ازىق – تۇلىكتىڭ جارامدى ۋاقىتىن تابۋ، تانۋ قيىن! مۇشە ۇسىنىسى: ورنىن ءبىرتۇتاس بەلگىلەۋ قاجەت 

مەملەكەتتىك ساياسي كەڭەس مۇشەسى، بەيجيڭ شيەحى ەمحاناسىنىڭ اس قورىتۋ ىشكى اۋرۋلار ءبولىمىنىڭ مەڭگەرۋشى شيپاگەرى ياڭ ايميڭنىڭ 3 - ايدىڭ 6 – كۇنى حالىق تورابى ءتىلشىسىنىڭ سۇحباتىن قابىلداعان كەزدە ايتۋىنشا، بيىلعى مەملەكەتتىك ەكى ءماجىلىس مەزگىلىندە، ول ازىق – تۇلىكتىڭ جارامدى ۋاقىتىن بەلگىلەۋدى جۇيەگە ءتۇسىرۋ، سونداي – اق، قايتكەندە قارت تۇتىنۋشىلار مەن ەرەكشە توپتاعىلاردىڭ پايدالانۋىنا بىردەي ءمان بەرۋگە بولادى دەگەن تاقىرىپتارعا بارىنشا نازار اۋدارعان.

”ازىق – تۇلىك حاۋىپسىزدىگىنە نەمقۇرايدى قاراۋعا بولمايدى، ۋاقىتى وتكەن، بۇزىلعان ازىق – تۇلىك اسقازان – ىشەك قابىنۋى قاتارلى اۋرۋلاردى وڭاي تۋىنداتىپ قالماستان، ول تۋىنداتقان امين نيتريتى قاتارلى زاتتاردىڭ راكقا شالدىقتىرۋ حاۋپى بار، دەنساۋلىققا زيانى وتە زور“، - دەيدى ياڭ ايميڭ.

وسى سەبەپتى، ياڭ ايميڭ مۇشە ازىق – تۇلىكتىڭ وندىرىلگەن ۋاقىتى، جارامدى ۋاقىتى قاتارلى ماڭىزدى ينفورماتسيالاردى ءبىرتۇتاس ورىنعا بىركەلكى رەڭمەن ۇلكەن – كىشىلىگى بىردەي ءارىپ نۇسقاسىمەن بەلگىلەۋ، ءارىپ نۇسقاسىنىڭ ولشەمىن ايقىنداپ، كوپشىلىكتىڭ ايقىن كورە الۋىنا كەپىلدىك ەتۋ جونىندە ۇسىنىس بەردى. سونىمەن بىرگە، قارت تۇتىنۋشىلار مەن ەرەكشە توپتاعىلاردىڭ قاجەتىن ويلاستىرىپ، كورۋ قۋاتى كەدەرگىگە ۇشىراعان ادامدارعا ارناپ سوقىرلار جازۋىمەن جازۋدى، ءتۇرلى تۇتىنۋشىلاردىڭ بارلىعىنىڭ دا ينفورماتسياعا وڭاي قول جەتكىزۋىنە قولايلىلىق جاراتىپ، ازىق – تۇلىكتىڭ جارامدى ۋاقىتىنا قاتىستى ينفورماتسيانى ”تابۋدىڭ دا، تانۋدىڭ دا“ قيىن بولۋىنا قوش ايتۋ جونىندە ۇسىنىس بەردى.

كەلۋ قاينارى: حالىق تورابى