شينجياڭدا ”نەگىزدى بەكەمدەپ، ارمانعا ۇمتىلۋ، كاسىپتىك ونەرمەن شينجياڭدى گۇلدەندىرۋ“ قيمىلى باستالدى 

جۇمىسشىلار گازەتىنىڭ ءتىلشىسى ۋ دوسى حابارلايدى. جۋىردا، شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى قاتارلى سالالىق باسقارۋشى تاراۋلاردان 28 تاراۋ «”نەگىزدى بەكەمدەپ، ارمانعا ۇمتىلۋ، كاسىپتىك ونەرمەن شينجياڭدى گۇلدەندىرۋ“ اتتى كەڭ كولەمدى ناقتىلاندىرىلعان كاسىپتىك ونەردى جەتىلدىرۋ كۋرسى ارەكەتىن اتقارۋ جوباسىن» (تومەندە قىسقارتىلىپ «جوبا» دەپ اتالادى) بىرگە باسىپ تاراتقان، بۇل شينجياڭدا بۇكىل اۆتونوميالى رايون بويىنشا وتكىزىلەتىن، كوپ سالانى قامتىعان، ءتۇرلى توپتارعا باعىتتالعان جۇيەلى كاسىپتىك ونەردى جەتىلدىرۋ ينجەنەرياسىنىڭ رەسمي باستالعانىن كورسەتەدى.

ۇعىسۋعا قاراعاندا، قيمىل بارىسىندا ”دارىندىلاردى جەتىلدىرۋگە قارجى قوسۋ“ ستراتەگيالىق باعىتىندا تاباندى بولىپ، ”كۋرستى ۇيىمداستىرۋشىلاردى ناقتىلاندىرۋ، دارىندىلاردى سۇرىپتاپ جەتىلدىرۋ، باسقارۋ جانە قىزمەت وتەۋ تىڭعىلىقتى بولۋ“ سىندى تانىم جەتەكشى ەتىلەدى، مۇنداعى ماقسات — ەڭبەكشىلەردىڭ كاسىپتىك ونەرىن جوعارىلاتۋ جاعىندا ۇزاق مەرزىمدى، جۇيەلى، دالمە - ءدال قارجى قوسۋ ارقىلى تالاپقا اناعۇرلىم ساي كەلەتىن، جەتىلدىرۋ ساپاسى جوعارى، قىزمەت وتەۋى جانە قامتاماسىزداندىرۋى اناعۇرلىم جاقسى بولعان وسىزامانعى كاسىپتىك ونەرلى دارىندىلاردى جەتىلدىرۋ تىڭ ەكولوگياسىن كوركەيتىپ، ”كاسىپتىك ونەردى جەتىلدىرگە قارجى قوسۋ، قۇندىلىقتى جوعارىلاتۋ، دامۋدان تەڭ يگىلىكتەنۋ“ سىندى ءتيىمدى اينالىمدى قالىپتاستىرۋ.

«جوبادا» مىنالار ايقىن بەلگىلەنگەن: اۆتونوميالى رايوننىڭ كاسىپ سالاسىن دامىتۋ جاعىنداعى ماڭىزدى تۇيىندەرىنە نازاردى شوعىرلاندىرىپ، 2026 – جىلدان 2028 - جىلدىڭ سوڭىنا دەيىن، وزىق جاساۋ كاسىبى، سيفرلىق ەكونوميكا، جاسىل تيپتى ەنەرگيا قاتارلى 9 ءتۇرلى ءتۇيىندى سالانى توڭىرەكتەي وتىرىپ، 5 ءتۇرلى ماڭىزدى توپقا باعىتتاپ، كەڭ كولەمدى، دالمە - ءدال كاسىپتىك ونەردى جەتىلدىرۋ كۋرستەرىن ورىستەتەدى. اۆتونوميالى رايون بويىنشا ءار جىلى 600 مىڭنان استام ادام (رەت) كۋرسقا قاتىناستىرىلادى، 3 جىلدا جاڭادان 300 مىڭ كاسىپتىك ونەرلى دارىندى ارتتىرىلادى، مۇنىڭ ىشىندە جوعارى كاسىپتىك ونەرلى دارىندىلاردىڭ سالىستىرماسى ورنىقتى جوعارىلاتىلادى.

كەلۋ قاينارى: حالىق تورابى