جۇڭگودا تۇراتىن ەلشىلەر شينجياڭنىڭ دامۋ جەتىستىگى جونىندە اڭگىمەلەستى

حالىق گازەتىنىڭ ءتىلشىسى ۋاڭ لي 3 – ايدىڭ 22 – كۇنى بەيجيڭنەن حابارلايدى. شينجياڭ ۇيعۇر اۆتونوميالى رايونى 3 – ايدىڭ 20 – كۇنى بەيجيڭدە قاتىستى مەملەكەتتەردىڭ جۇڭگودا تۇراتىن ەلشىلەرىنىڭ اۋىس – كۇيىس ءماجىلىسىن اشتى، 40 نەشە مەملەكەتتىڭ جۇڭگودا تۇراتىن ەلشىلەرى، ديپلوماتتارى جانە قاتىستى حالىقارالىق ۇيىمداردىڭ ۋاكىلدەرى ماجىلىسكە قاتىناستى. ماجىلىسكە قاتىناسقان قۇرمەتتى قوناقتار ماجىلىستە جۇڭگو شينجياڭعا ساپارلاي بارعان كەزدە كورگەن – بىلگەندەرى مەن اسەرلەرىن بايانداپ، جۇڭگو شينجياڭنىڭ ەكونوميكا – قوعام دامۋى جانە كىسىلىك ۇقىقتى قامتاماسىزداندىرۋ جاعىنداعى جەتىستىكتەرىن تىلگە تيەك ەتىپ، جاڭا داۋىردەگى جۇڭگو شينجياڭ حيكايالارىن ءبولىسىپ، ەتەنە دوستىقتى بىرگە اڭگىمەلەدى.

شاڭحاي سەلبەستىك ۇيىمىنىڭ ورىنباسار باس حاتشىسى سوحايىل حان شينجياڭ ۇيعۇر اۆتونوميالى رايونىنىڭ قاتىناس نەگىزدىك قۇرىلعىلارىنىڭ دامۋى جاعىنداعى جەتىستىكتەرىنە جوعارى باعا بەردى. ول شەكارالىق وتكەلدەردى وسىزامانداندىرىپ وزگەرتۋ مەن جاڭا تاسىمال دالىزدەرىن سالۋدىڭ ىلگەرىلەتىلۋى شينجياڭدى ەۆروپا مەن ازيا اراسىنداعى زات اينالىمى جاعىنداعى ءتۇيىندى توراپقا اينالدىرۋدا ەكەنىن ايتتى.

كامەرۋننىڭ جۇڭگودا تۇراتىن باس ەلشىسى مارتين مپانا شينجياڭنىڭ ءشول دالا اۋىل شارۋاشىلىعى مەن تۋىندامالى ەنەرگيانى دامىتۋ قاتارلى جاقتاردا مول تاجىريبە جيناعانىن، بۇل قۇندى تاجىريبەلەردىڭ كامەرۋننىڭ ۇلگى الۋىنا تاتيتىنىن ايتتى.

اۋىس – كۇيىس ماجىلىسىنەن بۇرىن، قۇرمەتتى قوناقتار شينجياڭنىڭ تاريحى مەن دامۋ جەتىستىكتەرى كورمەسىن ەكسكۋرسيالادى. جاندى كەسكىندەر شينجياڭنىڭ تاريحي وزگەرىستەرى مەن جوعارى ساپالى دامۋ جەتىستىكتەرىن ايگىلەپ، قۇرمەتتى قوناقتاردىڭ جوعارى باعاسىنا يە بولدى.

كەلۋ قاينارى: حالىق تورابى