سىرتقى ىستەر مينيسترلىگى ا ق ش – نىڭ حورموز بۇعازى جونىندەگى سوزىنە جاۋاپ قايتاردى: ءارقايسى جاقتاردى اسكەري ارەكەتتى توقتاتۋعا تاعى دا ۇندەيمىز

شينحۋا اگەنتتىگىنىڭ 3 – ايدىڭ 16 - كۇنى بەيجيڭنەن بەرگەن حابارى. ا ق ش – نىڭ حورموز بۇعازىن تىلگە تيەك ەتكەن كەزدەگى جۇڭگوعا ساياتىن سوزىنە قاراتا، سىرتقى ىستەر مينيسترلىگىنىڭ مالىمدەمەشىسى لين جيان 3 – ايدىڭ 16 – كۇنى كەزەكتى تىلشىلەر جينالىسىندا بىلاي دەدى: حورموز بۇعازىنىڭ جانە ونىڭ ماڭىنداعى سۋ ايدىنىنىڭ تاياۋ مەزگىلدەگى جاعدايى شيەلەنىسىپ، حالىقارالىق زات جانە ەنەرگيا ساۋدا ارناسىنا سوقتىعىپ، ءوڭىردىڭ جانە دۇنيە ءجۇزىنىڭ بەيبىتشىلىگى مەن ورنىقتىلىعىن ءبۇلدىردى. جۇڭگو ءارقايسى جاقتاردىڭ اسكەري ارەكەتىن دەرەۋ توقتاتىپ، شۇعىل جاعدايدىڭ ونان ارى ۋشىعۋىنان ساقتانىپ، وڭىرلىك جاعدايدىڭ اۋمالى - توكپەلى بولۋىنىڭ دۇنيە ءجۇزىنىڭ ەكونوميكاسىنىڭ دامۋىنا اناعۇرلىم زور ىقپال جاساۋىنان ساقتانۋعا ۇندەيدى. جۇڭگو قازىرگى جاعداي جونىندە ءارقايسى جاقتارمەن تىلدەسۋدى ساقتاپ، جاعدايدى باسەڭدەتۋگە كۇش سالادى.

كەلۋ قاينارى: حالىق تورابى