جۇڭگو مەن كامبودجانىڭ زاڭ اتقارۋ سەلبەستىگى تاعى دا كەلەلى تابىسقا قول جەتكىزدى چىن جى قىلمىستىق توبىنىڭ نەگىزگى تىرەكتى مۇشەسى لي شيۇڭ كامبودجادان ەلگە ايداپ اكەلىندى

ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، 4 – ايدىڭ 1 - كۇنى كامبودجانىڭ قاتىستى تاراۋلارىنىڭ زور كۇشپەن قولداۋىندا، قوعام حاۋىپسىزدىگى مينيسترلىگى قىزمەت گرۋپپاسىن جىبەرىپ، چىن جى قىلمىستىق توبىنىڭ نەگىزگى تىرەكتى مۇشەسى لي شيۇڭدى كامبودجانىڭ پنومپەنىنەن ەلگە ايداپ اكەلگەن. بۇل — جۇڭگو مەن كامبودجانىڭ زاڭ اتقارۋ سەلبەستىگىندە قول جەتكىزگەن تاعى ءبىر كەلەلى تابىسى.

تەكسەرۋ ارقىلى لي شيۇڭ تايزى توبى قاراستىلىعىنداعى حۇيۋاڭ توبىنىڭ باس جوراسى بولعان، قۇمارحانا اشۋ، الدامشىلىق ىستەۋ، زاڭسىز تيجارات جۇرگىزۋ، قىلمىس ارقىلى تاپقان تابىسىن جاسىرۋ قاتارلى كوپ ءتۇرلى قىلمىسقا شاتىلعان. قازىر لي شيۇڭعا زاڭ بويىنشا ماجبۇرلەۋ شاراسى قولدانىلدى، قاتىستى دەلو ىشكەرىلەي تەكسەرىلۋ ۇستىندە.

قوعام حاۋىپسىزدىگى مينيسترلىگىنىڭ قاتىستى جاۋاپتىسى بىلاي دەدى: چىن جى قىلمىستىق توبىنىڭ كوپتەگەن تىرەكتى مۇشەلەرى ارت – ارتىنان قولعا الىندى، قوعام حاۋىپسىزدىگى ورگاندارى قىزمەت تەبىنىن ۇزدىكسىز ارتتىرىپ، قاشىپ جۇرگەندەردى باتىل تۇتقىندايدى. سونىمەن بىرگە، قىلمىستىلارعا جاعدايدى جىعا تانىپ، رايلارىنان قايتىپ، ەرتەرەك ءوزىن مالىمدەپ، كەڭشىلىكپەن ءبىر جايلى ەتىلۋگە كۇش سالۋدى تاعى ءبىر رەت ەسكەرتتى.

بيىل 1 – ايدىڭ 7 – كۇنى، كامبودجانىڭ قاتىستى تاراۋلارىنىڭ قولداپ سايكەسۋىندە قوعام حاۋىپسىزدىگى مينيسترلىگى قىزمەت گرۋپپاسىن جىبەرىپ، شەكارا اتتاعان اۋىر قۇمار ويناۋ قىلمىستىلار توبىنىڭ اتامانى چىن جىنى (جۇڭگو قاراستىلىعىنداعى) كامبودجانىڭ پنومپەنىنەن ەلگە ايداپ اكەلگەن بولاتىن.

كەلۋ قاينارى: حالىق تورابى