شينجياڭدا 2026 – جىلعى اۋىل شارۋاشىلىعى ماشينالارىن ساتىپ الۋ جانە پايدالانۋ قوسىمشا قاراجاتى ەسەبىنەن 1.273 ميلليارد يۋان ءبولىندى 

شينجياڭ گازەتى 4 – ايدىڭ 2 – كۇنى ۇرىمجىدەن حابارلايدى. انار بۇلت / شينجياڭ گازەتى ءتىلشىسى ليۋ يدىڭ اۆتونوميالى رايوندىق اۋىل شارۋاشىلىعى جانە اۋىل – قىستاق مەڭگەرمەسىنەن ۇعىسۋىنشا، جۋىردا شينجياڭدا 2026 – جىلعى ورتالىقتىڭ اۋىل شارۋاشىلىعى ماشينالارىن ساتىپ الۋ جانە پايدالانۋ قوسىمشا قاراجاتى مەن اۆتونوميالى رايوندىق قازىنانىڭ سايكەستى قوسىمشا قاراجاتى ەسەبىنەن 1.273 ميلليارد يۋان بولىنگەن، اۆتونوميالى رايون بويىنشا 51 مىڭ دانا (پار) ماشينا – جابدىققا قوسىمشا قاراجات بەرىلەدى، جەر – جەردىڭ اۋىل شارۋاشىلىعىن ماشينالاندىرۋدى جالپى بارىس بويىنشا جالپى بەتتىك جوعارى ساپالى دامىتۋىنا قولداۋ كورسەتىلەدى.

قازىر شينجياڭنىڭ اۋىل شارۋاشىلىعى داقىلدارىن ەگۋ جانە جيناۋ ىستەرىن جان – جاقتى ماشينالاندىرۋ مولشەرى %91 كە جەتىپ، اۋىل شارۋاشىلىعى ءوندىرىسى ماشينالاندىرۋ، زەردەلىلەندىرۋ باسقىشىنا وتكەن. بيىل شينجياڭ اۋىل شارۋاشىلىعى ماشينالارىن ساتىپ الۋ جانە پايدالانۋ قوسىمشا قاراجاتى ساياساتىن ورنىقتى تياناقتاندىرۋ نەگىزىندە، اۋىل شارۋاشىلىعى ماشينا – جابدىقتارىنىڭ جاڭالانۋىن ۇزدىكسىز ىلگەرىلەتەدى، جەر – جەر ەنەرگيانى كوپ سارىپ ەتەتىن، اۋىر دارەجەدە لاستايتىن، حاۋىپسىزدىك قۋاتى تومەن كونە ماشينالاردى كەرەكتەن قالدىرۋ قىزمەتىن ونان ارى كۇشەيتەدى ءارى تالاپقا ۇيلەسەتىن كەرەكتەن قالدىرىلعان ماشينالارعا بايلانىستى قوسىمشا قاراجات بەرىپ، جەر – جەردىڭ وزىق ءارى جارامدى، ەنەرگيا ۇنەمدەيتىن، حاۋىپسىز، سەنىمدى اۋىل شارۋاشىلىعى ماشينالارىن جەدەل جالپىلاستىرۋىنا قولداۋ كورسەتەدى.

كەلۋ قاينارى: حالىق تورابى