ازىق – تۇلىك حاۋىپسىزدىگىنە قاتىستى ”ءسىز كورسەتىڭىز، ءبىز تەكسەرەمىز“ اتتى ارەكەتتى ورىستەتۋ بارىسىندا 815 توپ (رەت) ۇلگى ءونىم تولىمسىز بولعانى انىقتالعان 

ءتىلشىنىڭ 4 – ايدىڭ 14 – كۇنى ۇعىسۋىنشا، بازاردى باقىلاۋ – باسقارۋ باس مەڭگەرمەسى 3 – ايدىڭ 1 – كۇنىنەن باستاپ ”كورسەتۋگە ساي تەكسەرۋ جۇرگىزىپ حالىققا تيىمدىلىك جاساۋ، ازىق – تۇلىك حاۋىپسىزدىگى تۇتىنۋدى جەبەۋ“ دەگەن تاقىرىپتا بۇكىل ەلىمىز كولەمىندە ازىق – تۇلىك حاۋىپسىزدىگىنە قاتىستى ”ءسىز كورسەتىڭىز، ءبىز تەكسەرەمىز“ اتتى ارەكەتتى ءبىر اي مەرزىممەن ورىستەتتى. وسى مەزگىلدە، ءارقايسى جەرلەردە تاقىرىپتىق قيمىل جيىنى 368 رەت ورىستەتىلگەن، 487 رەت ساۋالناما تاراتۋ جولىمەن پىكىر الىنىپ، تۇتىنۋشىلاردان 729 مىڭ ادامدى (رەت) تاڭداپ تەكسەرۋگە قاتىناسۋعا باۋراعان، ازىق – تۇلىكتەردىڭ ءتۇرى، ۇلگى الىپ تەكسەرۋ ورنى، تەكسەرۋ نىساندارى قاتارلى قاتىستى مالىمەتتەردەن جيىنى 17 ميلليون 94 مىڭ مالىمەت جيىنالعان.

قيمىل مەزگىلىندە، جەر - جەردەگى بازاردى باقىلاۋ – باسقارۋ تاراۋلارى بۇكىل ەلىمىز بويىنشا ازىق – تۇلىك حاۋىپسىزدىگىنە قاتىستى ”ءسىز كورسەتىڭىز، ءبىز تەكسەرەمىز“ اتتى حالىق اڭىسىن جيناۋ جۇيەسىنە ارقا سۇيەپ، تۇتىنۋشىلاردىڭ ازىق – تۇلىكتەن ۇلگى الىپ تەكسەرگە قاتىستى پىكىر – ۇسىنىستارىن كەڭىنەن جيناعان. حالىق اڭىسىن جيناۋ ناتيجەسىنە قاراعاندا، تۇتىنۋشىلار ەڭ كوڭىل بولەتىن ازىق – تۇلىكتەردىڭ قاتارىندا كوكونىس جانە ودان جاسالعان ونىمدەر، ەت جانە ەتتەن جاسالعان ونىمدەر، جەمىس جانە جەمىستەن جاسالعان ونىمدەر، كۇرىش، ۇن، جۇمىرتقا، ءسۇت قاتارلى كۇندەلىكتى حالىق تۇرمىسىنا قاجەتتى زاتتار الدىڭعى ورىندا بولعان. بازاردى باقىلاۋ – باسقارۋ تاراۋلارى وسىنى نىسانا ەتىپ، بۇكىل ەلىمىز بويىنشا شوعىرلى ۇلگى الىپ تەكسەرۋ قىزمەتىن ورىستەتىپ، جيىنى 40474 توپ (رەت) ازىق – تۇلىكتەن ۇلگى الىپ تەكسەرۋدى ورىنداپ بولعان، تەكسەرۋ بارىسىندا 815 توپ (رەت) ۇلگى ءونىم تولىمسىز بولعان، جالپى تولىمسىزدىق كورسەتكىشى %2.01 بولعان. بازاردى باقىلاۋ – باسقارۋ تاراۋلارى تولىمسىز ازىق – تۇلىكتەردى دەرەۋ زاڭ بويىنشا سورەدەن ءتۇسىرۋ، قايتارىپ الۋ قاتارلى ءبىرجاقتى ەتۋ شارالارىن قولدانىپ، تولىمسىز ازىق – تۇلىكتىڭ تۇتىنۋ بازارىنا كىرۋىنەن قاتاڭ ساقتانعان.

(ورتالىق تەلەۆيزيا تورابىنىڭ ءتىلشىسى لي جيڭجيڭ)

كەلۋ قاينارى: حالىق تورابى