پروكۋراتۋرا ورگاندارى جياڭ چاۋلياڭنىڭ پارا الۋ دەلوسىنا زاڭ بويىنشا الەۋمەتتىك ايىپتاۋ ءتۇسىردى

شينحۋا اگەنتتىگىنىڭ 3 – ايدىڭ 17 – كۇنى بەيجيڭنەن بەرگەن حابارى. ءتىلشىنىڭ 3 – ايدىڭ 17 – كۇنى ەڭ جوعارى حالىق پروكۋراتۋراسىنان ۇعىسۋىنشا، 14 ـ كەزەكتى مەملەكەتتىك حالىق قۇرىلتايى تۇراقتى كوميتەتىنىڭ بۇرىنعى مۇشەسى، مەملەكەتتىك حالىق قۇرىلتايى اۋىل شارۋاشىلىعى جانە اۋىل ـ قىستاق كوميتەتىنىڭ بۇرىنعى ورىنباسار مەڭگەرۋشى مۇشەسى جياڭ چاۋلياڭنىڭ پارا الۋ كۇمانى تاعىلعان دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتىپ، پروكۋراتۋرا ورگاندارىنىڭ تەكسەرىپ ايىپتاۋىنا وتكىزىپ بەرگەن. ەڭ جوعارى حالىق پروكۋراتۋراسى زاڭ بويىنشا پارا الۋ قىلمىسىمەن جياڭ چاۋلياڭدى قولعا الۋدى ۇيعاردى ءارى جياڭسۋ ولكەسى نانجيڭ قالالىق حالىق پروكۋراتۋراسىن تەكسەرىپ ايىپتاۋعا بەلگىلەدى. نانجيڭ قالالىق حالىق پروكۋراتۋراسى نانجيڭ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر جياڭ چاۋلياڭنىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتاۋ ءتۇسىردى: ايىپكەر جياڭ چاۋلياڭ جۇڭگو اۋىل شارۋاشىلىق بانكەسى جالپىلىق جوسپارلاۋ ءبولىمىنىڭ مەڭگەرۋشىسى، قاتىناس بانكەسى پارتكومىنىڭ شۋجيى، باس جوراسى، مەملەكەتتىك دامۋ بانكەسى پارتكومىنىڭ ورىنباسار شۋجيى، ورىنباسار باس جوراسى، بانكە باستىعى، جۇڭگو اۋىل شارۋاشىلىق بانكەسى پارتكومىنىڭ شۋجيى، باس جوراسى، جيلين ولكەلىك پارتكومنىڭ ورىنباسار شۋجيى، ولكە باستىعى، حۋبەي ولكەلىك پارتكومنىڭ شۋجيى قاتارلى قىزمەت قولايلىلىعىنان پايدالانىپ، سونداي - اق قىزمەت ۇقىعىنان نەمەسە ورنىنان قالىپتاسقان قولايلى شارت - جاعدايدان پايدالانىپ، باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى توتەنشە كوپ، زاڭ بويىنشا پارا الۋ قىلمىسىمەن قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى