سىرتقى ىستەر مينيسترلىگى: جۇڭگونىڭ بەيبىتشىلىك جولىنداعى قادامى توقتامايدى ادىلدىك پەن ادىلەتتىلىكتى قورعاۋ ءۇنى تولاستامايدى

شينحۋا اگەنتتىگىنىڭ 3 – ايدىڭ 11 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى گو جياكۇن 3 – ايدىڭ 11 – كۇنى كەزەكتى تىلشىلەر جينالىسىندا يران جاعدايى جونىندە سۇراۋعا جاۋاپ بەرگەندە بىلاي دەدى: سوعىس باستالعان ءبىرىنشى كۇننەن باستاپ، جۇڭگو جاق سوعىستى توقتاتۋدى، پىكىرلەسۋ مەن كەلىسسوزگە قايتا ورالۋدى، ساياسي جولمەن شەشۋگە تاباندى بولۋدى انىق ايتتى. جۇڭگو ۇكىمەتىنىڭ ورتا شىعىس ماسەلەسى جونىندەگى ەرەكشە ەلشىسى وسى كەزدە اتالعان رايوندا تىنىمسىز ساپاردا ءجۇر. ب م ۇ حاۋىپسىزدىك القالار كەڭەسىنىڭ تۇراقتى القا ەلى جانە ورتا شىعىس ەلدەرىنىڭ شىنايى دوسى رەتىندە، جۇڭگونىڭ بەيبىتشىلىك جولىنداعى قادامى توقتامايدى، ادىلدىك پەن ادىلەتتىلىكتى قورعاۋ ءۇنى تولاستامايدى، قاقتىعىسقان تاراپتاردى قامتىعان قاتىستى جاقتارمەن تىلدەسۋدى ۇزدىكسىز كۇشەيتىپ، جاعدايدى باسەڭدەتۋدە، بەيبىتشىلىكتى قالپىنا كەلتىرۋدە سىندارلى رول اتقارادى.

كەلۋ قاينارى: حالىق تورابى