التىن مەن كۇمىستىڭ باعاسى قاۋىرت جوعارىلادى

يراننىڭ سىرتقى ىستەر مينيسترى اراگچي 4 – ايدىڭ 17 - كۇنى حورموز بۇعازىن قايتا اشاتىندىعىن جاريالاعاننان كەيىن، حالىقارادا التىن مەن كۇمىستىڭ باعاسى قاۋىرت جوعارىلادى. حابار جاريالانىپ 5 مينۋتتا ناق التىننىڭ باعاسى ءار ۋنتسياسى 4890.78 ا ق ش دوللارىنا جوعارىلادى. ا ق ش - نىڭ شىعىس بولىك ۋاقىتى 4 – ايدىڭ 17 – كۇنى تۇستەن بۇرىن نيۋ - يورك تاۋار ساۋدا ورنىنىڭ 6 ايداعى التىن باعاسىنىڭ قىمباتتاۋ مولشەرى ءبىر مەزەت % 2 كە تايادى، 5 ايداعى كۇمىس باعاسىنىڭ قىمباتتاۋ مولشەرى ءبىر مەزەت % 4 تەن استى.

اراگچي سول كۇنى بىلاي دەدى: ليۆان مەن يزرايل سوعىستى توقتاتقان كەزدە، يران بارلىق ساۋدا كەمەلەرىنە حورموز بۇعازىن اشىق ۇستايدى. تالداۋ جاساۋشىلار بىلاي دەپ قارادى: يراننىڭ بۇل مالىمدەمەسى حالىقارالىق مۇناي باعاسىنىڭ كۇرت تومەندەۋىن تۋدىرىپ، قىسقا ۋاقىت ىشىندە اقشانىڭ قۇنسىزدانۋ قىسىمىن باسەڭدەتۋگە ءتيىمدى، سونىمەن بىرگە بازار جاعدايىن سەرپىلتىپ، ا ق ش دوللارىنا بولعان قاجەتتى السىرەتەدى. ا ق ش دوللارى السىرەپ، مۇناي باعاسى كۇرت تومەندەگەندىكتەن، التىن - كۇمىستىڭ باعاسى كورنەكتى جوعارىلايدى. سول كۇنى ا ق ش زۇڭتۇڭى ترامپ يران جاقتىڭ مالىمدەمەسىن تۇراقتاندىردى، ءبىراق سونىمەن بىرگە يرانمەن جالپى بەتتىك كەلىسىم جاساسۋدان بۇرىن، ا ق ش يرانعا تەڭىزدەگى قۇرساۋلاۋدى ۇزدىكسىز اتقارادى دەدى. سوندىقتان، كەيبىر تالداۋشىلار بازار اۋقىمى جاقسارعانىمەن، جالپى جاعداي ءالى دە ءالسىز دەپ قارايدى.

كەلۋ قاينارى: حالىق تورابى