قار جاۋىپ، تەمپەراتۋرا تومەندەيدى! بۇكىل شينجياڭنىڭ اۋا رايىنان الدىن الا مالىمەتتى كورىڭىزدەر

3 – ايدىڭ 2 – كۇنى تۇننەن 3 – كۇنى تۇنگە دەيىن، سولتۇستىك شينجياڭنىڭ باسىم كوپ بولەگى، وڭتۇستىك شينجياڭنىڭ باتىس بولەگىندەگى تاۋلى وڭىرلەر، بايىنعولىن وبلىسىنىڭ سولتۇستىك بولەگى، قۇمىل قالاسى قاتارلى جەرلەردىڭ ءىشىنارا وڭىرلەرىندە قار جاۋادى (ىلە اڭعارى، قۇمىل قالاسىنىڭ وڭتۇستىك بولەگىندە جاڭبىر ارالاس قار جاۋىپ، سوڭى قارعا اينالادى)، مۇنىڭ ىشىندە ىلە اڭعارى مەن تارباعاتاي ايماعىنىڭ وڭتۇستىك بولەگىندەگى تاۋلى وڭىرلەر، التاي ايماعىنىڭ تاۋلى ءوڭىرى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ قار جاۋادى، ىلە اڭعارىنداعى تاۋلى وڭىرلەردىڭ ءىشىنارا جەرلەرىندە قالىڭ قار جاۋادى؛ جوعارىدا ايتىلعان ءىشىنارا وڭىرلەردە باتىس سولتۇستىكتەن 5 بال اينالاسىندا جەل سوعادى، جەل وتىندەگى وتكىنشى جەل كۇشى 10 دا 11 بالعا جەتەدى، وڭتۇستىك شينجياڭ ويپاتىندا قيىس شىعىستان 5 بال شاماسىندا جەل سوعادى، وتكىنشى جەل كۇشى 7 دە 8 بالعا جەتەدى؛ سولتۇستىك شينجياڭ وڭىرىندە قارلى بوران سوعادى، وڭتۇستىك شينجياڭ ويپاتىنىڭ ءىشىنارا وڭىرلەرىندە قۇمدى بوران سوعادى.

3 – ايدىڭ 4 – كۇنى كۇندىزدەن تۇنگە دەيىن، سولتۇستىك شينجياڭنىڭ باسىم كوپ بولەگىندە، وڭتۇستىك شينجياڭ ويپاتىنىڭ ورتا، شىعىس بولەگىندە، قۇمىل قالاسىنىڭ سولتۇستىك بولەگىندە قيىس شىعىستان 5 بال اينالاسىندا جەل سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل رايونى، التاي ايماعىنىڭ نوقاي جەل رايونى، ءۇرىمجى قالاسىنىڭ ۇلانباي جانە حۇڭيانچى جەل وتتەرى، سانجى وبلىسىنىڭ شىعىس بولەگى قاتارلى جەل وتتەرىندە 10 دا 11 بال بوران سوعادى، سولتۇستىك شينجياڭنىڭ ءىشىنارا جەرلەرىندە قارلى بوران سوعادى، وڭتۇستىك شينجياڭ ويپاتىنىڭ ءىشىنارا جەرلەرىندە قۇمدى بوران سوعادى. بۇراتالا وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، قارامايلى قالاسى، شىحىزى قالاسى، ءۇرىمجى قالاسى، سانجى وبلىسى قاتارلى جەرلەردىڭ ءىشىنارا وڭىرلەرىندە جالعاستى تۇمان تۇسەدى.

3 – ايدىڭ 4 – كۇنى تۇننەن 6 – كۇنى كۇندىزگە دەيىن، سولتۇستىك شينجياڭنىڭ باتىس سولتۇستىك بولەگى، وڭتۇستىك شينجياڭنىڭ باتىس بولەگىندەگى تاۋلى وڭىرلەر، بايىنعولىن وبلىسىنىڭ تاۋلى ءوڭىرى قاتارلى جەرلەردىڭ ءىشىنارا وڭىرلەرىندە قىرباق قار جاۋادى (ىلە اڭعارىندا جاڭبىر ارالاس قار جاۋىپ، سوڭى قارعا اينالادى)، مۇنىڭ ىشىندە ىلە اڭعارى، قىزىلسۋ قىرعىز اۆتونوميالى وبلىسىنىڭ تاۋلى ءوڭىرى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ قار جاۋادى؛ جوعارىدا ايتىلعان ءىشىنارا وڭىرلەردە باتىس سولتۇستىكتەن 5 بال اينالاسىندا جەل سوعادى، جەل وتىندە 9 دا 10 بال بوران سوعادى، وتكىنشى جەل كۇشى 11 دا 12 بالعا جەتەدى؛ وڭتۇستىك شينجياڭ ويپاتىندا قيىس شىعىستان 5 بال شاماسىندا جەل سوعادى، وتكىنشى جەل كۇشى 7 دە 8 بال بولادى؛ سولتۇستىك شينجياڭ وڭىرىندە قارلى بوران سوعادى، وڭتۇستىك شينجياڭ ويپاتىنىڭ ءىشىنارا وڭىرلەرىندە قۇمدى بوران سوعادى.

3 - ايدىڭ 8 – كۇنىنىڭ الدى – ارتىندا، سولتۇستىك شينجياڭنىڭ باتىس بولەگىنىڭ سولتۇستىگىندە تاعى ءبىر رەت جاۋىن – شاشىن بولىپ، بوران سوعادى.

كەلۋ قاينارى: حالىق تورابى