شينجياڭ 2 ميلليارد 400 ميلليون يۋاننان ارتىق اۋىل شارۋاشىلىق قامسىزداندىرۋ قوسىمشا قاراجاتىن ءتۇسىردى

تاياۋدا، شينجياڭ ۇيعۇر اۆتونوميالى رايوندىق قازىنا مەڭگەرمەسى 2026 ـ جىلعى اۋىل شارۋاشىلىعىن قامسىزداندىرۋ قوسىمشا قاراجاتىنان 2 ميلليارد 409 ميلليون يۋان بوساتىپ، ساياساتتىق اۋىل شارۋاشىلىعىن قامسىزداندىرۋ قوسىمشا قاراجاتىنا جۇمسادى. مۇنىڭ ىشىندە ورتالىقتىڭ قوسىمشا قاراجاتى ءبىر ميلليارد 609 ميلليون يۋان، اۆتونوميالى رايوننىڭ قوسىمشا قاراجاتى 800 ميلليون يۋان. بۇل قارجىنىڭ تومەنگە ءتۇسۋى 2026 - جىلى اۆتونوميالى رايوننىڭ اۋىل شارۋاشىلىق وندىرىسىنە پارمەندى قوزعاۋشى كۇش قوستى.

ورتالىق قازىنا مەن شينجياڭ ۇيعۇر اۆتونوميالى رايوندىق قازىنا قامسىزداندىرۋ قوسىمشا قاراجاتىن بەرەتىن اۋىل شارۋاشىلىق نىساناسىن مەملەكەت جوسپارى، حالىق تۇرمىسى جانە استىق، ەكولوگيا حاۋىپسىزدىگىنە بايلانىستى نەگىز جاقتان كوپ قولدى اۋىل شارۋاشىلىق ونىمدەرى، سونداي - اق قاتىستى قۇجاتتاردىڭ رۋحىنا نەگىزدەلىپ بەكىتىلگەن باسقا اۋىل شارۋاشىلىق ونىمدەرى بولادى؛ جەرگىلىكتى ورىننىڭ باسىمدىققا يە ەرەكشە اۋىل شارۋاشىلىق ونىمدەرىن قامسىزداندىرۋعا قوسىمشا قاراجاتتىڭ ورنىنا سيلىق بەرۋ ساياساتى ارقىلى قولداۋ كورسەتىلەدى.

ناقتى قامسىزداندىرۋ نىسانى مىنالاردى قامتيدى: كۇرىش، ءبيداي، جۇگەرى، ماقتا، كارتوپ، مايلى داقىل، قانت داقىلدارى، ءۇش ۇلكەن استىق داقىلىنان (كۇرىش، ءبيداي، جۇگەرى) تۇقىم جاساۋ سياقتى ەگىمشىلىك قامسىزداندىرۋ نىسانى، بۋدانداستىرعان مەگەجىن، بورداقىلاناتىن شوشقا، ساۋىن سيىر سىندى ءۇش ءتۇرلى باعىمشىلىق كاسىبىن قامسىزداندىرۋ نىسانىن قامتيدى. حوتان ايماعىنىڭ، قاشقار ايماعىنىڭ، اقسۋ ايماعىنىڭ، قىزىلسۋ قىرعىز اۆتونوميالى وبلىسىنىڭ جاڭعاعى، شىلانى، ورىگى، ءجۇزىمى، الماسى، بادامى جەرگىلىكتى ورىننىڭ باسىمدىققا يە ەرەكشە اۋىل شارۋاشىلىق ونىمدەرىن قامسىزداندىرۋدى قامتاماسىز ەتۋ كولەمىنە ەنگىزىلدى.

شينجياڭ ۇيعۇر اۆتونوميالى رايوندىق قازىنا مەڭگەرمەسى اۋىل شارۋاشىلىعىن قامسىزداندىرۋ قاراجاتى قوسىمشا قاراجاتىن ءارقايسى ايماق، وبلىس، قالالارعا ءبولىپ، شارۋا وتباسىلارىن اۋىل شارۋاشىلىعىن قامسىزداندىرۋعا قاتىناسۋعا جەتەكتەپ جانە قولداپ، اۋىل شارۋاشىلىعىن قامسىزداندىرۋدىڭ قامتۋ كولەمى مەن حاۋىپ ـ قاتەردى قامتاماسىز ەتۋ دەڭگەيىن ۇزدىكسىز كەڭەيتىپ، اۋىل شارۋاشىلىق ءوندىرىسىن ورنىقتىرىپ، شارۋالاردىڭ كىرىسىن قامتاماسىز ەتەدى. اۆتونوميالى رايوندىق قازىنا مەڭگەرمەسى اۋىل شارۋاشىلىعىن قامسىزداندىرۋ قوسىمشا قاراجاتىن باسقارۋدى كۇشەيتىپ، جەر ـ جەردى قامسىزداندىرۋ قوسىمشا قاراجاتىن اتقارۋ اياق الىسىن جەدەلدەتۋگە قۋزاپ، اۆتونوميالى رايوننىڭ اۋىل شارۋاشىلىعىنىڭ باياندى، اقاۋسىز دامۋىن بەرىك كەپىلمەن قامدايدى.

كەلۋ قاينارى: حالىق تورابى