قوعام حاۋىپسىزدىگى مينيسترلىگى بيىل قۇستاردى زاڭسىز اۋلاۋعا قاتىستى جاڭا كەزەكتى ارناۋلى سوققى بەرۋ جانە جونگە سالۋ ارەكەتىن ورىستەتەدى 

جۇڭگو اقپارات اگەنتتىگىنىڭ ءتىلشىسى گو چاۋكاي 4 – ايدىڭ 1 – كۇنى بەيجيڭنەن حابارلايدى. جۇڭگو قوعام حاۋىپسىزدىگى مينيسترلىگى 4 – ايدىڭ 1 – كۇنى بەيجيڭدە تاقىرىپتىق اقپار جاريالاۋ ءماجىلىسىن اشتى. ءتىلشىنىڭ ماجىلىستەن ۇعىسۋىنشا، 2026 – جىلى قوعام حاۋىپسىزدىگى مينيسترلىگى بۇكىل ەلىمىزدەگى قوعام حاۋىپسىزدىگى ورگاندارىن جاڭا كەزەكتى ارناۋلى سوققى بەرۋ، جونگە سالۋ ارەكەتىن ورىستەتۋگە ۇيىمداستىرىپ، قۇستار قاتارلى جابايى حايۋاناتتاردى زاڭسىز اۋلاۋ، ساۋدالاۋ قاتارلى قىلمىستارعا قاتاڭ سوققى بەرەدى.

قوعام حاۋىپسىزدىگى مينيسترلىگىنىڭ قورشاعان ورتاداعى بايلىق قاينارىنا جانە ازىق – تۇلىك، ءدارى – دارمەكتەرگە ساياتىن قىلمىستىق ىستەردى انىقتاۋ مەكەمەسىنىڭ ورىنباسار باستىعى لي چۇنجيە ماجىلىستە بىلاي دەپ تانىستىردى: قازىر، كەيبىر رايونداردا قۇستار قاتارلى جابايى حايۋاناتتاردى زاڭسىز اۋلاۋ، ساۋدالاۋ سىندى قىلمىستىق ارەكەتتەر ءالى دە ۇنەمى تۋىلۋدا، بۇل تەك ورگانيزمدەردىڭ الۋان تۇرلىلىگى مەن ەكولوگيالىق حاۋىپسىزدىككە قاتەر ءتوندىرىپ قانا قويماستان، الەۋمەتتىك حاۋىپسىزدىككە دە زور حاۋىپ - قاتەر توندىرەدى.

لي چۇنجيە بىلاي دەدى: مەملەكەت قورعايتىن قۇستاردى زاڭسىز اۋلاۋ جانە ساتۋ ماسەلەسىنە قاراتا، قوعام حاۋىپسىزدىگى مينيسترلىگى 2025 – جىل 8 – ايدان 12 – ايعا دەيىن بۇكىل ەلىمىزدەگى قوعام حاۋىپسىزدىگى ورگاندارىن ”تىنش دالا – 2025“ ارناۋلى ارەكەتىن ورىستەتۋگە ورنالاستىردى، ارەكەت بارىسىندا قىلمىستىق ىستەرگە جيىنى 9705 دەلو تۇرعىزىلىپ تەكسەرىلدى، مۇندا قۇستارعا زيان جەتكىزۋگە قاتىستى دەلولار 3562 دەلو بولدى.

ارەكەت بارىسىندا، قوعام حاۋىپسىزدىگى مينيسترلىگى ءىرى – ماڭىزدى 38 دەلوعا بەلگى قويىپ باقىلاۋ – قۋزاۋ جۇرگىزدى، ولكە – قالا – رايون اتتاعان 15 دەلوعا شوعىرلى سوققى بەردى، ىشكەرىلەي تەكسەرىپ، تۇبەگەيلى انىقتاۋدى ىلگەرىلەتتى.

تانىستىرۋعا قاراعاندا، قوعام حاۋىپسىزدىگى مينيسترلىگى 9 تاراۋمەن بىرگە «ەكولوگياعا قاتىستى ساقشى ىستەرى مەحانيزمى قۇرىلىسىن كۇشەيتۋ تۋرالى پىكىردى» بەكىتىپ شىعارىپ، جەر – جەردە قوعام حاۋىپسىزدىگى ورگاندارى باستاماشى بولاتىن، قاتىستى تاراۋلار ۇشتاساتىن ەكولوگياعا قاتىستى ساقشى ىستەرى مەحانيزمىن قۇرۋدى جانە كەمەلدەندىرۋدى ىلگەرىلەتىپ، قۇستار قاتارلى جابايى حايۋاناتتارعا زيان جەتكىزەتىن قىلمىستىق ىستەرگە سوققى بەرۋ قۋاتى مەن دەڭگەيىن جالپى بەتتىك جوعارىلاتتى.

لي چۇنجيە بىلاي دەدى: 2026 – جىلى، قوعام حاۋىپسىزدىگى مينيسترلىگى ”تىنش دالا – 2025“ ارناۋلى ارەكەتىنىڭ شايقاس ناتيجەلەرىن بەكەمدەپ، كەڭەيتىپ، بۇكىل ەلىمىزدەگى قوعام حاۋىپسىزدىگى ورگاندارىن ”كۇنلۇن“ ىرىقتىلىقپەن انىقتاپ سوققى بەرۋدىڭ جاڭا ۇلگىسىن قالىپتاستىرىپ، كەمەلدەندىرىپ، سوققى بەرۋدەگى ىرىقتىلىقتى، باعىتتامالىلىقتى، ناقتى ونىمدىلىكتى ارتتىرىپ، جاڭا كەزەكتى ارناۋلى سوققى بەرۋ، جونگە سالۋ ارەكەتىن ورىستەتىپ، شايقاس ناتيجەسىن ونان ارى كەڭەيتىپ، شارالاردىڭ ۇزاق ۋاقىت ءونىمدى بولۋىن جۇزەگە اسىرۋدى ىلگەرىلەتەدى.

كەلۋ قاينارى: حالىق تورابى