جۇڭگو قىزىل كرەست قوعامى يرانعا ادامگەرشىلىك تۇرعىسىنان بەرگەن شۇعىل كومەكتى تابىستاۋ سالتى تەھراندا وتكىزىلدى 

شينحۋا اگەنتتىگىنىڭ ءتىلشىسى سادات 3 – ايدىڭ 15 – كۇنى تەھراننان حابارلايدى. جۇڭگو قىزىل كرەست قوعامى يران قىزىل جاڭا اي قوعامىنا ادامگەرشىلىك تۇرعىسىنان بەرگەن 200 مىڭ ا ق ش دوللارىندىق شۇعىل كومەكتى تابىستاۋ سالتى 3 - ايدىڭ 15 – كۇنى جۇڭگونىڭ يرانداعى باس ەلشىلىگىندە وتكىزىلدى. بۇل كومەك يراننىڭ شاجارە تايەبە باستاۋىش مەكتەبىندە قازا بولعان وقىتۋشى - وقۋشىلاردىڭ وتباسىنداعىلارعا كوڭىل ايتۋعا جانە قامقورلىق جاساۋعا پايدالانىلادى.

جۇڭگونىڭ يرانداعى باس ەلشىسى سۇڭ پەي - ۋ تابىستاۋ سالتىندا مىنانى ءبىلدىردى: جۇڭگو جاق جاي بۇقاراعا جانە بەياسكەري نىساناعا پارىقسىز شابۋىل جاساعان ءارقانداي ارەكەتتى قاتاڭ جازعىرادى، مەكتەپكە شابۋىلداۋ، بالالاردى جازىم ەتۋ حالىقارالىق ادامگەرشىلىك زاڭىن اۋىر دارەجەدە ءبۇلدىرىپ، ادامزاتتىڭ ءمورالدىق شەگىنەن اتتاپ وتكەندىك سانالادى. جۇڭگو جاق يران حالقىنىڭ قيىن كەزەڭنەن وتۋىنە ۇزدىكسىز قولداۋ كورسەتەدى. ورتا شىعىستاعى ەلدەردىڭ ادال دوسى ءارى ستراتەگيالىق سەرىكتەسى سالاۋاتىمەن، جۇڭگو جاق ورتا شىعىستاعى ەلدەرمەن بىرگە دۇنيە جۇزىلىك حاۋىپسىزدىك دارىپتەمەسىن امالياتتا ايگىلەپ، ورتا شىعىستىڭ ءتارتىبىن قالپىنا كەلتىرۋدى، حالىقتىڭ تىنىشتىعىن قالپىنا كەلتىرۋدى، دۇنيە ءجۇزىنىڭ بەيبىتشىلىگىن قالپىنا كەلتىرۋدى قالايدى.

يران قىزىل جاڭا اي قوعامىنىڭ حالىقارالىق ىستەرگە جاۋاپتى ورىنباسار ءتوراعاسى اليشۋاندي سالتتا جۇڭگو جاقتىڭ يران جاق قيىنشىلىققا ۇشىراعان كەزدە كومەك قولىن سوزعانىنا راقىمەت ايتىپ، بۇل جۇڭگونىڭ جاۋاپكەرشىلىكتى ءىرى ەل بولۋ وبىرازى مەن ەكى ەل حالقىنىڭ ءبىر – بىرىنە قارايلاساتىن تەرەڭ دوستىعىن تولىق ايگىلەگەنىن ءبىلدىردى.

2 - ايدىڭ 28 – كۇنى، ا ق ش مەن يزرايل يرانعا باعىتتالعان زور كولەمدى اسكەري ارەكەتىن باستاعان العاشقى كۇنى، يراننىڭ وڭتۇس بولىگىندەگى حورمۇزگان ولكەسى مىناب قالاسىنداعى شاجارە تايەبە باستاۋىش مەكتەبى شابۋىلداۋعا ۇشىراپ، كەمىندە 165 ادام قازا بولعان، ولاردىڭ كوبى 10 جاس مولشەرىندەگى قىز بالالار.

كەلۋ قاينارى: حالىق تورابى