شينجياڭ بايلىق باسىمدىعىن جوعارى ساپالى دامۋدىڭ ابزالدىلىعىنا اينالدىردى (”15 - بەسجىلدىقتا“ جاقسى باستاما اشىپ، جاقسى قادام باسايىق)

مورجادان شىققان ءتۇتىندى كورۋگە، ماشينالاردىڭ گۇرىلدەگەن داۋىسىن ەستۋگە بولمايدى، ەلەكتر عانا ءۇنسىز اينالىس جاساۋدا _ شينجياڭ قارامايلىنىڭ ءشول دالاسىندا الىپ ”پار قازان ءۇيى“ اسقاق بوي كوتەردى. بۇل دۇنيە *جۇزى بويىنشا العاشقى 110 كيلوۆاتتىق قاتتى كۇيدەگى ىسىتقىش ساقتايتىن ەلەكتر پار قازانى بولىپ، قويۋ مۇنايدى اشۋدا جاسىل تيپتە بۇرىلىس جاساۋدى جۇزەگە اسىرعان دەۋگە بولادى.

”بۇرىن گاز جاعاتىن ەدىك، قازىر ەلەكتر ىستەتەتىن بولدىق“ دەدى شينجياڭ مۇناي الابى سەرىكتەستىگىنىڭ باس مامانى فان يۇيشين ماقتانىشپەن، ”ءبىز قيىندىقتاردى جەڭىپ، تابيعي گازدىڭ ورنىنا جاسىل ەلەكتردى ءساتتى پايدالاندىق. بۇنىمەن ءار جىلى 25 مىڭ توننا كومىرتەگىن ازايتۋعا بولادى، بۇل قۇبا تۇزگە ءبىر ميلليون 380 مىڭ ءتۇپ اعاش ەككەنمەن بارابار“.

بيىلعى مەملەكەتتىك ەكى ءماجىلىس كەزىندە، باس شۋجي شي جينپيڭ بىلاي دەپ اتاپ كورسەتتى: ”ءداستۇرلى كاسىپتەردى ساپالىلاندىرۋ، جوعارىلاتۋ، جاڭادان گۇلدەنگەن كاسىپتەردى جەتىلدىرۋ، زورايتۋ، بولاشاقتاعى كاسىپتەردى الدىن الا ورنالاستىرۋ جاعىندا جاڭا جاعداي اشۋىمىز كەرەك“. 2025 - جىلى 9 - ايدا باس شۋجي شي جينپيڭ شينجياڭ ۇيعۇر اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداعاندا بىلاي دەپ باسا دارىپتەدى: ”بايلىق قاسيەتى مەن كاسىپ نەگىزىن تياناق ەتىپ، شينجياڭنىڭ ەرەكشەلىگىنە ۇيلەسەتىن جوعارى ساپالى دامۋ جولىن بەلسەنە قاراستىرۋ كەرەك“.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، شينجياڭ نازاردى مەملەكەتتىڭ قاجەتىنە، ءوز قابىلەتىنە شوعىرلاندىرىپ، زەردەلىلەندىرۋ، جاسىلداندىرۋ، توعىستىرۋ بەتالىسىنا تاباندى بولىپ، ەرەكشە باسىمدىققا يە وسىزاماندانعان كاسىپ جۇيەسىن جەدەل قۇردى. ”15 - بەسجىلدىق“ جوسپار مەزگىلىندە، شينجياڭ كۇشتى جالعاستى بىرىكتىرىپ، مەملەكەت بويىنشا ەنەرگيا، بايلىق ستىراتەگيالىق قامتاماسىزداندىرۋ بازاسىن جاراتىپ، ”شاگىحۋاڭ“ جاڭا ەنەرگيا ءىرى بازاسى، كومىردەن جاسالعان مۇناي، تابيعي گاز ستراتەگيالىق بازاسى سياقتى نىسانداردى جەدەل قۇرىپ، شينجياڭنىڭ كومىرىن سىرتقا تاسۋ، باتىستىڭ گازىن شىعىسقا جەتكىزۋ، شينجياڭنىڭ ەلەكترىن سىرتقا جەتكىزۋ قۋاتىن جوعارىلاتىپ، 2030 - جىلعا بارعاندا جاڭادان ارتقان ەلەكتر تۇتىنۋ قاجەتىن نەگىزىنەن جاڭا ەنەرگيادان توك شىعارۋ ارقىلى قاناعاتتاندىرۋعا كۇش سالادى.

