16 كۇن قىزمەتكە شىعىپ، 15 كۇن دەمالادى! شينجياڭدىقتارعا 5 – ايدا دەمالىس كوپ بولادى

4 ـ ايدىڭ 7 ـ كۇنى، چيڭميڭ دەمالىسى جاڭا عانا اياقتادى، 5 – ايدا 12 كۇن دەمالىس بولادى دەگەن تاقىرىپ قىزۋ تالقىعا اينالدى. ال، شينجياڭدىقتار جونىنەن العاندا 5 – ايدىڭ قىزىعى ءتىپتى دە مول، 5 – ايدا ”1 – مامىر“ دەمالىسى بولىپ عانا قالماستان، تاعى قۇربان ايت دەمالىسى بار، سونىمەن ”5 – ايدا 15 – كۇن دەمالىس بەرىلەدى“.

مەملەكەتتىك كەڭەس كەڭسەسىنىڭ ورنالاستىرۋىنا ساي، بيىلعى ەڭبەكشىلەر مەرەكەسىنە 5 - ايدىڭ 1 - كۇنىنەن 5 - كۇنىنە دەيىن قاتارىنان 5 كۇن دەمالىس بەرىلەدى، 5 - ايدىڭ 9 - كۇنى (سەنبى) ءبىر كۇن تولىقتاعان قىزمەت كۇنى بولادى. سونىمەن بىرگە، شينجياڭ حالىق ۇكىمەتى كەڭسەسىنىڭ 2026 ـ جىلعى ءىشىنارا مەرەكە، دەمالىس كۇندەرىن ورنالاستىرۋ جونىندەگى ۇقتىرۋىنا ساي، 5 – ايدىڭ 27 – كۇنى قۇربان ايت مەرەكەسى، 5 – ايدىڭ 27 – كۇنىنەن (سارسەنبى) 31 – كۇنىنە (جەكسەنبى) دەيىن جيىنى 5 كۇن دەمالىس بەرىلەدى. شينجياڭداعىلار جونىنەن العاندا، تۇتاس 5 ـ ايداعى 31 كۇنىڭ ىشىندە 16 كۇن قىزمەتكە شىعىپ، 15 كۇن دەمالادى!

كەلۋ قاينارى: حالىق تورابى