شينجياڭ قالىڭ قاردان ساقتانۋدىڭ كوك ءتۇستى ساقتىق سيگنالىن، جولعا مۇز قاتۋدان ساقتانۋدىڭ سارى ءتۇستى ساقتىق سيگنالىن، بوراننان ساقتانۋدىڭ كوك ءتۇستى ساقتىق سيگنالىن جاريالادى!

جۇڭگو اۋا رايى تورابىنىڭ ەڭ جاڭا مالىمەتىنە قاراعاندا، 3 – ايدىڭ 23 – كۇنى شينجياڭ اۋا رايى ستانسياسى جالعاستى قالىڭ قاردان ساقتانۋدىڭ كوك ءتۇستى ساقتىق سيگنالىن، جولعا مۇز قاتۋدان ساقتانۋدىڭ سارى ءتۇستى ساقتىق سيگنالىن، بوراننان ساقتانۋدىڭ كوك ءتۇستى ساقتىق سيگنالىن جاريالاپ، جۇرتشىلىقتىڭ ساقتىقتى كۇشەيتۋىن ەسكەرتتى.

قالىڭ قاردان ساقتانۋدىڭ كوك ءتۇستى ساقتىق سيگنالى

3 – ايدىڭ 23 – كۇنى ساعات 13 تەن 16 مينۋت وتكەندە شينجياڭ اۋا رايى ستانسياسى قالىڭ قاردان ساقتانۋدىڭ كوك ءتۇستى ساقتىق سيگنالىن جاريالادى: مەجەمەن 3 – ايدىڭ 23 – كۇنى تۇننەن 25 – كۇنى كۇندىزگە دەيىن ىلە اڭعارىنىڭ سولتۇستىك بولەگىندەگى تاۋلى وڭىرلەر، تارباعاتاي ايماعىنىڭ سولتۇستىك بولەگىندەگى تاۋلى وڭىرلەر، شىحىزى قالاسىنىڭ وڭتۇستىك بولەگى، ءۇرىمجى قالاسىنىڭ تاۋلى وڭىرلەرى، سانجى حۇيزۋ اۆتونوميالى وبلىسى، قۇمىل قالاسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە قالىڭ قار جاۋادى، قۇمىل قالاسىنىڭ تاۋلى وڭىرلەرىنىڭ ءىشىنارا جەرلەرىندە ەرەكشە قالىڭ قار جاۋادى، ساقتىقتى كۇشەيتىڭىزدەر.

جولعا مۇز قاتۋدان ساقتانۋدىڭ سارى ءتۇستى ساقتىق سيگنالى

3 – ايدىڭ 23 – كۇنى ساعات 13 تەن 36 مينۋت وتكەندە شينجياڭ اۋا رايى ستانسياسى جولعا مۇز قاتۋدان ساقتانۋدىڭ سارى ءتۇستى ساقتىق سيگنالىن جاريالادى: مەجەمەن 3 – ايدىڭ 23 – كۇنى تۇننەن 26 – كۇنى كۇندىزگە دەيىن، سولتۇستىك شينجياڭنىڭ باسىم كوپ بولەگى، تۇرپان قالاسى، قۇمىل قالاسى جانە وڭتۇستىك شينجياڭنىڭ باتىس بولەگىندەگى تاۋلى وڭىرلەر، بايىنعولىن موڭعۇل اۆتونوميالى وبلىسىنىڭ سولتۇستىك بولەگىندەگى تاۋلى وڭىرلەر، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە ىلگەرىندى - كەيىندى جاڭبىر نەمەسە جاڭبىر ارالاس قار جاۋىپ، سوڭى قارعا اينالادى، جول تايعاق بولادى، قاتىناسقا ىقپال جاسايتىن جولعا مۇز قاتاتىن جاعدايلار تۋىلۋى مۇمكىن، ساقتىقتى كۇشەيتىڭىزدەر.

بوراننان ساقتانۋدىڭ كوك ءتۇستى ساقتىق سيگنالى

3 – ايدىڭ 23 – كۇنى ساعات 13 تەن 37 مينۋت وتكەندە شينجياڭ اۋا رايى ستانسياسى بوراننان ساقتانۋدىڭ كوك ءتۇستى ساقتىق سيگنالىن جاريالادى: مەجەمەن 3 – ايدىڭ 23 - كۇنى تۇننەن 26 - كۇنى كۇندىزگە دەيىن سولتۇستىك شينجياڭنىڭ باتىس سولتۇستىك بولەگى، قارامايلى قالاسى، ءۇرىمجى قالاسى، سانجى وبلىسى، وڭتۇستىك شينجياڭنىڭ باتىس بولەگىندەگى تاۋلى وڭىرلەر، اقسۋ ايماعىنىڭ تاۋلى وڭىرلەرى، بايىنعولىن وبلىسىنىڭ سولتۇستىك بولەگى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىندە باتىس سولتۇستىكتەن ىلگەرىندى - كەيىندى 8 بال شاماسىندا بوران سوعادى، جەل وتىندە 9 دا 10 بال بوران سوعادى، وتكىنشى جەل كۇشى 11 بالعا جەتەدى، تۇرپان قالاسى، قۇمىل قالاسىنداعى جەل وتتەرىندەگى جەل كۇشى 12 بالعا جەتەدى، ءىشىنارا وڭىرلەردە قارلى بوران سوعادى. 25 – كۇنى تۇستەن كەيىننەن 26 - كۇنى كۇندىزگە دەيىن وڭتۇستىك شينجياڭ ويپاتىندا قيىس شىعىستان 5 بال شاماسىندا جەل سوعادى، وتكىنشى جەل كۇشى 7 دە 8 بالعا جەتەدى، ۇقساماعان دارەجەدە قۇمدى بوران سوعادى، ساقتىقتى كۇشەيتىڭىزدەر.

كەلۋ قاينارى: حالىق تورابى