جۇڭگونىڭ يزرايلدا تۇراتىن باس ەلشىحاناسى جۇڭگو ازاماتتارىنا دەر كەزىندە حاۋىپتى ورنىنان كەتۋدى ەسكەرتتى

شينحۋا اگەنتتىگىنىڭ 4 ـ ايدىڭ 4 ـ كۇنى يەرۋساليمنەن بەرگەن حابارى. جۇڭگونىڭ يزرايلدا تۇراتىن باس ەلشىحاناسى 4 ـ ايدىڭ 4 ـ كۇنى جۇڭگو ازاماتتارىنا حاۋىپسىزدىك ساقتىعىن كۇشەيتىپ، حالىقتىق نەگىزدىك قۇرىلعىلاردان اۋلاق بولىپ، دەر كەزىندە حاۋىپتى ورنىنان كەتۋدى ەسكەرتتى.

ەلشىحانا ەسكەرتىپ بىلاي دەدى: قازىر ورتا شىعىستىڭ حاۋىپسىزدىك جاعدايى بارىنشا شيەلەنىستى، سوعىستىڭ كەڭەيۋ، دارەجەسىنىڭ جوعارىلاۋ قاتەرى ءالى دە وتە جوعارى، سونداي ـ اق مەكتەپ، ەلەكتر ستانسياسى، ونەركاسىپ باقشا رايونى قاتارلى ءتۇرلى حالىقتىق قۇرىلىمدارعا حاۋىپ ءتوندىرۋى مۇمكىن. اقپارات قۇرالدارىنىڭ حابارىنا قاراعاندا، يزرايلدىڭ حايفا پورتى، رەحوۆوت بەكەتى، ياركۇن كوپىرى، يتسرەيەل تۋنەلى، سونداي - اق تەل - اۆيۆ، يەرۋساليم جانە حايفانى تۇتاستىراتىن كوپتەگەن تاس جولدار سوققى بەرۋ كولەمىنە ەنگىزىلۋى مۇمكىن.

ەلشىحانا جۇڭگو ازاماتتارىنا حاۋىپسىزدىك قورعانۋىن شىنايى كۇشەيتىپ جانە حاۋىپتى ورنىنان كەتۋدى ەسكەرتتى، اۋەجاي، كەمەجاي، ەلەكتر ستانسياسى، بەكەت، قورىتۋ زاۆودى قاتارلى ماڭىزدى نەگىزدىك جابدىقتار، اسكەري سەزىمتال ورگاندار جانە ءتۇيىندى جوعارى مەكتەپتەر، ءپان زەرتتەۋ ورگاندارى، زاۆودتار، قاتىناس ماڭىزدى جولدارى قاتارلىلاردان الىسىراق تۇرىپ، يزرايلدىڭ جەرلىك قورعانىس قولباسشىلىق شتابىنىڭ حاۋىپسىزدىك بۇيرىعىنا قاتاڭ بويسۇنىپ، بەيعامدىققا سالىنباۋدى، قاجەتسىز سىرتقا شىقپاۋعا تاباندى بولۋدى، قولفوننىڭ ساقتىق دابىلى مەن اۋە شابۋىلىنان قورعانۋ دابىلىن ەستىگەندە، ءسوزسىز وق وتپەيتىن قۇرىلعىلارعا دەرەۋ كىرىپ، ءوز حاۋىپسىزدىگىنە كەپىلدىك ەتۋدى ەسكەرتتى. ەگەر شۇعىل جاعدايعا تاپ بولساڭىزدار، دەر كەزىندە ساقشىعا مالىمدەڭىزدەر ءارى جۇڭگونىڭ يزرايلدا تۇراتىن ەلشىحاناسىمەن بايلانىس جاساڭىزدار.

ەلشىحانا بىلاي دەدى: 4 – ايدىڭ 7 – كۇنى تاعى ءبىر توپ جۇڭگو ازاماتتارىن (شياڭگاڭدىق، اۋمىندىق، تايۋاندىق باۋىرلاستاردى قامتيدى) ەگيپەتتىڭ تابا وتكەلى ارقىلى جوتكەلىپ شەگىنۋگە ۇيىمداستىرادى، يزاريلدەگى باۋىرلاستار، اسىرەسە، حاۋىپ ـ قاتەرى جوعارى رايونداردا تۇراتىن باۋىرلاستار ەلشىحانا ارناسى ارقىلى جەكە ينفورماتسيالاردى تىزىمگە الدىرۋدى ءارى قاتىستى دايىندىقتاردى ويداعىداي ىستەۋى كەرەك.

كەلۋ قاينارى: حالىق تورابى