وسى اپتادا تەمپەراتۋرا ءۇرتىس جوعارىلايدى، بۇكىل شينجياڭدا كوكتەمگى ەگىس جۇمىسى باستالدى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (3 – ايدىڭ 30 – كۇنىنەن 4 – ايدىڭ 5 – كۇنىنە دەيىن) بۇكىل شينجياڭدا كورنەكتى سۋىق اعىستىڭ ىقپالى بولمايدى، باسىم كوپ ساندى رايونداردىڭ تەمپەراتۋراسى ۇزدىكسىز جوعارىلاپ، اۋا رايى شارت ـ جاعدايى جالپى تۇلعالىق جاقتان كوكتەمگى ەگىس، كوكتەمگى باسقارۋ قىزمەتىنە ءتيىمدى بولادى، جەر ـ جەردىڭ ءتيىمدى اۋا رايى ورايىن مىقتى يگەرىپ، اۋىل شارۋاشىلىق قيمىلدارىن ۇيلەسىمدى ورنالاستىرۋىن ۇسىنىس ەتەمىز.

ءۇرىمجى قالاسىندا وسى اپتادا نەگىزىنەن كۇن اشىق نەمەسە بۇلتتى بولادى، مۇنىڭ ىشىندە سارسەنبى (4 – ايدىڭ 1 – كۇننى) كۇننەن بەيسەنبى (4 – ايدىڭ 2 – كۇنى) كۇنى كۇندىزگە دەيىن باسىم كوپ ساندى وڭىرلەردە باتىس سولتۇستىكتەن 4 تە 5 بال جەل سوعادى، دابانچىڭ رايونىندا قيىس باتىستان 8 دە 9 بال وتكىنشى جەل سوعادى، سەنبى (4 – ايدىڭ 4 - كۇنى) كۇنى تۇننەن جەكسەنبى (4 – ايدىڭ 5 - كۇنى) كۇنى كۇندىزگە دەيىن قالانىڭ وڭتۇستىگىندەگى ءىشىنارا وڭىرلەردە شىعىس وڭتۇستىكتەن 4 تە 5 بال وتكىنشى جەل سوعادى، شيشاننان باگاڭعا، وڭتۇستىك قالا ماڭىنان ساياپىلعا دەيىن 6 دا 7 بال وتكىنشى بوران سوعادى، ۇلانبايدان حۇڭيانچىعا دەيىن 8 بال اينالاسىندا وتكىنشى بوران سوعادى. وسى اپتادا قالا رايونىنىڭ ەڭ تومەنگى تەمپەراتۋراسى 5 تە 9 سەلتسي گرادۋس، ەڭ جوعارى تەمپەراتۋراسى 18 دە 23 سەلتسي گرادۋس بولادى، ءارقايسى رايونداردىڭ تەمپەراتۋراسى ۇزدىكسىز جوعارىلايدى.

شينجياڭ اۋا رايى ستانسياسى مىنانى ەسكەرتتى: تەمپەراتۋرانىڭ ورنىقتى جوعارىلاۋىنا بايلانىستى، ىلە اڭعارى، التاي ايماعى، تيانشان تاۋلى رايونى، قۇمىل قالاسىنىڭ سولتۇستىگى قاتارلى جەرلەردە قاسات قار ءبىرشاما قالىڭ بولىپ، ءىشىنارا جەرلەردە قار ەرۋ تيپىندەگى تاسقىن، كوشكىن پايدا بولۋ سىندى اۋا رايى حاۋىپ – قاتەرى ءبىرشاما جوعارى، قاتىستى ورىنداردىڭ ساقتانۋدى كۇشەيتۋىن ۇسىنىس ەتەمىز. بۇدان سىرت، بۇكىل شينجياڭداعى ءورت حاۋپىنىڭ اۋا رايى دارەجەسى ءبىرشاما جوعارى، وتتان حاۋىپسىز پايدالانۋعا كوڭىل ءبولۋ كەرەك. سونىمەن بىرگە، اۋا رايىنا جاساندى جولمەن ىقپال جاساۋعا قاتىستى تاراۋلاردىڭ اۋا رايى بارىسىنا ۇشتاستىرىپ، جاساندى جولمەن جاڭبىر جاۋدىرۋ جۇمىسىن دەر كەزىندە ورىستەتۋىن ۇسىنىس ەتەمىز.

كەلۋ قاينارى: حالىق تورابى