ورتا مەكتەپ وقۋشىسى الەۋمەتتىك اۆتوبۋستا ادەپسىزدىك ىستەگەن ادامدى تەجەگەن! ساقشى جاق حابارلاندىرۋ شىعاردى 

3 – ايدىڭ 21 – كۇنى، شانشي ولكەسى يان – ان قالالىق قوعام حاۋىپسىزدىگى مەكەمەسى قاتىستى جاعداي تۋرالى حابارلاندىرۋ شىعارعان:

3 – ايدىڭ 20 – كۇنى يان – ان قالاسىنداعى 19 – جول الەۋمەتتىك اۆتوبۋسىندا ءبىر ماس ەر ادامنىڭ ادەپسىزدىك ىستەگەنى، باسقالاردى ۇرىپ – سوققانى تۋرالى ىسكە قوعام حاۋىپسىزدىگى ورگانى ايرىقشا ءمان بەرىپ، الىمدى كۇشتەردى دەرەۋ ۇيىمداستىرىپ، جالپى بەتتىك تەكسەرىپ ءبىرجاقتى ەتكەن. قازىر قىلمىس كۇماندىسى جاڭ X كە (ەر، 40 جاستا) ماجبۇرلەۋ شارالارى اتقارىلعان، دەلو قازىر زاڭ بويىنشا ءبىرجاقتى ەتىلۋدە.

قوعام حاۋىپسىزدىگى ورگاندارى قاتىستى تاراۋلارمەن بەلسەندى سايكەسىپ، زياندالۋشى مەن ونىڭ وتباسىنداعىلاردى جۇباتىپ، ولاردىڭ كوڭىلىن اۋلاعان، سونىمەن بىرگە، ادىلەت جولىندا ايانباعان قاتىستى ادامداردى ءتارتىپ بويىنشا ماراپاتتاۋ جونىندە ءوتىنىش تاپسىرعان.

3 – ايدىڭ 20 – كۇنى، شانشي ولكەسى يان – ان قالاسىندا ورتا مەكتەپ وقۋشىسى الەۋمەتتىك اۋتوبۋستا ادەپسىزدىك ىستەگەن كۇماندى ادامدى تەجەگەن، بۇل ءىستى اقپارات قۇرالدارى حابارلاعان سوڭ، جۇرت نازارىن اۋدارعان. ۇعىسۋعا قاراعاندا، بۇل ۇل بالا يان – ان قالاسى دۇڭچىن ورتا مەكتەبى تولىق ورتا 1 – جىلدىعىنىڭ وقۋشىسى ەكەن. اتالعان مەكتەپتىڭ ورتا مەكتەپ ءبولىمىنىڭ قاتىستى جاۋاپتىسىنىڭ تانىستىرۋىنشا، ولار اتالعان ۇل بالانى جۇباتىپ، كوڭىلىن اۋلاعان، قىز بالا باسقا ءبىر ورتالاۋ مەكتەپتىڭ وقۋشىسى بولىپ، ەكەۋى ءبىر – ءبىرىن تانىمايدى ەكەن. ىسكە شاتىلعان ەر ادامعا ساقشى جاق ماجبۇرلەۋ شاراسىن قولدانعان، الدا قوعام حاۋىپسىزدىگى تاراۋلارى جالپى بەتتىك تەكسەرىپ تۇراقتاندىرعان سوڭ، مەكتەپ ۇل وقۋشىنى، ءسوزسىز، ماراپاتتايتىن بولعان.

كەلۋ قاينارى: حالىق تورابى