ءۇرىمجى قالاسى 4 - ايدا جۇمىسقا ادام قابىلداۋ قيمىلىن 31 رەت وتكىزۋدى جوسپارلادى 

كوكتەم مەزگىلى — جۇمىستانۋ جاعىندا قىزمەت وتەۋدىڭ التىن مەزگىلى. ءتىلشىنىڭ ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنەن ۇعىسۋىنشا، 4 - ايدا، ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ينتەرنەت ارقىلى جانە ينتەرنەتتەن تىس فورمادا 31 رەت ارناۋلى تۇردە جۇمىسقا ادام قابىلداۋ قيمىلىن ءبىرتۇتاس ورىستەتۋدى جوسپارلاعان، قيمىل اسكەري مىندەتتەن بوساعان اسكەريلەر، جوعارى مەكتەپ بىتىرگەن ستۋدەنتتەر، سىرتتان كەلگەن جۇمىسكەرلەر، ايەل ەڭبەكشىلەر قاتارلى ءار تۇرلى ءتۇيىندى قىزمەت ىزدەۋشىلەر توبىن قامتىپ، كاسىپورىنداردىڭ جۇمىسشى ىستەتۋى مەن جۇمىس ىزدەۋشىلەردىڭ جۇمىستانۋىن ءوزارا سايكەستىرۋگە جانە بىردەي تيىمدىلىككە كەنەلۋىنە دەم بەرەدى.

31 رەتكى جۇمىسقا ادام قابىلداۋ قيمىلى بارىسىندا ءار تۇرلى توپتاردىڭ جۇمىستانۋ قاجەتى مەن كاسىپ سالاسىن دامىتۋ بارىسىنداعى جۇمىسشى ىستەتۋ قاجەتىن تىعىز ۇشتاستىرىپ، دەڭگەيگە، تۇرگە بولىنگەن ەرەكشەلىككە يە ارناۋلى قيمىلدار وتكىزىلەدى. ءۇرىمجى قالاسىنداعى اسكەري مىندەتتەن بوساعان اسكەريلەرگە (اسكەريلەردىڭ وتباسىنداعىلارعا) ارنالعان جۇمىسقا ادام قابىلداۋ قيمىلى اسكەري مىندەتتەن بوساعان اسكەريلەر مەن ولاردىڭ وتباسىنداعىلارعا ارنالعان جۇمىستانۋ جاعىنداعى سايكەستىرۋ تەكشەسىن ازىرلەيدى؛ شىنجياڭ داشۋەسىندەگى ”ۇلى ارمانمەن ساپارعا دەم بەرىپ، شينجياڭدى كوركەيتۋگە ۇلەسىمدى قوسامىن“ اتتى 2026 - جىلعى كوكتەم مەزگىلىندەگى ۋنيۆەرسال ءىرى تيپتى مەكتەپ اۋلاسىندا جۇمىسقا ادام قابىلداۋ قيمىلى جوعارى مەكتەپ بىتىرەتىن ستۋدەنتتەردىڭ جۇمىستانۋ قاجەتىنە دالمە – ءدال سايكەسىپ، جاس دارىندىلاردىڭ ۇرىمجىدە قالىپ جۇمىستانۋىنا، ەڭبەك سىڭىرۋىنە دەم بەرەدى؛ 2026 - جىلعى جوعارى - جاڭا تەحنيكالى كاسىپ سالاسىن كوركەيتۋ رايونىنداعى (جاڭا قالا رايونى) ينفورماتسيا كاسىپ سالاسىنا (ينتەرنەت سالاسىنا) ارنالعان جۇمىسقا ادام قابىلداۋ قيمىلى جاڭادان كوركەيگەن كاسىپ سالاسىنىڭ جۇمىسشى ىستەۋىنە نازاردى شوعىرلاندىرىپ، ينفورماتسيا كاسىبى سالاسىنداعى دارىندىلار مەن كاسىپورىنداردىڭ ءوزارا بايلانىس ورناتۋىنا كوپىرلىك رول اتقارادى.

بۇلاردان سىرت، توقىماشىلىق، كيىم - كەشەك، قۇرال - جابدىق جاساۋ، وتباسىلىق قىزمەت وتەۋ قاتارلى كاسىپ سالالارىنا ارنالعان قيمىلدار، ينتەرنەتتەگى تىكە تاراتىلىم ارقىلى جۇمىس ورنىن تانىستىرۋ جانە جۇمىسقا ادام قابىلداۋ قيمىلدارى، ساۋدا رايونىندا، الەۋمەتتىك اۋماقتا، اۋىل - قالاشىقتا تۇراقتى وتكىزىلەتىن جۇمىسقا ادام قابىلداۋ قيمىلدارى دا 4 - ايدا كەزەك – كەزەگىمەن ورىستەتىلىپ، جۇمىستانۋ جاعىندا قىزمەت وتەۋمەن تولىق قامتيدى.

كەلۋ قاينارى: حالىق تورابى