بەيجيڭ ساقشى جاعى الما تەلەفونىن قولدانۋشىلارعا شۇعىل ەسكەرتۋ جاريالادى

”ءسىز ينتەرنەت ارقىلى العان (مەرزىمگە ءبولىپ تولەيتىن) قارىزدى قازىرگە دەيىن قايتارماعانسىز، بۇل ارىز بەرۋ الدىنداعى ەڭ سوڭعى ەسكەرتۋ، العان قارىزىڭىزدى تەكشەگە بارىپ ىرىقتىلىقپەن قايتارىڭىز ...“ بەيجيڭ قالالىق قوعام حاۋىپسىزدىگى مەكەمەسىنىڭ قىلمىستىق ىستەر دەلوسىن انىقتاۋ باس اترەتىنىڭ حابارلاندىرۋىنشا، جۋىردان بەرى الما قول تەلەفونىن قولدانۋشىلار ”العان قارىزدى ۋاقىتىندا قايتارماعاندىقتان قۋزاۋ سالۋعا قاتىستى ادۆوكاتتىق حات“ دەگەن سياقتى سۋرەتتەردى تاپسىرىپ العان، ەكى ولشەمدى كودتى جايمالاعان سوڭ، قارىز قايتارۋ تورابى دەگەن اتتى جامىلعان جالعان توراپقا كىرىپ، الدامكوستىككە ۇشىراعان.

ساقشى جاقتىڭ تانىستىرۋىنشا، مۇنداي الدامكوستىكتە الدامكوستەر الما تەلەفونىنىڭ iMessage يقۋاتىنان پايدالانىپ، زياندالۋشىلارعا ”العان قارىزدى ۋاقىتىندا قايتارماعاندىقتان قۋزاۋ سالۋعا قاتىستى ادۆوكاتتىق حات“ دەگەن جالعان مازمۇنداعى سۋرەتتى جولدايدى، بۇل سۋرەتكە ىسكە قاتىستى ادامنىڭ قارىز قايتاراتىن ۋاقىتى ءوتىپ كەتكەندىكتەن، ءادىليالىق ارىز – شاعىمعا ءدوپ كەلگەنى جازىلىپ، ىسكە قاتىستى ادامنان قارىزدى تەز ارادا قايتارۋدى تالاپ ەتەدى. سونىمەن بىرگە، الدامكوستەر جالعان قۇجاتقا ەكى ولشەمدى كود جالعانىمىن كىرگىزىپ، ”قارىزدىڭ ناقتى جاعدايىن وسى ارادان سۇراستىرىڭىز“ دەگەندى جەلەۋ ەتىپ، الدانۋشىلاردى ەكى ولشەمدى كودتى جايمالاۋ ارقىلى اتالمىش قارىز قايتارۋعا ارنالعان جالعان توراپقا كىرۋگە شىرعالايدى. الدانۋشىلار شىنىمەن دە قارىز العان بولسا، ارىزدانامىز دەگەن ”ۇرەيلەندىرۋدەن“ الاڭداپ، قارىز قايتارۋعا قۋزاعان ۇقتىرۋعا وڭاي سەنىپ، جالعان توراپقا كىرىپ، بانكە كارتۋچكاسى ارقىلى ”اقشا قايتارىپ“، ەڭ سوڭىندا الدانىپ قالادى.

جۋىرداعى ءبىر ايدا، وسى تەكتەسiMessage يقۋاتىن پايدالانىپ، قارىز الۋ جانە كرەديت كارتۋچكاسىن ۋاكىلدىك ءبىتىرۋ تۇرىندەگى الدامكوستىككە ساياتىن ىستەر ءجيى تۋىلعان، بۇكىل قالا بويىنشا وسى ىسكە قاتىستى 12 رەتكى جاعداي جونىندە ساقشىعا مالىمدەۋ ينفورماتسياسى تاپسىرىپ الىنعان، دەلوعا ساياتىن قاراجات سوماسى 260 مىڭ يۋاننان اسادى.

ساقشى جاق مىنانى ەسكەرتەدى،”ادۆوكات حاتى“، ”قارىز قايتارۋعا قۋزاۋ ۇقتىرۋى“ قاتارلى قۇجاتتاردى تاپسىرىپ الساڭىز، سەنىمدى ارنالار (بانكە/قارىز بەرۋ قۇرىلىمدارىنىڭ قىزمەتكەرى) ارقىلى مالىمەتتىڭ راستىعىن سالىستىرىپ تەكسەرىڭىز، كەلتە حات نەمەسە ەلەكتروندىق حات مازمۇنىنا سەنبەڭىز. ادەتتە كەلۋ قاينارى انىق بولماعان ەكى ولشەمدى كودتار وتە حاۋىپتى بولادى، مۇقيات سارالاڭىز، الباتى اشپاڭىز. ەگەر الدامكوستىككە ۇشىراساڭىز، دەر كەزىندە سۋرەت فورماسىندا قيىپ الۋ ارقىلى ىسپاتتاردى ساقتاڭىز ءارى 110 نومىرىنە تەلەفون جالعاپ، ساقشىدان كومەك سۇراڭىز.

كەلۋ قاينارى: حالىق تورابى