ينتەرنەت ارقىلى ساتىلاتىن ازىق – تۇلىكتەردىڭ حاۋىپسىزدىگىنە قاتىستى بەلگىلەمەلەرگە بويسۇنۋ ءارى ازىق - تۇلىك ساپاسىن جوعارىلاتۋ جەلىلەس ارەكەتى باستالدى 

جۇمىسشىلار گازەتىنىڭ ءتىلشىسى جياڭ حان 3 – ايدىڭ 16 – كۇنى بەيجيڭنەن حابارلايدى. ءتىلشىنىڭ 3 – ايدىڭ 16 - كۇنى بازاردى باقىلاۋ – باسقارۋ باس مەڭگەرمەسىنەن ۇعىسۋىنشا، ينتەرنەتتىك ازىق – تۇلىك ساۋدا تەكشەلەرى مەن تەكشەگە قوسىلعان ساۋداگەرلەردىڭ نەگىزگى تۇلعالىق جاۋاپكەرشىلىكتەرىن ىشكەرىلەي تياناقتاندىرۋ ءۇشىن، سول كۇننەن باستاپ، بازاردى باقىلاۋ – باسقارۋ باس مەڭگەرمەسى ينتەرنەت ارقىلى ساتىلاتىن ازىق – تۇلىك حاۋىپسىزدىگىنە قاتىستى بەلگىلەمەلەرگە بويسۇنۋ مەن ازىق - تۇلىك ساپاسىن جوعارىلاتۋ جەلىلەس ارەكەتىن ورىستەتكەن.

جەلىلەس ارەكەت بارىسىندا تۇتىنۋشىلاردىڭ اڭىسى كۇشتى بولعان ءۇش ءىرى ماسەلەنى ءتۇيىندى تۇردە شەشىم ەتىپ، تىكە تاراتىلىم ارقىلى زات ساتۋعا قاتىستى بىلىققان جاعدايدى قاتاڭ باسقارىپ، تەكشەگە كىرگىزىلگەن ازىق – تۇلىكتىڭ تولىمدىلىعىن قاتاڭ تەكسەرىپ، جالعان جارناما جاساۋ ارەكەتىن قاتاڭ جازالايدى.

ارەكەت مەزگىلىندە، باقىلاۋ – باسقارۋ تاراۋلارى تىكە تاراتىلىم ارقىلى ساتىلاتىن ازىق – تۇلىكتەر، ينتەرنەت ارقىلى ساتىلاتىن ازىق – تۇلىكتەر، قۋاتتىق ازىق – تۇلىكتەر، ينتەرنەتتە تانىمال بولعان ازىق – تۇلىكتەر قاتارلىلارعا قاتىستى كورنەكتى ماسەلەلەردى ارناۋلى جونگە سالىپ، جالعان – جارامسىز ازىق – تۇلىك ساتۋ، ساپاسىزدارىن ساپالى دەپ وتكىزۋ قاتارلى ازىق – تۇلىككە قاتىستى كىناراتتى جاعدايلاردى باقىلاۋ – باسقارۋدى جانە زاڭ اتقارۋ تەبىنىن كۇشەيتىپ، ينتەرنەتتىك ساۋدا تەكشەلەرىنڭ وزىندىك ءتارتىپ شارتىنا بىرگە قول قويۋىن ىلگەرىلەتىپ، ءوڭىر اتتاعان، ينتەرنەتتەگى قيمىلدار مەن ينتەرنەتتەن تىس قيمىلداردى سايكەستىرگەن باقىلاۋ – باسقارۋدى كۇشەيتىپ، ازىق – تۇلىك حاۋىپسىزدىگىنە قاتىستى ىستەردى قاينارىنان باستاپ تەكسەرۋگە بولاتىن، حاۋىپ – قاتەرلەردىڭ قاينارىن تابۋعا بولاتىن جاعدايدى ىسكە اسىرادى.

كەلۋ قاينارى: حالىق تورابى