جۇڭگونىڭ جاپونيادا تۇراتىن ەلشىحاناسى جاپونياداعى باۋىرلاستارعا جەر سىلكىنىسىنە شۇعىل توتەپ بەرۋدى، ساقتانۋدى كۇشەيتۋدى ەسكەرتتى

شينحