ەكولوگيالىق ورتا زاڭناماسى جوباسىنىڭ وزگەرىس ەنگىزىلگەن نۇسقاسىنا بەلگىلەمە قوسىلدى، قايتا تۋىندامالى سۋدى پايدالانۋعا شابىتتاندىرىلادى جانە جەتەكشىلىك ەتىلەدى

شينحۋا اگەنتتىگىنىڭ 3 – ايدىڭ 10 – كۇنى بەيجيڭنەن بەرگەن حابارى. ءتىلشىنىڭ 3 – ايدىڭ 10 – كۇنى مەملەكەتتىك 14 – كەزەكتى حالىق قۇرىلتايى 4 – ءماجىلىسى ءتوراعالار القاسىنىڭ جيىنىنان ۇعىسۋىنشا، مەملەكەتتىك حالىق قۇرىلتايىنىڭ نەگىزگى زاڭ جانە زاڭ كوميتەتى مەملەكەتتىك حالىق قۇرىلتايى ۋاكىلدەرىنىڭ پىكىرىنە ساي، ەكولوگيالىق ورتا زاڭناماسى جوباسىنىڭ وزگەرىس ەنگىزىلگەن نۇسقاسىنا قايتا تۋىندامالى سۋدى پايدالانۋعا شابىت بەرۋ جانە جەتەكشىلىك ەتۋ، تۇرمىستىق سۋ ۇنەمدەۋدى ىلگەرىلەتۋ جونىندەگى بەلگىلەمە قوسىلعان.

3 – ايدىڭ 11 – كۇنى تۇستەن بۇرىن وتكىزىلگەن 14 ـ كەزەكتى مەملەكەتتىك حالىق قۇرىلتايى 4 – ءماجىلىسى ءتوراعالار القاسىنىڭ 2 ـ ماجىلىسىندە، مەملەكەتتىك حالىق قۇرىلتايى نەگىزگى زاڭ جانە زاڭ كوميتەتىنىڭ مەڭگەرۋشى مۇشەسى شين چۇنيڭ ەكولوگيالىق ورتا زاڭناماسى جوباسىن قاراۋ ناتيجەسى جونىندە بايانداما جاسادى.

باياندامادا مىنالار اتاپ كورسەتىلدى: جوبادا مەملەكەت سۋ ۇنەمدەيتىن ونەركاسىپتى، اۋىل شارۋاشىلىعىن جانە قىزمەت وتەۋ كاسىبىن دامىتادى دەپ بەلگىلەندى. نەگىزگى زاڭ جانە زاڭ كوميسسياسى اقىلداسۋ ارقىلى جوباعا مەملەكەتتىڭ ”تۇرمىستىق سۋ ۇنەمدەۋدى ىلگەرىلەتۋ، تۇرمىستىق جاراقسىز سۋلاردى اينالمالى پايدالانۋدى كۇشەيتۋ“ جونىندەگى بەلگىلەمەسىن قوسۋدى ۇسىنىس ەتتى ءارى جوباعا مىناداي ءبىر تارماقشا قوسۋدى العا قويدى: اۋدان دارەجەلىدەن جوعارى جەرگىلىكتى حالىق ۇكىمەتتەرى سۋ ۇنەمدەيتىن قالا قۇرىلىسىن جاپپاي ىلگەرىلەتۋ كەرەك. قالانى جاسىلداندىرۋ، جولدى تازالاۋ، اۆتوكولىكتەردى جۋۋ، قۇرىلىس جۇرگىزۋ، سونداي ـ اق ەكولوگيالىق كورىنىس قاتارلىلارداعى سۋدان پايدالانۋدا ولشەمدى تالاپقا ۇيلەسەتىن قايتا تۋىندامالى سۋدى الدىمەن پايدالانۋ كەرەك.

ۇعىسۋعا قاراعاندا، جوبانىڭ وزگەرىس ەنگىزىلگەن نۇسقاسىندا وزەن، كول جانە جەر استى سۋىن قورعاۋ، لاس سۋدى ءبىر جاقتى ەتىپ قايتا پايدالانۋ، سۋ جەتكىزۋ ينجەنەرياسىن باسقارۋ قاتارلى بەلگىلەمەلەر تولىقتانىپ كەمەلدەندىرىلگەن ءارى بەكىتۋدەن وتكىزبەي تۇرىپ جەر استى سۋىن ءوز بەتىمەن الىپ پايدالانۋ سىندى زاڭعا قايشى ارەكەتتەرگە ايىپ سالۋدىڭ جوعارى شەگى جوعارىلاتىلعان.

كەلۋ قاينارى: حالىق تورابى