شينجياڭ ادام كۇشى بايلىعى جانە قوعامدىق قامتاماسىزداندىرۋ سالاسىنداعى 110 ءتۇرلى اكىمشىلىك قىزمەت ۇقىعىن تومەنگە ءتۇسىرۋدى ىلگەرىلەتتى 

حالىق گازەتىنىڭ ءتىلشىسى شاڭ رۇڭجىڭ 4 – ايدىڭ 6 – كۇنى ۇرىمجىدەن حابارلايدى. ءتىلشىنىڭ شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا: 4 – ايدىڭ 8 – كۇنىنەن باستاپ، شينجياڭدا ادام كۇشى بايلىعى جانە قوعامدىق قامتاماسىزداندىرۋ سالاسىنداعى 110 ءتۇرلى اكىمشىلىك قىزمەت ۇقىعى رەتتەلىپ تومەنگە تۇسىرىلەدى، مۇندا اكىمشىلىك رۇقسات بەرۋگە جاتاتىن 7 ءتۇر، اكىمشىلىك جازالاۋعا جاتاتىن 83 ءتۇر، اكىمشىلىك ماجبۇرلەۋگە جاتاتىن 2 ءتۇر، اكىمشىلىك تەكسەرۋگە جاتاتىن 11 ءتۇر جانە باسقا اكىمشىلىك ۇقىقتاردان 7 ءتۇر قامتىلعان، تومەنگە ءتۇسىرىلۋ سالىستىرماسى %92 تەن اسىپ، ادام كۇشى بايلىعى جانە قوعامدىق قامتاماسىزداندىرۋ سالاسىنداعى اكىمشىلىك قىزمەت ۇقىقتارىنىڭ ”تومەنگە ءتۇسىرىلۋى قاجەت بولعاندارىن تۇگەل تومەنگە ءتۇسىرۋدى“ ىسكە اسىرىپ، اكىمشىلىك ىستەرگە ساياتىن قىزمەت وتەۋدى اناعۇرلىم جاقسارتىپ، جۇرتشىلىقتىڭ ىستەردى ءبىتىرۋ اسەرىن اناعۇرلىم جاقسارتادى.

وسى جولى اكىمشىلىك قىزمەت ۇقىعىنا رەتتەۋ جۇرگىزۋ ەكى تۇرگە ءبولىپ ورىستەتىلگەن، ءبىرىنشى تۇردەگىسى، تەحنيكالىق مەكتەپتەر مەن كاسىپتىك ونەرىن جەتىلدىرۋ ىستەرىن تەكسەرىپ بەكىتۋدەن وتكىزۋ، ەستەلىككە الۋ قاتارلى كاسىپتىك سيپاتى ءبىرشاما كۇشتى قىزمەتتىك ۇقىقتار بولىپ، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ تاراۋى تاراپىنان جەر – جەردەگى (وبلىس، قالا) ادام كۇشى بايلىعى جانە قوعامدىق قامتاماسىزداندىرۋ تاراۋلارىنىڭ بىتىرۋىنە تاپسىرىلىپ، اۆتونوميالى رايون بويىنشا ءبىرتۇتاس ولشەم قولدانىلادى؛ ەكىنشى تۇردەگىسى، سىرتقا ەڭبەككۇش شىعارۋ جاعىندا تيجارات جۇرگىزۋگە رۇقسات بەرۋ، ەڭبەككە جۇمىسشى ىستەتۋدى تىزىمدەتۋ قاتارلى 105 ءتۇرلى ءىستىڭ ماڭىزدى باسقىشتارى اۋداندىق (قالا، رايون) ادام كۇشى بايلىعى جانە قوعامدىق قامتاماسىزداندىرۋ تاراۋلارىنا جوتكەپ تۇسىرىلەدى.

قىزمەتتىك ۇقىقتاردى رەتتەۋدىڭ وتپەلى كەزەڭىنىڭ ورنىقتى بولۋىن قامتاماسىزداندىرۋ ءۇشىن، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ تاراۋى تىزىمدىك فورماسىندا تاپسىرىپ بەرۋدى ورىستەتىپ، نەگىزگى ساتىداعى جۇمىس ءبىتىرۋشى قىزمەتكەرلەرگە تۇگەلدەي كۋرس ۇيىمداستىرادى، وتپەلى كەزەڭدە جۇرتشىلىق ينتەرنەت ارقىلى جۇمىس بىتىرگەندە ”ءبىرتۇلعالاندىرىلعان اكىمشىلىك قىزمەت وتەۋ تەكشەسىنەن“ پايدالانۋىنا نەمەسە ادام كۇشى بايلىعى جانە قوعامدىق قامتاماسىزداندىرۋ تاراۋىنىڭ قىزمەت وتەۋ توتە تەلەفونىنا تەلەفون جالعاۋ ارقىلى سايكەسىپ ءبىتىرىپ بەرۋدى وتىنۋىنە بولادى. قىزمەت ۇقىعى رەتتەلگەننەن كەيىن، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ تاراۋى ىستەر مەن ساندى مالىمەتتەردى اۆتونوميالى رايون بويىنشا ءبىرتۇتاس ولشەمگە ءتۇسىرۋدى ىلگەرىلەتىپ، ”الدىن الا جەتەكشىلىك ەتۋ، جۇمىس بارىسىندا باقىلاۋ، جۇمىس بىتىرگەن سوڭ تەكسەرۋ“ سىندى جالپى بارىستىق باقىلاۋ جۇيەسىن قۇرادى ءارى مەرزىم بويىنشا باعالاۋ ورىستەتىپ، قاجەتكە قاراي دەر كەزىندە رەتتەۋ، كۇشىنەن قالدىرۋ جانە قايتارىپ الۋ شارالارىن قولدانىپ، ورنالاستىرۋدىڭ عىلىمي ءارى ۇيلەسىمدى بولۋىنا، ءىس جۇزىندىككە ساي كەلۋىنە كەپىلدىك ەتەدى.

كەلۋ قاينارى: حالىق تورابى