بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.04.22 16:53 كەلۋ قاينارى : حالىق تورابى
جۇڭگو اقپارات تورابىنىڭ 4 – ايدىڭ 21 – كۇنى بەرگەن حابارى. 4 – ايدىڭ 21 - كۇنى، بازاردى باقىلاۋ - باسقارۋ باس مەڭگەرمەسى بازاردى باقىلاۋ - باسقارۋ تاراۋلارىنىڭ حيميالىق تىڭايتقىش بۇيىمدارىنىڭ ساپاسىن تەكسەرۋ جاعىنداعى زاڭ اتقارۋ ناتيجەسى جونىندە ارناۋلى اقپارات جاريالاۋ ءماجىلىسىن اشتى. بازاردى باقىلاۋ - باسقارۋ باس مەڭگەرمەسىنىڭ بازاردى تەكسەرۋشى ارناۋلى قىزمەتكەرى جي شياۋليڭنىڭ ايتۋىنشا، 2025 - جىلى، بۇكىل ەلىمىزدەگى بازاردى باقىلاۋ - باسقارۋ جۇيەسى حيميالىق تىڭايتقىشتاردىڭ ساپاسىنا قاتىستى ءتۇرلى زاڭعا قايشى دەلولاردان جيىنى 3845 دەلونى انىقتاپ ءبىرجاقتى ەتىپ، ايىپ سالۋ جانە ءمۇسادىرالاۋ سوماسى 51 ميلليون 490 مىڭ يۋان بولىپ، 30 دەلونى قوعام حاۋىپسىزدىگى ورگاندارىنا وتكىزىپ بەرگەن.
جي شياۋليڭنىڭ تانىستىرۋىنشا، 2025 - جىلى، بازاردى باقىلاۋ - باسقارۋ تاراۋلارى قاتاڭ سوققى بەرۋ مەحانيزمىنە سۇيەنىپ، ءىرى، كەلەلى دەلولاردى قاتاڭ تەكسەرگەن. ”تۇتىنۋدى قورعاۋ“ سىندى قاتاڭ سوققى بەرۋ مەحانيزمىن تياناق ەتىپ، «2025 - جىلعى حيميالىق تىڭايتقىش ساپاسىنا قاتىستى زاڭ اتقارۋ قىزمەتىن كۇشەيتۋ جونىندەگى ۇقتىرۋدى» باسىپ تاراتىپ، حيميالىق تىڭايتقىش بۇيىمدارىنىڭ ساپاسىنا قاتىستى زاڭ اتقارۋ قىزمەتى جونىندە جاپپاي ورنالاستىرۋ جاساعان. بۇكىل ەلىمىزدەگى بازاردى باقىلاۋ - باسقارۋ تاراۋلارى كاسىپ سالاسىنداعى بىلىقپالىق پەن ساپاداعى ولقىلىققا قاداعالاي ءمان بەرىپ، حيميالىق تىڭايتقىش بۇيىمدارىنىڭ مەملەكەتتىك ءماجبۇرلى ولشەمگە ۇيلەسپەۋى، رۇقسات بەرىلگەن ولشەمگە ساي ءوندىرۋ تالابىنا ۇيلەسپەۋى، وندىرىلگەن جەرىن جالعان جازۋ، جالعان زاۆود اتى مەن مەكەن - جايىن جاساۋ نەمەسە باسقالاردىڭ زاۆود اتى مەن مەكەن – جايىن پايدالانۋ، جالعان ساپالىق بەلگىسىن جاساۋ نەمەسە باسقالاردىڭ ساپالىق بەلگىسىن پايدالانۋ، سونداي - اق، جالعانى مەن ساپاسىزىن ارالاستىرۋ، جالعان بۇيىمدى شىن بۇيىم رەتىندە وتكىزۋ، ساپاسىزىن ساپالى دەپ وتكىزۋ، تولىمسىز ءونىمدى تولىمدى ءونىم رەتىندە كورسەتۋ قاتارلى زاڭعا قايشى ارەكەتتەردى قاتاڭ تەكسەرىپ ءبىرجاقتى ەتكەن.
بازاردى باقىلاۋ - باسقارۋ باس مەڭگەرمەسى گۋاڭشيدەگى جالعان، ناشار فوسفورلى تىڭايتقىش وندىرۋگە قاتىستى ”12 – جەلتوقسان“ ءىرى دەلوسىن، حاينانداعى باينۇڭ بيولوگيالىق عىلىم - تەحنولوگيا شەكتى سەرىكتەستىگىنىڭ زات وندىرىلگەن جەردى جالعاننان جازىپ، يمپورت ەتىلگەن تىڭايتقىش دەگەن جەلەۋمەن تىڭايتقىش ساتۋى دەلوسىن، شينجياڭ ۇيعۇر اۆتونوميالى رايونى كورلا بەيياڭ تىڭايتقىش شەكتى سەرىكتەستىگىنىڭ جالعان، جارامسىز حيميالىق تىڭايتقىش ءوندىرىپ ساتۋ دەلوسى قاتارلى ءبىر توپ ءىرى دەلولاردى ءساتتى انىقتاپ ءبىرجاقتى ەتكەن. سونىمەن بىرگە، تيپتىك دەلولاردى اشىق جاريالاۋدى كۇشەيتىپ، پارمەندى ەسكەرتۋ، سەسكەندىرۋ اسەرىن قالىپتاستىرعان. 2025 - جىلى، بۇكىل ەلىمىزدەگى بازاردى باقىلاۋ - باسقارۋ جۇيەسى حيميالىق تىڭايتقىش ساپاسىنا قاتىستى ءتۇرلى زاڭعا قايشى دەلولاردان 3845 دەلونى انىقتاپ ءبىرجاقتى ەتىپ، ايىپ سالۋ جانە ءمۇسادىرالاۋ سوماسى 51 ميلليون 490 مىڭ يۋان بولىپ، 30 دەلونى قوعام حاۋىپسىزدىگى ورگاندارىنا وتكىزىپ بەرگەن.
كەلۋ قاينارى: حالىق تورابى
