سىرتقى ىستەر مينيسترلىگى: جۇڭگو جاق يران، يوردانيا، ليۆان، يراق سىندى ءتورت ەلگە ادامگەرشىلىك تۇرعىسىنان شۇعىل كومەك بەرۋدى ۇيعاردى 

شينحۋا اگەنتتىگىنىڭ ءتىلشىسى ما جويان، شاۋ يبو 3 - ايدىڭ 17 - كۇنى بەيجيڭنەن حابارلايدى. سىرتقى ىستەر مينيسترلىگىنىڭ مالىمدەمەشىسى لين جيان 3 - ايدىڭ 17 - كۇنى كەزەكتى تىلشىلەردى قابىلداۋ ماجىلىسىندە سۇراۋعا جاۋاپ بەرگەندە مىنانى ءبىلدىردى: جۇڭگو جاق يران، يوردانيا، ليۆان، يراق سىندى ءتورت ەلگە ادامگەرشىلىك تۇرعىسىنان شۇعىل كومەك بەرۋدى ۇيعاردى، بۇل كومەكتىڭ جەرگىلىكتى ورىنداعى جۇرتشىلىق ءدوپ كەلگەن ادامگەرشىلىك جاعىنداعى مۇشكىل كۇيدى باسەڭدەتۋگە كومەگىن تيگىزۋىن ءۇمىت ەتەمىز.

ءتىلشى بىلاي دەپ سۇرادى: بىرلەسكەن مەملەكەتتەر ۇيىمىنىڭ بوسقىندار باسقارماسى مىنانى ءبىلدىردى: وسى رەتكى ورتا شىعىس وڭىرىندەگى داعدارىس ”ادامگەرشىلىك جاعىنداعى شۇعىل ءارى ءىرى وقيعانى“ كەلتىرىپ شىعاردى، ىقپالعا ۇشىراعان وڭىردەگى بوسقىنداردىڭ سانى 25 ميلليون ادامعا جەتتى. يراندا كوپ مولشەردە جازىقسىز بۇقارا جارالاندى، قازا بولدى، ليۆاندا شامامەن 800 مىڭنان استام ادام اتا مەكەنىنەن اۋىپ كەتتى، يوردانيا، يراق قاتارلى مەملەكەتتەر دە ىقپالعا ۇشىرادى. وسىنداي جاعدايدا، جۇڭگو جاق قاتىستى مەملەكەتتەرگە ادامگەرشىلىك تۇرعىسىنان كومەك بەرۋدى ويلاستىرا ما، جوق پا؟

لين جيان مىنانى ءبىلدىردى: جۇڭگو جاق باستان – اياق ادامزاتتىڭ تاعدىرلاس ورتاق تۇلعاسى تانىمىن امالياتتا ايگىلەپ، ينتەرناتسيوناليزم مەن ادامگەرشىلىك رۋحىنا تاباندى بولادى. قازىرگى سوعىس جاعدايى يران قاتارلى مەملەكەتتەردىڭ حالقىنا ادامگەرشىلىك جاعىندا اۋىر اپات اكەلدى، جۇڭگو جاق بۇل جونىندە جاناشىرلىق بىلدىرەدى، قاتىستى مەملەكەتتەردىڭ حالقىنان حال سۇرادى.

”جۇڭگو جاق يران، يوردانيا، ليۆان، يراق سىندى ءتورت ەلگە ادامگەرشىلىك تۇرعىسىنان كومەك بەرۋدى ۇيعاردى، بۇل كومەكتىڭ جەرگىلىكتى ورىنداعى جۇرتشىلىقتىڭ ادامگەرشىلىك جاعىندا ءدوپ كەلىپ وتىرعان مۇشكىل كۇيىن باسەڭدەتۋگە كومەگىن تيگىزۋىن ءۇمىت ەتەمىز“، - دەدى لين جيان، - ”جۇڭگو جاق بەيبىتشىلىكتى جەبەپ، سوعىستى توقتاتۋعا جالعاستى كۇش سالىپ، ءوڭىردىڭ بەيبىتشىلىگى مەن ورنىقتىلىعىن ەرتەرەك قالپىنا كەلتىرۋدى ىلگەرىلەتۋگە، ادامگەرشىلىك جاعىنداعى داعدارىستىڭ ونان ارى ۇلعايۋىنان ساقتانۋعا ۇزدىكسىز كۇش سالادى“.

كەلۋ قاينارى: حالىق تورابى