جۇڭگونىڭ يرانداعى باس ەلشىحاناسى جۇڭگو ازاماتتارىنا ازىرشە يرانعا بارماۋدى تاعى ءبىر رەت ەسكەرتتى 

شينحۋا اگەنتتىگىنىڭ 4 ـ ايدىڭ 23 ـ كۇنى تەھراننان بەرگەن حابارى (ءتىلشى چىن شياۋ، سادات) جۇڭگونىڭ يرانداعى باس ەلشىحاناسى 4 ـ ايدىڭ 23 ـ كۇنى حابارلاندىرۋ شىعارىپ، جۇڭگو ازاماتتارىنا ازىرشە يرانعا بارماۋدى تاعى ءبىر رەت ەسكەرتتى.

حابارلاندىرۋدا بىلاي دەلىندى: قازىر يران ءىشىنارا اۋە كەڭىستىگىن اشتى، الايدا وڭىرلىك جاعدايدا ءالى دە زور تۇراقسىزدىق ءومىر ءسۇرىپ وتىر، يراننىڭ حاۋىپسىزدىك جاعدايى ءالى دە كۇردەلى. سىرتقى ىستەر مينيسترلىگى جۇڭگو ازاماتتارىنا قازىرشە يرانعا بارماۋدى ەسكەرتەدى، جۇڭگونىڭ يرانداعى ەلشىحاناسى، كونسۋلحانالارى جۇڭگو ازاماتتارىنا قاتىستى حاۋىپسىزدىك ەسكەرتۋىنە قاتاڭ بويسۇنۋدى تاعى ءبىر رەت ەسكەرتەدى، جەرگىلىكتى ورىنداعى جۇڭگو ازاماتتارى حاۋىپسىزدىك ساقتىعىن كۇشەيتىپ، اسكەري - اكىمشىلىك تاراۋلارى قاتارلى سەزىمتال وڭىرلەرگە بارۋدان ساقتانۋدى، سونداي - اق ۇيلەسىمدى ءتاسىل ارقىلى تەز ارادا شەگىنىپ شىعۋدى نەمەسە سالىستىرمالى حاۋىپسىز وڭىرلەرگە بارىپ حاۋىپتەن ساقتانۋدى ەسكەرتەدى. ەگەر شۇعىل جاعدايعا تاپ بولساڭىز، دەر كەزىندە ساقشىعا مالىمدەڭىز ءارى جۇڭگونىڭ يرانداعى ەلشىحاناسىنان كومەك سۇراڭىز.

حابارلاندىرۋدا بىلاي دەلىندى: ەگەر جۇڭگو ازاماتتارى يرانعا ءسوزسىز بارۋى كەرەك بولسا، اسا جوعارى حاۋىپسىزدىك حاۋىپ – قاتەرىنە ءدوپ كەلۋى ءارى كومەك الۋدىڭ ناقتى ونىمدىلىگىنە ىقپال جاساۋى مۇمكىن.

كەلۋ قاينارى: حالىق تورابى