بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.04.03 13:50 كەلۋ قاينارى : حالىق تورابى
حالىق گازەتىنىڭ ءتىلشىسى جاۋ چىڭ 4 – ايدىڭ 2 – كۇنى بەيجيڭنەن حابارلايدى. 4 – ايدىڭ 2 – كۇنى، ورتالىق كوميتەتتىڭ شىرىكتەسۋگە قارسى تۇرۋ ىستەرىن سايكەستىرۋ گرۋپپاسى حالىقارالىق قاشقىنداردى قۋعىنداۋ، قاراجاتتى قايتارىپ الۋ جانە شەكارا اتتاعان شىرىكتەسۋدى جونگە سالۋ قىزمەتى كەڭسەسى ءماجىلىس اشىپ، 20 – كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ءماجىلىسىنىڭ رۋحىن ۇيرەندى، دايەكتىلەندىردى، 2026 – جىلعى شىرىكتەسۋگە قارسى تۇرىپ، حالىقارالىق قاشقىنداردى قۋعىنداۋ، قاراجاتتى قايتارىپ اكەلۋ جانە شەكارا اتتاعان شىرىكتەسۋدى جونگە سالۋ قىزمەتى جونىندە زەرتتەۋ جۇرگىزىپ، ورنالاستىرۋ جاساپ، ”الەمدىك تور جايۋ 2026“ ارەكەتىن باستادى.
ماجىلىستە مىنالار اتاپ كورسەتىلدى: 2025 – جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ قۇدىرەتتى باسشىلىعىندا، ورتالىق كوميتەتتىڭ شىرىكتەسۋگە قارسى تۇرۋ ىستەرىن سايكەستىرۋ گرۋپپاسىنىڭ تىكەلەي جەتەكشىلىك ەتۋىندە، كەڭسەگە مۇشە ءارقايسى ورىندار مەن ءارقايسى ولكە، اۆتونوميالى رايون، توتە قاراستى قالالار شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەندى، دايەكتىلەندىردى، قاشقىنداردى قۋعىنداپ، قاراجاتتى قايتارىپ اكەلۋدىڭ كۇشتى تەبىنىن ساقتاپ، ”قىزىل ءتۇستى قۋعىنداۋ بۇيرىعى شىعارىلعان 100 قاشقىن“ تىزىمدىگىندەگى ازيا رايونىنداعى قاشقىنداردى تۇگەل قولعا ءتۇسىرىپ، شەكارا اتتاعان شىرىكتەسۋدى جونگە سالۋدى جان - جاقتى ىلگەرىلەتىپ، ”ءبىر بەلدەۋ، ءبىر جول“ پاكتىك قۇرىلىسىن ىشكەرىلەي ورىستەتىپ، ءتۇرلى قىزمەتتەردە كورنەكتى ونىمدىلىكتەرگە قول جەتكىزدى.
ماجىلىستە ”الەمدىك تور جايۋ 2026“ ارەكەتىن باستاۋ ۇيعارىلدى. مۇندا، مەملەكەتتىك باقىلاۋ كوميتەتى قىزمەتتىك قىلمىسقا قاتىستى شەكارا سىرتىنداعى قاراجاتتى قايتارىپ الۋ جانە زياننىڭ ورنىن تولتىرۋ ارناۋلى ارەكەتىن ورىستەتۋگە جەتەكشىلىك ەتەدى، قوعام حاۋىپسىزدىگى مينيسترلىگى ”تۇلكى اۋلاۋ“ ارناۋلى ارەكەتىن ورىستەتەدى، جۇڭگو حالىق بانكەسى قوعام حاۋىپسىزدىگى مينيسترلىگىمەن بىرگە جاعالاۋدان تىسقارى سەرىكتەستىكتەردەن جانە جاسىرىن بانكەلەردەن پايدالانىپ، زاڭسىز اقشانى شەتەلگە جولداۋدىڭ الدىن الۋ جانە وعان سوققى بەرۋ ارناۋلى ارەكەتىن ورىستەتەدى، ورتالىق كوميتەتتىڭ ۇيىمداستىرۋ ءبولىمى قوعام حاۋىپسىزدىگى مينيسترلىگى، مەملەكەتتىك كوشى - قوندى باسقارۋ مەكەمەسى قاتارلىلارمەن بىرگە ”وتباسىنداعىلار شەتەلگە قونىس اۋدارعان كادرلار“ مىندەت اتقاراتىن ورىندار مەن ۇكىمەت قىزمەتكەرلەرىنىڭ جەكەلىك ماقساتتا شەتەلگە شىعۋىنا (شەكارادان شىعۋىنا) قاتىستى بەلگىلەمەگە قايشى ماسەلەلەردى جونگە سالۋ قاتارلى قىزمەتتەردى مىقتى ۇستايدى.
كەلۋ قاينارى: حالىق تورابى
