ەڭ جوعارى حالىق سوتى مەكەمەسى: شەتەلدە ەلىمىز ازاماتتارىنا زيان جەتكىزىپ قىلمىس وتكىزگەندەردى زاڭ بويىنشا ءسوزسىز جازالاۋ كەرەك

14 – كەزەكتى مەملەكەتتىك حالىق قۇرىلتايى 4 – ءماجىلىسىنىڭ ەكىنشى رەتكى جالپى ءماجىلىسى 3 - ايدىڭ 9 – كۇنى تاڭەرتەڭ بەيجيڭ حالىق قۇرىلتايى سارايىندا اشىلدى، ەڭ جوعارى حالىق سوتى مەكەمەسىنىڭ باستىعى جاڭ جۇن ەڭ جوعارى حالىق سوتى مەكەمەسىنىڭ قىزمەتىنەن بايانداما جاسادى. ەڭ جوعارى حالىق سوتى مەكەمەسىنىڭ قىزمەتىنەن بايانداماعا قاراعاندا، حالىق سوتى مەكەمەسى 2025 – جىلى الەۋمەتتىك حاۋىپسىزدىكتى بەلسەندى قورعاعان. قاساقانا ادام ءولتىرۋ قاتارلى اۋىر زورلىق – زومبىلىققا ساياتىن قىلمىستىق دەلولاردان 46 مىڭ دەلوعا قاتىستى 53 مىڭ ادامعا تەرگەۋ جۇرگىزۋدى اياقتاتقان، دەلو سانى سايكەستى مەزگىلدەگىدەن 7.3 پايىز تومەندەگەن. تەلەكوم – ينتەرنەت ارقىلى الدامكوستىك ىستەۋگە ساياتىن قىلمىستىق دەلولاردان 41 مىڭ دەلوعا قاتىستى 85 مىڭ ادامعا تەرگەۋ جۇرگىزۋدى اياقتاتقان، دەلو سانى سايكەستى مەزگىلدەگىدەن 1.2 پايىز ارتقان. بيرمانىڭ سولتۇستىگىندەگى ”ءتورت ءىرى اۋلەت“ قىلمىستىق توبىنىڭ باستى قىلمىسكەرلەرىنەن 16 ادام زاڭ بويىنشا ءولىم جازاسىنا ۇكىم ەتىلىپ، ءولىم جازاسى دەرەۋ اتقارىلعان، شەتەلدە ەلىمىز ازاماتتارىنا زيان جەتكىزىپ قىلمىس وتكىزگەندەردى زاڭ بويىنشا ءسوزسىز جازالاۋ كەرەك.

كەلۋ قاينارى: حالىق تورابى