شينجياڭداعى تۋما جۇرەك اۋرۋىنا شالدىققان 26 بالا بەيجيڭگە بارىپ اقىسىز ەمدەلۋگە اتتاندى

4 ـ ايدىڭ 20 ـ كۇنى، ءۇرىمجى تيانشان حالىقارالىق اۋەجايىندا شينجياڭداعى تۋما جۇرەك اۋرۋىنا شالدىققان 26 بالا كەزەكشى ۇشاققا وتىرىپ، بەيجيڭ جيڭدۋ بالالار شيپاحاناسىنا بارىپ تەگىن وپەراتسيا جاساتۋعا اتتاندى.

شينجياڭ قىزىل كرەست قور قوعامى سالماقتى ناۋقاستاردى قۇتقارۋ - كومەكتەسۋ كەڭسەسىنىڭ جاۋاپتىسى نۇرگۇل ايقىن بىلاي دەپ تانىستىردى: بۇل ناۋقاستاردىڭ اراسىندا حانزۋ، حۇيزۋ، ۇيعۇر، قازاق، دۇڭشياڭ قاتارلى كوپتەگەن ۇلتتار بار، جاسى ەڭ كىشىسى 9 اي، ەڭ ۇلكەنى 18 جاستا، ولار ”2026 – جىلعى پەرىشتە ساپارى — شينجياڭداعى تۋما جۇرەك اۋرۋىنا شالدىققان بالالاردى سارالاپ تەكسەرۋ، قۇتقارۋ ارەكەتىنىڭ“ الەۋمەتتىك يگىلىك سيپاتىنداعى قايىرىمدىلىق نىسانىنىڭ يگىلىگىن كورىپ، بەيجيڭدە اقىسىز وپەراتسيا جاساتىپ ەمدەلەدى.

2017 – جىلدان قازىرگە دەيىن، جۇڭگو قىزىل كرەست قور قوعامى ءار جىلى شينجياڭعا ”پەرىشتە ساپارى — شينجياڭداعى تۋما جۇرەك اۋرۋىنا شالدىققان بالالاردى سارالاپ تەكسەرۋ، قۇتقارۋ ارەكەتىن“ ورىستەتىپ كەلەدى. قازىرگە دەيىن جيىنى 67 ميلليون 700 مىڭ يۋاننان استام قارجى قوسىپ، شينجياڭداعى 30 مىڭنان استام بالانىڭ تۋما جۇرەك اۋرۋىن تەكسەردى ءارى وپەراتسيا كورسەتكىشىنە ۇيلەسەتىن 3000 نان استام ءار ۇلت بالاسىنا تەگىن وپەراتسيا جاسادى. بۇدان بىلاي شينجياڭ قىزىل كرەست قور قوعامى سالماقتى اۋرۋلاردى قۇتقارۋ ساياساتى، مالىمدەۋ ءتارتىبى، ەمدەلۋ ورنى، قۇتقارۋ ولشەمى قاتارلىلاردى كۇش سالا ۇگىتتەپ، سالماقتى اۋرۋلاردى قۇتقارۋدان يگىلىكتەنۋ كولەمىن ۇزدىكسىز كەڭەيتىپ، شارتقا ۇيلەسەتىن ءتىپتى دە كوپ سالماقتى ناۋقاستاردى يگىلىككە كەنەلتەدى.

كەلۋ قاينارى: حالىق تورابى