپقا قاتىستى دەلونى تەكسەرۋدىڭ بارلىق تارتىپتەرى تۇگەل ورىندالىپ بولعان، 39 ادام مەرزىمسىز قاماق جازاسىنان جوعارى جازاعا ۇكىم ەتىلگەن، مۇنىڭ ىشىندە 16 ادامعا ءولىم جازاسى بەرىلىپ، دەرەۋ اتقارىلاتىن بولعان، شەكارا اتتاعان قارۋلى كۇش قىلمىستىق توپتارىنان ەكى ۇلكەن توپ تۇبەگەيلى جويىلعان، شەكارا ءىشى – سىرتىنداعى الىنەن اسقان زاڭسىز ەلەمەنتتەرگە باتىل سوققى بەرىلگەن.

تانىستىرۋعا قاراعاندا، حالىق سوتى مەكەمەلەرى تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىن وتكىزگەندەردى زاڭ بويىنشا قاتاڭ، ءونىمدى، جالپى بەتتىك جازالاپ، حالىق بۇقاراسىنىڭ باس اماندىعى مەن مال - مۇلكىنىڭ حاۋىپسىزدىگىن شىنايى قورعادى. 2021 - جىلدان 2025 - جىلعا دەيىنگى ارالىقتا، بۇكىل ەلىمىزدەگى سوت مەكەمەلەرى تەلەكوم مەن ينتەرنەتتەن پايدالانىپ الدامكوستىك ىستەۋ قىلمىسىنا قاتىستى دەلولاردان 159 مىڭنان استام دەلونى ءبىرىنشى سوتتا قاراۋدى اياقتاتىپ، ايىپكەرلەردەن 338 مىڭنان استام ادامدى جازالاعان. مۇنىڭ ىشىندە، 2023 - جىلى بىتىرىلگەن دەلو سانى مەن جازالانعان ايىپكەرلەر سانى سايكەستى مەزگىلدەگىدەن جەكە - جەكە 48.4 پايىز، 38.6 پايىز ارتقان؛ 2024 - جىلى سايكەستى مەزگىلدەگىدەن جەكە-جەكە 29.4 پايىز، 26.7 پايىز ارتقان؛ 2025 - جىلى سايكەستى مەزگىلدەگىدەن جەكە-جەكە 1.2 پايىز، 4.5 پايىز ارتقان، ارتۋ مولشەرى كورنەكتى باسەڭدەگەن، بۇل وڭ وزگەرىس ءادىليا ورگاندارىنىڭ سوققى بەرۋ جانە جونگە سالۋ قىزمەتىندە كەزەڭدىك ناتيجەگە قول جەتكىزگەنىن تولىق ايگىلەيدى.

كەلۋ قاينارى: حالىق تورابى