جۇڭگو تەڭىز ساقشىلارى مەڭگەرمەسىنىڭ اقپارات مالىمدەمەشىسى فيليپپين تەڭىز ساقشىلارىنىڭ  دۇرلىكتىرۋ – دابىرالاۋ ارەكەتى جونىندە ءسوز جاريالادى 

جۇڭگو اقپارات اگەنتتىگى 3 – ايدىڭ 26 – كۇنى بەيجيڭنەن حابارلايدى. جۇڭگو تەڭىز ساقشىلارى مەڭگەرمەسىنىڭ 3 - ايدىڭ 25 – كۇنى كەشتە جاريالاعان مالىمەتىنە قاراعاندا، جۇڭگو تەڭىز ساقشىلارى مەڭگەرمەسىنىڭ اقپارات مالىمدەمەشىسى ليۋ دىجۇن مىنانى بىلدىرگەن: جۋىردا جۇڭگو تەڭىز ساقشىلارى حۋاڭيان ارالىنىڭ ماڭىنداعى باسقارۋىنداعى تەڭىز الابىندا داعدىلى ۇقىقتى قورعاۋ – زاڭ اتقارۋ جاتتىعۋىن ۇيىمداستىرعان ءارى زاڭ بويىنشا كەمەلەردىڭ قاتىناۋ حاۋىپسىزدىگى جونىندەگى ۇقتىرۋدى الدىن الا جاريالاعان. وسى مەرزىمدە، فيليپپين جاق كوپتەگەن كەمەلەردى ۇيىمداستىرىپ، جۇڭگو جاقتىڭ جاتتىعۋ رايونىنا باسا كوكتەي كىرىپ، ”بالىق اۋلاۋ“ دەگەندى جەلەۋ ەتىپ، ءىس تۋدىرۋدى، دۇرلىكتىرۋدى – دابىرالاۋدى، الدامشىلىقپەن حالىقارالىق قوعامنىڭ نازارىن اۋدارۋدى كوزدەگەن. ءبىز فيليپپين جاققا ارانداتۋ – پالە شىعارۋ جانە دۇرلىكتىرۋ – دابىرالاۋ، كۇيە جاعۋ ارەكەتتەرىن دەرەۋ توقتاتۋدى قاتاڭ ەسكەرتەمىز.

ليۋ دىجۇن مىنانى ءبىلدىردى: جۇڭگو تەڭىز ساقشىلارى زاڭ بويىنشا جۇڭگونىڭ حۋاڭيان ارالى تەڭىز الابىندا ۇقىقتى قورعاۋ – زاڭ اتقارۋ ارەكەتىن ورىستەتىپ، مەملەكەتتىڭ تەرريتوريالىق يەلىك ۇقىعى مەن تەڭىز – مۇحيتتاعى ۇقىق – مۇددەسىن باتىل قورعايدى.

كەلۋ قاينارى: حالىق تورابى