وسى ايدا شينجياڭدا 4 رەت تەمپەراتۋرا تومەندەپ، جاۋىن - شاشىن بولادى

شينجياڭ اۋا رايى مەكەمەسىنىڭ ۋيچات الەۋمەتتىك تەكشەسىنىڭ حابارىنا قاراعاندا، 3 – ايدىڭ 31 – كۇنى شينجياڭ ۇيعۇر اۆتونوميالى رايوندىق كليمات ورتالىعى 4 - ايداعى كليمات بەتالىسى مەجەسىن جاريالاعان. مەجەمەن 4 - ايدا بۇكىل شينجياڭنىڭ باسىم كوپ بولەگىنىڭ ورتاشا اۋا تەمپەراتۋراسى بۇرىنعى جىلدارداعىدان جوعارى بولادى، وڭتۇستىك شينجياڭنىڭ باتىس بولەگى ءسال جوعارى بولادى؛ بۇكىل شينجياڭنىڭ باسىم كوپ بولەگىنىڭ جاۋىن – شاشىنى بۇرىنعى جىلدارداعىدان از بولادى، سولتۇستىك شينجياڭنىڭ ىلە اڭعارى، وڭتۇستىك شينجياڭنىڭ باتىس بولەگىندە ءبىرشاما كوپ بولادى؛ شينجياڭنىڭ تەمپەراتۋراسىنىڭ تومەندەۋىنە، جاۋىن - شاشىنىنا ىقپال جاسايتىن باستى بارىس 4 رەت بولادى.

وسى مەجەلەنگەن ينفورماتسياعا نەگىزدەلگەندە، مەجەمەن 4 - ايدا التاي ايماعىنىڭ، تارباعاتاي ايماعىنىڭ، ىلە اڭعارىنىڭ، بۇراتالا موڭعۇل اۆتونوميالى وبلىسىنىڭ، قارامايلى قالاسىنىڭ، شىحىزى قالاسىنىڭ، سانجى حۇيزۋ اۆتونوميالى وبلىسىنىڭ، ءۇرىمجى قالاسىنىڭ، تۇرپان قالاسىنىڭ، قۇمىل قالاسىنىڭ، اقسۋ ايماعىنىڭ شىعىس بولىگى مەن بايىنعولىن موڭعۇل اۆتونوميالى وبلىسىنىڭ ورتاشا اۋا تەمپەراتۋراسى بۇرىنعى جىلدارداعىدان 1.2 دە 1.5 سەلتسي گرادۋس جوعارى بولادى؛ قاشقار ايماعى، قىزىلسۋ قىرعىز اۆتونوميالى وبلىسى، حوتان ايماعى، اقسۋ ايماعىنىڭ باتىس بولەگىندە 0.5 تە 0.9 سەلتسي گرادۋس جوعارى بولادى.

مەجەمەن 4 - ايدا التاي ايماعىندا، تارباعاتاي ايماعىندا، ىلە اڭعارىندا، بۇراتالا وبلىسىندا، قارامايلى قالاسىندا، شىحىزى قالاسىندا، سانجى وبلىسىندا، ءۇرىمجى قالاسىندا، قۇمىل قالاسىنىڭ سولتۇستىگىندە جانە وڭتۇستىك شينجياڭنىڭ باتىس بولەگىندەگى تاۋلى وڭىرلەردە 10 ميلليمەتردەن 50 ميلليمەترگە دەيىن جاۋىن - شاشىن بولادى، سولتۇستىك شينجياڭداعى تاۋلى وڭىرلەردىڭ ءىشىنارا جەرلەرىندە 60 ميلليمەتردەن 89 ميلليمەترگە دەيىن جاۋىن - شاشىن بولادى؛ بۇكىل شينجياڭنىڭ باسقا وڭىرلەرىندە ايلىق جاۋىن - شاشىن 10 ميلليمەتردەن تومەن نەمەسە نەگىزىنەن جاۋىن - شاشىن بولمايدى.

بۇرىنعى جىلدارداعى ۇقساس مەزگىلدەگىمەن سالىستىرعاندا، التاي ايماعى، تارباعاتاي ايماعى، بۇراتالا وبلىسى، قارامايلى قالاسى، شىحىزى قالاسى، سانجى وبلىسى، ءۇرىمجى قالاسى، قۇمىل قالاسى، تۇرپان قالاسى، اقسۋ ايماعىنىڭ شىعىس بولەگىندەگى ءىشىنارا جەرلەر مەن بايىنعولىن وبلىسىنىڭ وڭتۇستىك بولەگىندە جاۋىن - شاشىن مولشەرى بۇرىنعى جىلدارداعىدان 2 دە 5 پايىز از بولادى؛ ىلە اڭعارى، قاشقار ايماعى، قىزىلسۋ قىرعىز اۆتونوميالى وبلىسى، حوتان ايماعى، اقسۋ ايماعىنىڭ باسىم كوپ بولەگى مەن بايىنعولىن وبلىسىنىڭ سولتۇستىك بولەگىندەگى جاۋىن - شاشىن مولشەرى 2 دە 6 پايىز كوپ بولادى.

مەجەمەن 4 - ايدا شينجياڭنىڭ تەمپەراتۋراسىنىڭ تومەندەۋىنە، جاۋىن - شاشىنىنا ىقپال جاساۋ بارىسى نەگىزىنەن 4 رەت بولادى، پايدا بولۋ ۋاقىتى مەن كۇشەمەلىلىگى جەكە - جەكە مىنالار: ورتا شەنىنىڭ الدىڭعى مەزگىلى (ورتا دارەجەلى)، ورتا شەنىنىڭ سوڭعى مەزگىلى (ورتا دارەجەلى، نەگىزىنەن وڭتۇستىك شينجياڭنىڭ باتىس بولەگىنە ىقپال جاسايدى)، اياق شەنىنىڭ الدىڭعى مەزگىلى (ورتاشا دارەجەلى)، اياق شەنىنىڭ سوڭعى مەزگىلى (ورتاشا، ءالسىز).

كەلۋ قاينارى: حالىق تورابى