قۇلجا – اقسۋ تەمىر جولىنىڭ باستاپقى قادامداعى جوباسى بەكىتۋدەن وتكىزىلدى 

جۋىردا جۇڭگو تەمىر جول توبى 1 – بارلاۋ – جوبالاۋ مەكەمەسى توبى شەكتى سەرىكتەستىگى (تومەندە تەمىر جول 1 – مەكەمەسى دەپ الىنادى) بارلاۋ – جوبالاۋ جۇرگىزگەن قۇلجا – اقسۋ تەمىر جولىنىڭ باستاپقى قادامداعى جوباسى رەسمي بەكىتۋدەن وتكىزىلگەن، بۇل شينجياڭنىڭ وڭتۇستىگى مەن سولتۇستىگىن بايلانىستىرىپ، تيانشان قويناۋىنداعى تەمىر جول تورىنداعى بوستىقتى تولتىراتىن ستراتەگيالىق سيپاتتى تەمىر جول نىسانىنىڭ ناقتى اتقارىلۋ كەزەڭىنە وتكەنىن كورسەتەدى.

قۇلجا – اقسۋ تەمىر جولىنىڭ سولتۇستىگى جىڭ – قۇلجا – قورعاس تەمىر جولىمەن ۇشتاستىرىلادى، وڭتۇستىگى وڭتۇستىك شينجياڭداعى تەمىر جولمەن جالعاستىرىلادى، ول مەملەكەتتىڭ ورتاشا – ۇزاق مەرزىمدىك تەمىر جول تورابىنىڭ ورتا – باتىس بولىكتەگى شەكارانى بويلاعان تەمىر جول ءدالىزىنىڭ، سونداي – اق، شينجياڭ تەمىر جولى جۇلگەلىك تورابىنىڭ ماڭىزدى قۇرامداس بولىگى. تەمىر جولدىڭ جالپى ۇزىندىعى 794 كيلومەتر، مۇنىڭ ىشىندە بولەكەيدەن كوتەكىلىككە دەيىنگى جاڭادان سالىنعان بولىگىنىڭ جالپى ۇزىندىعى 455 كيلومەتر، جىڭ – قۇلجا – قورعاس تەمىر جولىنىڭ 42 كيلومەترلىك بولىگىنەن، كۇشار – وقىربۇلاق تەمىر جولىنىڭ 69 كيلومەترلىك بولىگىنەن، وڭتۇستىك شينجياڭ تەمىر جولىنىڭ 228 كيلومەترلىك بولىگىنەن پايدالانىلادى، ساعاتتىق جىلدامدىعى 160 كيلومەتر بولىپ جوبالانعان، مۇنىڭ ىشىندە، تيانشان اسقار تاۋلى بولىگىندەگى ساعاتتىق جىلدامدىعى 120 كيلومەتر بولىپ، مەملەكەتتىك تەمىر جول تورابىنداعى ءبىرىنشى دارەجەلى ەلەكترلەندىرىلگەن تەمىر جول سانالادى.

كەلۋ قاينارى: حالىق تورابى