شينجياڭنىڭ كوپ جەرىندە سۋىق اعىس نەمەسە كۇشتى سۋىق اعىس جۇرەدى

شينجياڭدا سۋىق اعىس ءجۇرىپ، قارلى بوران، قۇمدى بوران سوعادى، بۇكىل شينجياڭنىڭ كوپ جەرىندە سۋىق اعىس نەمەسە ەرەكشە قاتتى سۋىق اعىس جۇرەدى.

شينجياڭ اۋا رايى ستانسياسىنىڭ وسى ءبىر اپتاداعى (3 – ايدىڭ 9 – كۇنىنەن 15 – كۇنىنە دەيىن) اۋا رايىنان بەرگەن مالىمەتىنە نەگىزدەلگەندە، 3 – ايدىڭ 10 – كۇنىنەن 13 – كۇنىنە دەيىن بۇكىل شينجياڭنىڭ كوپ جەرىندە ىلگەرىندى - كەيىندى از مولشەردە نەمەسە ورتاشا مولشەردە جاڭبىر نەمەسە جاڭبىر ارالاس قار جاۋىپ، سوڭى قارعا اينالادى، ىلە اڭعارىنىڭ سولتۇستىك بولەگى، شىعىس بولەگى، بۇراتالا موڭعۇل اۆتونوميالى وبلىسى، تارباعاتاي ايماعى، التاي ايماعىنىڭ سولتۇستىك بولەگى، شىحىزى قالاسىنىڭ وڭتۇستىك بولەگى، ءۇرىمجى قالاسى، سانجى حۇيزۋ اۆتونوميالى وبلىسى، قاشقار ايماعىنىڭ وڭتۇستىك تاۋلى رايونى، بايىنعولىن موڭعۇل اۆتونوميالى وبلىسىنىڭ سولتۇستىك بولەگى، قۇمىل قالاسىنىڭ سولتۇستىك بولەگى قاتارلى جەرلەردە قالىڭ قار جاۋادى، تاۋلى وڭىرلەردىڭ ءىشىنارا جەرلەرىندە ەرەكشە قالىڭ قار جاۋادى؛ بۇكىل شينجياڭنىڭ باسىم كوپ بولەگىندە باتىس سولتۇستىكتەن نەمەسە قيىس شىعىستان ىلگەرىندى-كەيىندى 8 دە 9 بال بوران سوعادى، جەل وتىندەگى جەل كۇشى 10 دا 11 بالعا جەتەدى، وتكىنشى جەل كۇشى 13 تە 14 بالعا جەتەدى، كەي جەرلەردە قارلى بوران سوعادى؛ وڭتۇستىك شينجياڭ ويپاتىندا ۇقساماعان دارەجەدە قۇمدى بوران سوعادى.

ەندى ەڭ تومەنگى تەمپەراتۋراعا كوز جىبەرەيىك. سولتۇستىك شينجياڭنىڭ باسىم كوپ بولەگى مەن شىعىس شينجياڭدا تەمپەراتۋرا 10 دا 12 سەلتسي گرادۋس تومەندەيدى، التاي ايماعىندا 12 دە 16 سەلتسي گرادۋس تومەندەيدى، وڭتۇستىك شينجياڭدا 5 تە 8 سەلتسي گرادۋس تومەندەيدى؛ بۇكىل شينجياڭنىڭ باسىم كوپ بولەگىندە سۋىق اعىس نەمەسە كۇشتى سۋىق اعىس جۇرەدى.

3 – ايدىڭ 15 – كۇنىنىڭ الدى - ارتىندا سولتۇستىك شينجياڭنىڭ باسىم كوپ بولەگىندە، وڭتۇستىك شينجياڭنىڭ باتىس بولەگىندە ءبىر رەت جاۋىن – شاشىن بولادى، تەمپەراتۋرا تومەندەپ، بوران سوعادى.

كەلۋ قاينارى: حالىق تورابى