شينجياڭ اۋىل – قىستاقتاعى ەمدەۋ – دەنساۋلىق ساقتاۋ جاعىندا قىزمەت وتەۋ جۇيەسىن كەمەلدەندىرۋدى كۇشەيتەدى 

شينجياڭ گازەتىنىڭ ءتىلشىسى شاڭ رۇڭجىڭ 4 – ايدىڭ 14 – كۇنى ۇرىمجىدەن حابارلايدى. اۋىل – قىستاقتاعى جۇرتشىلىقتىڭ دەنساۋلىق جاعىنداعى باقىتىن اناعۇرلىم قامتاماسىزداندىرۋ، اۋىل – قىستاقتاعى ەمدەۋ - دەنساۋلىق جاعىندا قىزمەت وتەۋ جۇيەسىن كەمەلدەندىرۋدى كۇشەيتۋ ءۇشىن، شينجياڭ ۇيعۇر اۆتونوميالى رايوندىق دەنساۋلىق ساقتاۋ – سالاماتتىق كوميتەتى قاتارلى 16 تاراۋ جۋىردا «اۋىل – قىستاقتاعى ەمدەۋ – دەنساۋلىق ساقتاۋ قۇرىلىمدارىن اناعۇرلىم ويداعىداي كوركەيتۋ جاعىنداعى ءبىرقانشا شارانى» بىرگە جاريالاپ، ەمدەۋ – دەنساۋلىق ساقتاۋ نەگىزىن بەكەمدەۋ ينجەنەرياسىن اتقارۋ، دەنساۋلىق ساقتاۋدى باسقارۋدى ۇزدىكسىز ورىنداپ، نەگىزگى ساتىداعى دەنساۋلىق ساقتاۋ – سالاماتتىق سالاسىنداعى دارىندىلار قوسىنىن كۇشەيتۋ قاتارلى 5 جاقتى قامتىعان 21 ءتۇرلى مىندەتتى، سونىمەن بىرگە، قازىنا، كاسىپتىك اتاق، ەڭبەكاقى قاتارلى 6 ءتۇرلى قامتاماسىزداندىرۋ شاراسىن كۇشەيتۋدى ورتاعا قويعان.

ەمدەۋ - دەنساۋلىق ساقتاۋ نەگىزىن بەكەمدەۋ ينجەنەرياسىن اتقارۋ جاعىندا، اۋىل – قالاشىقتارداعى ەمحانالاردىڭ ەمدەۋ اسپاپتارىنىڭ ساپاسىن جوعارىلاتۋ ىستەرىن ورىنداپ، ءتۇيىندى ورتالىق اۋىل – قالاشىقتارداعى ەمحانالاردا (اۋدان كولەمىندەگى ەمدەۋ – دەنساۋلىق ساقتاۋ قوسالقى ورتالىقتارىندا) كەسكىندەۋ جانە مەديتسينالىق تەكسەرۋ اسپاپتارىنىڭ دارەجەسىن جوعارىلاتادى.

دەنساۋلىق ساقتاۋدى ۇزدىكسىز باسقارۋدى جۇزەگە اسىرۋعا باعىتتاي وتىرىپ، اۋدان كولەمىندەگى باسقا جەرگە بارىپ ەمدەلۋگە جوتكەۋ – بىرگە دياگنوز قويۋ جاعىندا قىزمەت وتەۋ ورتالىعىن قۇرۋدى، قاتىستى ەمدەۋ قۇرىلىمدارىن سايكەستىرىپ، ساراپتاۋدان سوڭ شىنىمەن دە قاجەت بولعان جاعدايدا ناۋقاستارعا الدىن الا ءنومىر الۋعا مۇمكىندىك جاساۋ، ولاردى تەكسەرۋ قاتارلى جاقتاردا قولايلى قىزمەت وتەۋ ءتۇرىن ازىرلەۋدى تالاپ ەتكەن.

اۋىل – قالاشىقتارداعى شيپاگەرلەردىڭ كاسىپتىك اتاعى، ەڭبەكاقىسى قاتارلى قامتاماسىزداندىرۋ شارالارىن كۇشەيتىپ، اۋىل – قالاشىقتارداعى ەمحانالارداعى ورتا دارەجەلى، جوعارى دارەجەلى كاسىپتىك اتاق سالىستىرماسىن جوعارىلاتۋدى، اۋىل – قىستاقتارداعى ەمحانالاردىڭ كاسىپتىك (كومەكشى) شيپاگەرلەرىن اۋىل – قالاشىقتارداعى ەمحانالاردىڭ كاسىپتىك اتاق باعالاۋ جانە جۇمىسقا قابىلداۋ كولەمىنە ەنگىزۋدى؛ ەمدەۋ سالاسىندا قىزمەت وتەۋ كىرىس - شىعىس قالدىعىنىڭ %60 – %80 ىن ناتيجەلىك ەڭبەكاقى تاراتۋعا پايدالانۋدى، وتباسىلىق شيپاگەردىڭ كەلىسىم بويىنشا قىزمەت وتەۋ اقىسىنىڭ %70 ىنەن تومەن بولماعان بولىگىن وتباسىلىق شيپاگەرلەر ۇجىمىنىڭ ەڭبەكاقىسى رەتىندە پايدالانۋدى تالاپ ەتكەن.

كەلۋ قاينارى: حالىق تورابى