ەڭ جوعارى تومەندەۋ مولشەرى 24 سەلتسي گرادۋستان استى! شينجياڭ بۇكىل ەل بويىنشا تەمپەراتۋرانىڭ تومەندەۋىندە الدىڭعى وندىقتى يەلەدى

3 – ايدىڭ 11 – كۇنى، ارالاس تيپتەگى كۇشتى سۋىق اۋا رايى جارىققا شىقتى، شينجياڭدا ەڭ الدىمەن جاڭبىر، قار جاۋىپ، بوران، قۇمدى بوران سوعىپ، تەمپەراتۋرا كۇرت تومەندەدى. ساعات 18 گە دەيىن، شينجياڭنىڭ كوپ جەرىندە تەمپەراتۋرا 15 سەلتسي گرادۋستان ارتىق تومەندەپ، بۇكىل ەل بويىنشا تەمپەراتۋرا تومەندەۋ تاقتاسىنىڭ الدىڭعى وندىعىن يەلەدى.

ورتالىق اۋا رايى ستانسياسىنىڭ اۋا تەمپەراتۋراسىنىڭ ناقتى جاعدايىنان قاراعاندا، 3 – ايدىڭ 10 – كۇنى ساعات 18 دەن 11 - كۇنى ساعات 18 گە دەيىن، بۇكىل ەلدەگى 2672 پۋنكتتىڭ ىشىندە ساعات 24 تە تەمپەراتۋرانىڭ تومەندەۋى ەڭ زور 50 پۋنكتتىڭ بارلىعى شينجياڭدا بولعان، مۇنىڭ ىشىندە قۋرايتىدا تەمپەراتۋرانىڭ تومەندەۋ مولشەرى 24.3 سەلتسي گرادۋس بولىپ، ءبىرىنشى ورىندا تۇر، جەمەنەي، تەرەكتى سايلارىندا جەكە - جەكە 21.8 سەلتسي گرادۋس، 20.8 سەلتسي گرادۋس تومەندەگەن.

جۇڭگو اۋا رايى تورابىنىڭ ساقتىق ينفورماتسياسىندا كورسەتىلۋىنشە، 3 – ايدىڭ 11 - كۇنى ساعات 18 گە دەيىن شينجياڭدا ءالى دە 265 اۋا رايى ساقتىق سيگنالى بار، مۇنىڭ ىشىندە 58 سۋىق اعىستان ساقتانۋدىڭ ساقتىق سيگنالى، 25 قالىڭ قاردان ساقتاۋدىڭ ساقتىق سيگنالى، 74 بوراننان ساقتانۋدىڭ ساقتى سيگنالى بار.

شينجياڭ اۋا رايى مەكەمەسى مىنانى ەسكەرتتى: الداعى ەكى كۇندە بۇكىل شينجياڭنىڭ باسىم كوپ بولەگىنىڭ تەمپەراتۋراسى كورنەكتى تومەندەيدى، سولتۇستىك شينجياڭنىڭ، شىعىس شينجياڭنىڭ تەمپەراتۋراسىنىڭ تومەندەۋى ءتىپتى دە زور بولادى، ەڭ تومەنگى تەمپەراتۋرا ءبىرشاما تومەن بولادى، جۇرتشىلىقتىڭ سۋىقتان ساقتانۋدى كۇشەيتۋىن ەسكەرتەمىز.

كەلۋ قاينارى: حالىق تورابى