كەي جەرلەردە ورتاشادان باستاپ قالىڭ جاڭبىر نەمەسە قار جاۋادى! وسى اپتادا شينجياڭدا ەكى رەت جاۋىن - شاشىن بولادى

4 – ايدىڭ 20 – كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسىدان بۇرىنعى تەمپەراتۋرانىڭ تومەندەۋ بارىسى سوڭىنا جەتتى، وسى اپتادا (4 – ايدىڭ 20 – كۇنىنەن 26 – كۇنىنە دەيىن) بۇكىل شينجياڭدا ىلگەرىندى – كەيىندى ەكى رەت جاۋىن – شاشىن بولادى، اۋا تەمپەراتۋراسى بىرتىندەپ جىلىنا باستايدى، سولتۇستىك شينجياڭنىڭ باتىس بولەگى جانە وڭتۇستىك شينجياڭنىڭ تاۋلى رايوندارىندا جالپى جاۋىن - شاشىن مولشەرى ءبىرشاما كوپ بولادى، ءىشىنارا جەرلەردە نوسەر تاسقىنى مەن ارالاس تاسقىننىڭ جانە كۇشتى كونۆەكسيالىق اۋا رايىنىڭ ءتيىمسىز ىقپالىنان ءتۇيىندى تۇردە ساقتانۋ كەرەك.

الدىن الا مالىمەتتە كورسەتىلۋىنشە، 4 – ايدىڭ 20 – كۇنى كۇندىزدەن 21 - كۇنىنە دەيىن بۇكىل شينجياڭنىڭ كوپ جەرىندە ءبىرىنشى رەتكى جاۋىن - شاشىن بولادى، ىلە اڭعارى، بۇراتالا موڭعۇل اۆتونوميالى وبلىسىنىڭ تاۋلى رايونى، تارباعاتاي ايماعىنىڭ وڭتۇستىك تاۋلى رايونى، شىحىزى قالاسىنىڭ وڭتۇستىك تاۋلى رايونى، ءۇرىمجى قالاسى، سانجى حۇيزۋ اۆتونوميالى وبلىسىنىڭ تاۋلى رايونى، وڭتۇستىك شينجياڭنىڭ باتىس بولەگىندەگى تاۋلى رايون، اقسۋ ايماعى، بايىنعولىن موڭعۇل اۆتونوميالى وبلىسىنىڭ تاۋ رايونى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، ورتاشا، بيىك تاۋلى وڭىرلەردە جاڭبىر ارالاس قار نەمەسە قار جاۋادى، ءىشىنارا وڭىرلەردە ورتاشادان باستاپ قالىڭ جاڭبىر نەمەسە قار جاۋادى. وڭتۇستىك شينجياڭنىڭ باتىس بولەگىندە باتىس سولتۇستىكتەن 5 بال اينالاسىندا بوران سوعادى، جەل وتتەرىندەگى جەل كۇشى 8 دە 9 بال اينالاسىندا بولادى، وڭتۇستىك شينجياڭ ويپاتىنىڭ تەمپەراتۋراسى تومەندەيدى. بۇكىل شينجياڭنىڭ باسقا جەرلەرىندە نەگىزىنەن كۇن اشىق نەمەسە بۇلتتى بولادى، جەل كۇشى زور بولمايدى.

وسى اپتادا ەكىنشى رەتكى جاۋىن - شاشىن بارىسىنىڭ كولەمى ءتىپتى دە كەڭ، كۇشەمەلىلىگى ءتىپتى دە كۇشتى بولادى، باستى ۋاقىتى 4 – ايدىڭ 23 – كۇنى تۇننەن 26 - كۇنى تۇنگە دەيىن. سول كەزدە سولتۇستىك شينجياڭنىڭ باسىم كوپ بولەگى مەن وڭتۇستىك شينجياڭنىڭ باتىس بولەگىندەگى تاۋلى وڭىرلەر، حوتان ايماعىنىڭ وڭتۇستىك بولەگىندەگى تاۋلى وڭىرلەر، اقسۋ ايماعىنىڭ تاۋلى وڭىرلەرى، بايىنعولىن وبلىسىنىڭ تاۋلى وڭىرلەرى، قۇمىل قالاسى قاتارلى جەرلەردىڭ ءىشىنارا وڭىرلەرىندە تولاسسىز جاڭبىر جاۋادى، ورتاشا، بيىك تاۋلى وڭىرلەردە جاڭبىر ارالاس قار نەمەسە قار جاۋادى، جوعارىدا ايتىلعان ءىشىنارا وڭىرلەردە ورتاشادان باستاپ قالىڭ جاڭبىر نەمەسە قار جاۋادى، ءىشىنارا جەرلەردە نوسەر نەمەسە قالىڭ قار جاۋادى. جوعارىدا ايتىلعان باسىم كوپ ساندى وڭىرلەر مەن تۇرپان قالاسىندا باتىس سولتۇستىكتەن 5 بال اينالاسىندا بوران سوعادى، جەل وتتەرىندە 9 دا 10 بال بوران سوعادى، مەزەتتىك جەل كۇشى 11 بالعا جەتەدى. 4 – ايدىڭ 25 – كۇنى كۇندىزدەن 26 - كۇنىنە دەيىن وڭتۇستىك شينجياڭ ويپاتىنىڭ ورتا، شىعىس بولەگىندە قيىس شىعىستان 5 بال اينالاسىندا جەل سوعادى، مەزەتتىك جەل كۇشى 7 دە 8 بالعا جەتەدى، ءىشىنارا وڭىرلەردە قۇم ۇشىرادى نەمەسە قۇمدى بوران سوعادى.

كەلۋ قاينارى: حالىق تورابى