ءداستۇرلى كاسىپتەردىڭ دارەجەسىن جوعارىلاتىپ، ”زەردەلىلەندىرۋ“ ماڭىزدى تۇتقاعا اينالدى −

شينجياڭنىڭ كۇشارىندا جۇمىس جۇرگىزۋشىلەر كومپيۋتەردىڭ ءتىنتۋىرىن جەڭىل عانا باسىپ، 400 مەتر تەرەڭدىكتەگى قۇدىق استىندا جۇمىس جۇرگىزدى، بۇنىمەن كومىر قازۋ ماشيناسى كومپيۋتەردىڭ بۇيرىعى بويىنشا اۆتوماتتى كومىر قازىپ، ”قارا التىن“ جەر بەتىنە شىقتى.

”500 ميلليون يۋان قارجى قوسىپ، زەردەلى كومىر جيناۋ، زەردەلى قازۋ، زەردەلى تاسىمال سياقتى 10 جاقتاعى زەردەلىلەندىرۋ قۇرىلىسىن ىلگەرىلەتتىك“ دەدى شۇيجوۋ كەن ىستەرى (توبى) شينجياڭ تيانشان كەن كاسىبى شەكتى جاۋاپكەرشىلىك سەرىكتەستىگى وحوبۇلاق كومىر كەنى باس ديرەكتورىنىڭ ورىنباسارى چىن گوچياڭ، ”قازىر قۇدىققا تۇسەتىن ادام ازايدى، حاۋىپسىزدىك دەڭگەيى جوعارىلادى، ونىمدىلىك تە ورنىقتى ارتتى“.

قازىر شينجياڭدا زەردەلىلەنگەن 42 كومىر كەنى، زەردەلىلەنگەن 43 ۋنيۆەرسالدى قازۋ قىزمەت اۋماعى قۇرىلدى. زەردەلى سەزگى، ۇشقىشسىز ۇشاقپەن شارلاۋ - تەكسەرۋ، ءىرى ساندى مالىمەتتەرگە تالداۋ جاساۋ سياقتى تەحنيكالاردان پايدالانعان شينجياڭ مۇناي الابى سەرىكتەستىگىنىڭ قۇدىق الاڭىنداعى زات تورابىنىڭ قامتۋ مولشەرى %97 كە جەتتى. ”15 - بەسجىلدىق“ كەزىندە، شينجياڭ نازاردى زەردەلىلەندىرۋ بەتالىسىنا شوعىرلاندىرىپ، حيميا ونەركاسىبى، توقىماشىلىق، مەتاللۋرگيا، ماتەريال سياقتى جوعارى ەنەرگيالى كاسىپتەردىڭ ساپاسىن جوعارىلاتىپ، دارەجەسىن جوعارىلاتۋدى ىلگەرىلەتەدى.

كورىنىستىك ەلەكتردەن ويداعىداي پايدالانىپ، ”جاسىلداندىرۋعا“ ايقىن نەگىز قالاندى −

شينجياڭنىڭ قۇمىل وڭىرىندە، ەلىمىزدەگى تۇڭعىش ”شاگىحۋاڭ“ جاڭا ەنەرگياسىن سىرتقا جەتكىزۋ بازاسى بار. 100 مەترلىك 109 جەل گەنەراتورىنىڭ پاراقشاسى اينالىپ، ءشول دالانىڭ بورانى جاسىل توككە اينالىپ، ءار جىلى سىچۋان - چۇڭچيڭ رايونىنا 36 ميلليارد كيلوۆات - ساعات جاسىل ەلەكتر شىعارادى.

”ەلەكتر جىبەك جولى“ شار تاراپقا تارالدى. 2025 - جىلى شينجياڭنىڭ سىرتقا جەتكىزگەن ەلەكتر مولشەرى 141 ميلليارد 299 ميلليون كيلوۆات - ساعاتقا جەتىپ، جاسىل ەلەكتردىڭ سالىستىرماسى %31.41 كە جەتتى. 3 - ايدىڭ 11 - كۇنىنە دەيىن، شينجياڭنىڭ سىرتقا جەتكىزگەن ەلەكتر مولشەرى 30 ميلليارد 800 ميلليون كيلوۆات - ساعاتقا جەتىپ، سايكەس مەزگىلدەگىدەن 14 كۇن بۇرىن 30 ميلليارد كيلوۆات - ساعاتتان استى.

