3 – ايدىڭ 21 – كۇنى شينجياڭداعى اقىلى تاس جولداردا قاتىناۋ اقىسى الىنبايدى

3 – ايدىڭ 21 – كۇنى، شينجياڭداعى اقىلى تاس جولداردا شاعىن تيپتى جولاۋشىلار اۆتوموبيلدەرىنەن قاتىناۋ اقىسى الىنبايدى.

شينجياڭ ۇيعۇر اۆتونوميالى رايوندىق ۇكىمەتتىڭ تورابى جاريالاعان 2026 – جىلعى ءبىر ءبولىم مەرەكەلەردە دەمالىسقا تاراتۋ جونىندەگى ورنالاستىرۋعا ساي، 3 – ايدىڭ 21 – كۇنى (سەنبى) از ۇلتتاردىڭ داعدىلى مەرەكەسى ورازا ايت مەرەكەسى، 3 – ايدىڭ 20 – كۇنىنەن (جۇما) 3 – ايدىڭ 22 – كۇنىنە (جەكسەنبى) دەيىن جيىنى 3 كۇن دەمالىس بەرىلەدى. 3 – ايدىڭ 17 – كۇنى اۆتونوميالى رايوندىق قاتىناس – تاسىمال مەڭگەرمەسىنىڭ تورابى 2026 – جىلعى ورازا ايت مەرەكەسى مەزگىلىندە تاس جولدا قاتىناۋشىلارعا قىزمەت وتەۋ باعدارناماسىن جاريالاپ، 3 – ايدىڭ 21 – كۇنى شينجياڭنىڭ اكىمشىلىك اۋماعىنداعى اقىلى تاس جولداردا 7 ورىندىقتىدان تومەنگى (7 ورىندىقتىنى قامتيدى) شاعىن تيپتى جولاۋشىلار اۆتوموبيلدەرىنەن قاتىناۋ اقىسىن الماۋدى ايقىن تۇراقتاندىرعان.

اقى الىنبايتىن ناقتى ۋاقىت مەرزىمى 3 – ايدىڭ 21 – كۇنى ساعات 00:00 دەن 24:00 گە دەيىن، شينجياڭ بويىنشا تۇيىقتامالى اقىلى تاس جولداردا اۆتوموبيلدىڭ اقىلى اۆتوموبيل جولىنان شىققان ۋاقىتى نەگىز ەتىلەدى، اشىق فورمالى اقىلى تاس جولداردا اۆتوموبيلدىڭ اقىلى تاس جولداعى اقى الۋ بەكەتىنەن وتكەن ۋاقىتى نەگىز ەتىلەدى.

كەلۋ قاينارى: حالىق تورابى