بازاردى باقىلاۋ – باسقارۋ باس مەڭگەرمەسى ۇقتىرۋ جاريالاپ، جارنامادا ”جۇرت نازارىن اۋداراتىن سوزدەردى ۇلكەن ارىپتەرمەن، جاۋاپكەرشىلىك ارقالاماۋ تۋرالى مالىمدەمەنى ۇساق ارىپتەرمەن جازۋ“ قاتارلى جارناماعا قاتىستى بىلىققان جاعدايدى جونگە سالۋ تەبىن ارتتىرادى 

جۋىردا، بازاردى باقىلاۋ – باسقارۋ باس مەڭگەرمەسى «جارنامالارداعى ەسكەرتۋ سيپاتتى سوزدەردى باقىلاۋ – باسقارۋ قىزمەتىن كۇشەيتۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەپ اتالادى) باسىپ تاراتىپ، جارنامالارداعى قاتىستى بىلىققان جاعدايلار جونىندە جارىم جىلدىق مەرزىممەن اداقتاۋ جانە جونگە سالۋ قىزمەتىن ورىستەتۋ جونىندە ورنالاستىرۋ جاساعان.

«ۇقتىرۋدا» ”ءارىپتىڭ كەيبىرەۋىن ۇلكەن ارىپپەن، كەيبىرەۋىن ۇساق ارىپپەن جازۋدان پايدالانىپ ادامدى الجاستىراتىن“ جارنامالاردى جونگە سالۋ، ەسكەرتۋ سيپاتىنداعى سوزدەردى ايقىن بەينەلەمەگەن جارنامالاردى زاڭ بويىنشا تەكسەرىپ ءبىرجاقتى ەتۋ، زاڭعا قايشى تۇردە كەسەتكەن سوزدەردى قولدانعان جارنامالاردى زاڭ بويىنشا تەكسەرىپ ءبىرجاقتى ەتۋ، سيتات كەلتىرىلگەن جارنامالاردى باقىلاۋ - باسقارۋدى كۇشەيتۋ، جارناما يەسىنىڭ ءوزى ىسپاتپەن قامداعان جارنامالاردىڭ مازمۇنىن باقىلاۋ - باسقارۋدى كۇشەيتۋ، جارناما جاريالايتىن باستى مەديالاردى باقىلاۋ - باسقارۋدى كۇشەيتۋ قاتارلى التى ءتۇرلى ماڭىزدى مىندەتتەر بەلگىلەنگەن، ءار دارەجەلى بازاردى باقىلاۋ – باسقارۋ تاراۋلارىنان ”جۇرت نازارىن اۋداراتىن سوزدەردى ۇلكەن ارىپتەرمەن، جاۋاپكەرشىلىك ارقالاماۋ تۋرالى مالىمدەمەنى ۇساق ارىپتەرمەن جازۋ“، ”ءبىرىنشى، تۇڭعىش رەت، ەڭ جاقسى دەگەن سياقتى سوزدەردى الباتى قولدانۋ“، ”وزىنە سايكەستىرىپ جاسالعان ىسپاتتاردى عانا العا تارتۋ“، سونداي – اق، تۇتىنۋشىعا پايداسىز ينفورماتسيانى سولعىنداتۋ قاتارلى ءوندىرۋ - ساتۋ جاعىنداعى بىلىققان جاعدايدى جونگە سالۋ تەبىنىن ارتتىرۋدى، تۇتىنۋشىلاردى اۋىر دارەجەدە الدايتىن جانە الجاستىراتىن، بازارداعى باسەكە ءتارتىبىن بۇلدىرەتىن جارناماعا قاتىستى زاڭعا قايشى ارەكەتتەردى زاڭ بويىنشا باتىل تەكسەرىپ ءبىرجاقتى ەتىپ، ساپالى جارناما بايلىعى مەن جوعارى ساپالى ونىمدەردى ۇشتاستىرۋدى بەلسەندى ىلگەرىلەتىپ، جارناما يەلەرىنىڭ ”ءوندىرۋ – ساتۋ جاعىنداعى ۋايىمداعان“ كوڭىل – كۇيىن باسەڭدەتىپ، جارناما قيمىلىنا قاتىستى ءارقايسى تيجاراتشىلاردى ”ءسوز ويىنى“ فورماسىنداعى جارنامادان ىرىقتى باس تارتۋعا جەتەلەۋدى تالاپ ەتكەن.

كەلۋ قاينارى: حالىق تورابى