شينجياڭداعى تەمىر شىڭى مەملەكەتتىك جاراتىلىستىق قورىعى جانە ونىڭ ماڭىنداعى وڭىردە ءىلبىستىڭ سانى 200 دەن استى دەپ مەجەلەنگەن

انار بۇلت / شينجياڭ گازەتى ءتىلشىسى حى يانحۇڭ، ەرىكتى ءتىلشىسى لي جيا حابارلايدى. 3 – ايدىڭ 11 – كۇنى، ءتىلشىنىڭ شينجياڭ تەمىر شىڭى مەملەكەتتىك جاراتىلىستىق قورىعىن باسقارۋ مەكەمەسىنەن ۇعىسۋىنشا، ءبىر جىلعا جۋىق ۋاقىت ارناۋلى تەكسەرۋ جۇرگىزۋ ارقىلى، تەمىر شىڭى مەملەكەتتىك جاراتىلىستىق قورىعى جانە ونىڭ ماڭىنداعى وڭىردە ءىلبىستىڭ سانى شامامەن 205 كە، قورىقتاعى ءىلبىستىڭ سانى شامامەن 130 كە جەتتى دەپ مەجەلەنگەن.

جۋىردا، شينجياڭ تەمىر شىڭى مەملەكەتتىك جاراتىلىستىق قورىعىن باسقارۋ مەكەمەسى تەمىر شىڭى جانە ونىڭ ماڭىنداعى وڭىردەگى ءىلبىستىڭ سانى مەن تىرشىلىك ورتاسىنا تەكسەرۋ جۇرگىزۋ نىسانىن اياقتاتۋ – وتكىزىپ الۋ جونىندە بەينە كەسكىن ءماجىلىسىن ۇيىمداستىردى. بەيجيڭدەگى، جىجياڭداعى، شينجياڭداعى 5 ايگىلى ماماننىڭ تەكسەرىپ بەكىتۋى بويىنشا، نىساننىڭ ماتەريالدارى ەگجەي - تەگجەيلى، ءادىسى عىلىمي، ناتيجەسى مول دەپ باعالانىپ، تەكسەرىپ وتكىزىپ الۋدان ءساتتى وتكەن.

بۇل رەتكى تەكسەرۋ جوباسى 2025 – جىلى 4 – ايدا باستالىپ، بەيجىڭ قالاسى حايديان رايونىنداعى لۋچياۋ ەكولوگيا ورتالىعىنىڭ ۇجىمى جۇمىس اتقارعان. تەكسەرۋ مەزگىلىندە جالپى 312 ينفرا قىزىل ساۋلەلى كامەرا ورناتىلىپ، جيىنى 109 ءىلبىس تانىلىپ ەستەلىككە الىنعان. 137 ورىنداعى 573 رەتكى ءونىمدى دەربەس بارلاۋ بارىسىندا، ىلبىستەردىڭ ارەكەتى جيىنى 53 رەت ەستەلىككە الىنعان، بۇل ۇقساماعان 17 ءىلبىس توبىن قامتيدى، مۇندا الانىن ەرتىپ جۇرگەن انالىق ءىلبىس نەمەسە ءبىر جۇپ اتالىق – انالىق ءىلبىس قامتىلعان.

كەلۋ قاينارى: حالىق تورابى