”ۇشاقتا سويقان شىعارۋ“ قاتارلى قىلمىستىق ىستەردى قاتاڭ جازالاۋ تۋرالى ەڭ جوعارى حالىق سوتى مەن ەڭ جوعارى حالىق پروكۋراتۋراسى ءادىليالىق تۇسىندىرمە جاريالادى 

ەڭ جوعارى حالىق سوتى مەن ەڭ جوعارى حالىق پروكۋراتۋراسى 4 – ايدىڭ 8 – كۇنى حالىقتىق اۆياتسيا سالاسىنداعى ۇشاقتىڭ ۇشۋ حاۋىپسىزدىگىنە قاتەر توندىرەتىن قىلمىستىق ىستەردى قاراۋ بارىسىندا زاڭدى قولدانۋعا قاتىستى ءبىرقانشا ماسەلە جونىندەگى تۇسىندىرمەنى جاريالادى. تۇسىندىرمەدە حالىقتىق اۆياتسيا سالاسىنداعى ۇشاقتىڭ ۇشۋ حاۋىپسىزدىگىنە قاتەر توندىرەتىن قىلمىستىق ىستەردى زاڭ بويىنشا جازالاۋدىڭ قازىرگى كەزەڭدەگى ناقتى جاعدايى مەن ساقتالعان كورنەكتى ماسەلەلەردى ەسكەرە وتىرىپ، قىلمىستىق ىستەر زاڭىن قايتكەندە دۇرىس قولدانۋعا جانە قىلمىستىق ىستەر جونىندەگى ساياساتتى قالاي ءدال مەڭگەرۋگە بولاتىندىعى تۋرالى ەرەجەلەردى بەلگىلەگەن، ءار دارەجەلى ءادىليا ورگاندارىنىڭ زاڭدى دۇرىس قولدانۋىنا، حالىقتىق اۆياتسيا سالاسىنداعى ۇشاقتىڭ ۇشۋ حاۋىپسىزدىگىنە قاتەر توندىرەتىن قىلمىستىق ىستەرگە اناعۇرلىم ءدال دە ءونىمدى سوققى بەرۋگە كەپىلدىك ەتەدى.

تانىستىرۋعا قاراعاندا، ءادىليالىق تۇسىندىرمە جيىنى 7 تارماقتان قۇرالادى. وندا حالىقتىق اۆياتسيا ۇشاعىنىڭ ەسىگىن ەرەجەگە قايشى اشۋ، حالىقتىق اۆياتسيا ۇشاعىنىڭ ىشىندە توبەلەسۋ قاتارلى حالىقتىق اۆياتسيا سالاسىنداعى ۇنەمى كەزدەسەتىن ”ۇشاقتا سويقان شىعارۋ“ قىلمىستىق ارەكەتتەرىن زاڭ بويىنشا جازالاۋ ايقىن تۇراقتاندىرىلعان. حالىقتىق اۆياتسيا سالاسىنداعى ۇشاقتىڭ ۇشۋ حاۋىپسىزدىگىنە قاتىستى جالعان قورقىنىشتى اقپاراتتى قۇراستىرۋ جانە قاساقانا تاراتۋ قىلمىسىن قاتاڭ جازالاۋ ەرەكشە كورنەكتىلەندىرىلگەن. سونىمەن بىرگە، حالىقتىق اۆياتسيا سالاسىنداعى ۇشاقتىڭ ۇشۋ حاۋىپسىزدىگىنە قاتەر توندىرەتىن قىلمىستىق ىستەردىڭ وڭىرلىك قاراستىلىعىنا ساياتىن پرينسيپتەر اناعۇرلىم ايقىن تۇراقتاندىرىلعان.

كەلۋ قاينارى: حالىق تورابى