ەلقۇت چومالاڭما شىڭىنا شىعۋ لاگەرىنە جەتتى، 5 - ايدىڭ ورتا شەنىندە نەمەسە اياق شەنىندە شىڭعا شىعۋدى جوسپارلادى 

ءتىلشى 4 - ايدىڭ 19 - كۇنى شينجياڭدىق شىڭعا شىعۋ جاس اتويشىسى ەلقۇت ءدىلشاتتان ۇعىسۋىنشا، ول جانە ونىڭ كومانداسىنداعىلار تەڭىز دەڭگەيىنەن 5000 مەتر بيىكتىكتەگى چومالاڭما شىڭىنا شىعۋ لاگەرىنە جەتىپ، 1 - مەرزىمدىك جاتتىعۋدى باستاۋعا دايىندالۋدا، اۋا رايى جانە فيزولوگيالىق ۇيلەسۋ جاعدايىنا قاراي، شىڭعا شىعۋ جوسپارى 5 - ايدىڭ 10 – كۇنىنەن 5 - ايدىڭ 20 – كۇنىنە دەيىنگى ارالىققا ورنالاستىرىلعان.

ەلقۇت ءدىلشات 2008 - جىلى 8 - ايدا تۋعان، قازىر ءۇرىمجى قالالىق 23 - ورتا مەكتەپتىڭ وقۋشىسى، مەملەكەتتىك 1 - دارەجەلى شىڭعا شىعۋ سپورتشىسى، ”چومالاڭماعا شىڭىنا شىعاتىن ورەن“ دەپ اتالعان. اكەسىنىڭ ىقپالىمەن، ول كىشكەنتايىنان دالالىق سپورتقا قىزىعىپ، 7 جاسىنان باستاپ شىڭعا شىعۋعا دەن قويعان، 9 جاسىندا مۇزعا ورمەلەۋگە جاتتىققان، 10 جاسىنان باستاپ اكەسىمەن بىرگە شىڭعا شىققان.

وسى رەت چومالاڭما شىڭىنا شىعۋدا، ەلقۇت جۇڭگوداعى سولتۇستىك بەتكەي جەلىسىنەن اتتانۋدى تاڭدادى. ول الدىڭعىلاردىڭ ىزىمەن، حاۋىپتى جەر جانە سۇركەيلى اۋا رايىمەن بەتپە-بەت كەلىپ، ءوزىن - ءوزى سىناققا سالادى.

كەلۋ قاينارى: حالىق تورابى