قىلتان شىقپايتىن تاقىر دالا ەنەرگيانىڭ جاسىل القابىنا اينالدى. ەنەرگيا قۇرىلىمىنىڭ جاسىلدانۋ مولشەرى ۇزدىكسىز جوعارىلاپ، شينجياڭنىڭ جاڭاشا ونەركاسىپتەنۋىنىڭ جاسىلدانۋ مولشەرى دە ارتتى. شينجياڭ مەملەكەت دارەجەلى 111 جاسىل زاۆودتى، مەملەكەت دارەجەلى 9 جاسىل ونەركاسىپ باقشا رايونىن، مەملەكەت دارەجەلى 7 جاسىل قامداۋ تىزبەگىن باسقارۋ كاسىپورنىن جەتىلدىردى. ”15 - بەسجىلدىق“ كەزىندە، شينجياڭ ەنەرگيا باسىمدىعىنا سۇيەنىپ، جاسىل ەسەپتەۋ قۋاتى، جاساندى زەردە سياقتى كاسىپتەردىڭ دامۋىن جەدەلدەتەدى.

جاڭا جارىس جولىندا كۇش سالىپ، ”توعىستىرىلا“ دامۋدىڭ كەڭىستىگىن كەڭەيتتى −

رەڭسىز سىزىقتار رەڭدى كورىنىسكە اينالىپ، مۋلتفيلم كەيىپكەرلەرى جاندى دا سترەولدى بولدى... قارامايلى بۇلتتىق ەسەپتەۋ كاسىپ باقشاسى رايونىندا بەيجيڭ، شاڭحاي، سىچۋان سياقتى جەرلەردىڭ ينفورماتسياسى وپتيكالىق تالشىق ارقىلى نەشە مىڭ كيلومەتر جول باسىپ، وسى اراعا كەلىپ ىشكەرىلەي ەسەپتەۋ جۇرگىزدى.

”قارامايلىنىڭ كليماتى ۇيلەسىمدى، ەلەكتر قۋاتى جەتكىلىكتى، ەسەپتەۋ قۋاتىن دامىتۋ باسىمدىعى كورنەكتى“ دەدى قارامايلى بۇلتتىق ەسەپتەۋ كاسىپ باقشاسى رايونى پارتيا قىزمەتى كوميتەتىنىڭ مۇشەسى، باسقارۋ كوميتەتى مەڭگەرۋشىسىنىڭ ورىنباسارى گاۋ بو تانىستىرىپ، قارامايلىدا 6 زەردەلى ەسەپتەۋ ورتالىعى قۇرىلعان، بۇل 20 مىڭنان استام pflops تىڭ (سەكۋندىنا 100 تريلليون رەتتىك جىلجىمالى نۇكتەلىك ەسەپتەۋ) ەسەپتەۋ قۋاتىنا تىرەك بولدى.

”14 - بەسجىلدىق“ مەزگىلىندە، شينجياڭدا عىلىم - تەحنيكاعا جالپى 30 ميلليارد يۋانعا جۋىق قارجى قوسىلىپ، جوعارى، جاڭا تەحنيكا كاسىپورىندارىنىڭ سانى 2020 - جىلدىڭ سوڭىنداعىدان 3.2 ەسە ارتقان.

”15 - بەسجىلدىق“ كەزىندە، شينجياڭ عىلىم - تەحنيكاعا ۇسىنىلىمدى ۇزدىكسىز ارتتىرىپ، جاسىل ەسەپتەۋ قۋاتى، سۋتەگى ەنەرگياسى كاسىبى، جاساندى زەردە سياقتى جاڭا جارىس جولدارىن تەرەڭ اشىپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتەدى.

”باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، شينجياڭ ءداستۇرلى كاسىپ سالاسىن اناعۇرلىم ساپالىلاندىرىپ، دارەجەسىن جوعارىلاتىپ، جەرگىلىكتى جاعدايعا قاراي ستراتەگيالىق جاڭادان گۇلدەنگەن كاسىپ سالاسىن دامىتىپ، بولاشاق كاسىپ سالاسىن ورنالاستىرامىز، شينجياڭنىڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسىن جەدەل ورناتىپ، بايلىق باسىمدىعىن جوعارى ساپالى دامۋدىڭ ابزالدىلىعىنا شىن مانىندە اينالدىرامىز“ دەدى شينجياڭ ۇيعۇر اۆتونوميالى رايوندىق پارتكومنىڭ شۋجيى چىن شياۋجياڭ.

كەلۋ قاينارى: حالىق تورابى