شينجياڭ قوي شارۋاشىلىعى ساپالى تۇقىم جاڭالىق اشۋ بازاسى رەسمي باستالدى

3 – ايدىڭ 25 – كۇنى، ”جۇڭگو بيازى ءجۇندى قويىنىڭ مەكەنى“ دەپ اتالعان شينجياڭ كۇنەس اسىل تۇقىمدى قوي فەرماسىنىڭ قويلارىن ءبىر اراعا جينادى. شينجياڭ قوي شارۋاشىلىعى ساپالى تۇقىم جاڭالىق اشۋ بازاسى وسى ارادا رەسمي قۇرىلدى، شينجياڭ سويىس قويىنىڭ جوعارى جەتىلدىرۋ، تەز جەتىلدىرۋ ءوندىرىس تەحنيكاسىندا جاڭالىق اشۋ جانە ۇلگى كورسەتۋ، جاڭالىق اشۋ بىرلەستىگى، شينجياڭداعى تۇڭعىش اسىل تۇقىمدى قوي ەرەن بازارى ءبىر ۋاقىتتا قۇرىلدى.

ۇعىسۋعا قاراعاندا، جاڭادان ماڭدايشالىق اسقان شينجياڭ سويىس قويىنىڭ جوعارى جەتىلدىرۋ، تەز جەتىلدىرۋ ءوندىرىس تەحنيكاسىندا جاڭالىق اشۋ جانە ۇلگى كورسەتۋ، جاڭالىق اشۋ بىرلەستىگىن شينجياڭ كۇنەس اسىل تۇقىمدى قوي فەرماسى شەكتى سەرىكتەستىگى شينجياڭ اۋىل شارۋاشىلىق داشۋەسى، شينجياڭ ۇيعۇر اۆتونوميالى رايوندىق مال شارۋاشىلىق عىلىمى اكادەمياسى قاتارلى عىلىمي زەرتتەۋ كۇشتەرىمەن بىرلەسىپ، وڭتۇستىك، سولتۇستىك شينجياڭداعى وزەكتى ۇلگى كورسەتۋ بازالارىن بىرىكتىرىپ، نازاردى ءوندىرىس قۋاتىن جوعارىلاتۋ، تۇقىمدى اسىلداندىرۋ سياقتى شەشۋشى تەحنيكالارعا شوعىرلاندىرىپ، سەلبەسىپ قامال الۋدى ورىستەتەدى. مۇنداعى ماقسات ساپالى تۇقىم بايلىعى مەن بازار سۇرانىسىنىڭ الدىنداعى ”ەڭ سوڭعى ءبىر كيلومەتردى“ اشىپ، بۇرىنعى باعىمشىلارداعى جاقسى قوي تابۋ ءۇشىن ”تابانىنان تاۋسىلاتىن“ ىڭعايسىز جاعدايدى وزگەرتىپ، ساپالى تۇقىممەن تىكە قامداۋدى، تەحنيكانى تىكە جەتكىزۋدى شىن مانىندە جۇزەگە اسىرۋ؛ شينجياڭ ءشوپ قورەكتى ءۇي جانۋارلارىنىڭ ءوربۋىن رەتتەۋ ـ مەڭگەرۋ جانە ءوسىرۋ ءتۇيىندى تاجىريبەحاناسى نازاردى ءشوپ قورەكتى ءۇي جانۋارلارىنىڭ جوعارى ءونىمدى كوبەيۋ تەحنيكاسىنا شوعىرلاندىرىپ، دەربەس جاڭالىق اشۋ قابىلەتىن جوعارىلاتادى.