رەسەي ورتاعا قويعان ورتا شىعىس جاعدايى جونىندەگى قاۋلى جوباسى ماقۇلدانبادى، جۇڭگو جاق ۇمىتسىزدەندى جانە وكىنىش ءبىلدىردى

شينحۋا اگەنتتىگىنىڭ 3 – ايدىڭ 11 - كۇنى ب م ۇ ـ نان بەرگەن حابارى. جۇڭگونىڭ ب م ۇ ـ نداعى تۇراقتى ۋاكىلى فۋ سۇڭ 3 – ايدىڭ 11 – كۇنى حاۋىپسىزدىك القالار كەڭەسىنىڭ ورتا شىعىس جاعدايى جونىندەگى قاۋلى جوباسىن داۋىسقا سالعاننان كەيىنگى ءتۇسىندىرۋ سيپاتتى سوزىندە بىلاي دەدى: رەسەي العا قويعان قاۋلى جوباسىندا ب م ۇ ەرەجەسىنىڭ ماقساتى مەن پرينسيبى قايتالاي دارىپتەلىپ، ءارقايسى جاقتاردى اسكەري ارەكەتتى دەرەۋ توقتاتۋعا قۋزاپ، جاي بۇقارا مەن حالىقتىق قۇرىلعىلارعا باعىتتالعان بارلىق شابۋىلدى جازعىرىپ، ءارقايسى جاقتاردى ديپلوماتيالىق كەلىسسوز ارناسىنا قايتا ورالۋعا شابىتتاندىردى، جۇڭگو جاق قارسى الاتىندىعىن جانە قولدايتىندىعىن ءبىلدىردى، قاۋلى جوباسىنىڭ ماقۇلدانباعانىنا ۇمىتسىزدەندى جانە وكىنىش ءبىلدىردى.

حاۋىپسىزدىك القالار كەڭەسى سول كۇنى كەزەكتەگى ورتا شىعىس رايونىنداعى اسكەري قاقتىعىسقا ساياتىن ەكى قاۋلى جوباسىن داۋىسقا سالدى. ونىڭ ىشىندە رەسەي ورتاعا قويعان قارار جوباسى ءارقايسى جاقتاردى ورتا شىعىس جانە باسقا رايوندارداعى اسكەر ارەكەتىن دەرەۋ توقتاتىپ، جاعدايدىڭ ۋشىعۋىنان ساقتانۋعا شاقىرىپ، جاي بۇقارا مەن حالىقتىق قۇرىلعىلارعا باعىتتالعان بارلىق شابۋىلدى ايىپتادى؛ ءارى ءارقايسى جاقتاردىڭ حالىقارالىق ادامگەرشىلىك زاڭى قاتارلى حالىقارالىق زاڭداردا ۇستىنە العان مىندەتىنە نەگىزدەلىپ، جاي بۇقارا مەن حالىقتىق قۇرىلعىلاردى قورعاۋعا شاقىردى. بۇل جوبا 4 داۋىستىڭ قۇپتاۋىمەن، 2 داۋىستىڭ قارسى تۇرۋىمەن، 9 داۋىستىڭ قالىس قالۋىمەن ماقۇلدانبادى. رەسەي، جۇڭگو، پاكيستان، سومالي قۇپتاۋ بەلەتىن، ا ق ش پەن لاتۆيا قارسى داۋىس بەردى.

كەلۋ قاينارى: حالىق تورابى