ەڭ جوعارى حالىق پروكۋراتۋراسى مەكەمەسى: دەلو تۋىلعانىنا 20 جىلدان اسقان ادام ولىمىنە قاتىستى دەلولاردى سالىستىرىپ تەكسەرۋ ارقىلى 380 قاندىقولدىڭ ۇستىنەن قۋعىنداما شاعىم ايتىلدى

ەڭ جوعارى حالىق پروكۋراتۋراسى مەكەمەسىنىڭ قىزمەتىنەن بايانداماعا قاراعاندا، 2025 - جىلى پروكۋراتۋرا ورگاندارى اۋىر زورلىق – زومبىلىق قىلمىسىن وتكىزگەندەردى قاتاڭ جازالاپ، قاساقانا ادام ءولتىرۋ، توناۋشىلىق ىستەۋ، بارىمتالاۋ قاتارلى قىلمىستار بويىنشا 54 مىڭ ادامنىڭ ۇستىنەن شاعىم ايتقان. قارا – سۇرقيا كۇشتەردى جازالاپ جونگە سالۋ مەن ولاردىڭ ”باسقالقاسىنا سوققى بەرىپ، تورىن تالقانداۋدى“ بىرگە ىلگەرىلەتىپ، قارا – سۇرقيا كۇشتەرگە قاتىستى قىلمىستار بويىنشا 9870 ادامنىڭ ۇستىنەن، ولارعا ”باسقالقا“ بولعان 65 ادامنىڭ ۇستىنەن شاعىم ايتقان. الداپ ادام ساتۋ، مىلتىققا جانە جارىلعىش زاتتارعا قاتىستى قىلمىس، ەسىرتكى جاساۋ جانە ساتۋ قىلمىسى قاتارلى قىلمىستاردى قاتاڭ جازالاپ، 39 مىڭ 900 ادامنىڭ ۇستىنەن شاعىم ايتقان. ەڭ جوعارى حالىق پروكۋراتۋراسى دەلو تۋىلعانىنا 20 جىلدان اسقان ادام ولىمىنە قاتىستى دەلولاردى سالىستىرىپ تەكسەرۋ ارقىلى 380 قاندىقولدىڭ ۇستىنەن قۋعىنداما شاعىم ايتىپ، قىلمىسكەرلەردىڭ زاڭ تورىنان قاشىپ قۇتىلۋىنا وراي بەرمەگەن. ماس بولىپ اۆتوموبيل جۇرگىزۋگە قاتىستى قىلمىستىق دەلولارعا ساياتىن پىكىرلەردى ۇزدىكسىز تياناقتاندىرىپ، اۆتوموبيلدى حاۋىپتى جۇرگىزۋ قىلمىسى بويىنشا 255 مىڭ ادامعا قاتىستى دەلونى قابىلداعان جانە تەكسەرگەن، 230 مىڭ 400 ادامنىڭ ۇستىنەن شاعىم ايتقان، بۇل سان سايكەستى مەزگىلدەگىدەن جەكە - جەكە %21.5 جانە %16.5 تومەندەگەن، ەلىمىز بويىنشا اراق ءىشىپ اۆتوموبيل جۇرگىزۋ، ماس بولىپ اۆتوموبيل جۇرگىزۋ سەبەبىنەن تۋىلعان قاتىناس شىرعالاڭىندا قازا بولعان ادام سانى سايكەستى مەزگىلدەگىدەن %13.8 ازايعان، ماس بولىپ اۆتوموبيل جۇرگىزۋدى باسقارۋ ناتيجەسى ۇزدىكسىز بەكەمدەلگەن.

كەلۋ قاينارى: حالىق تورابى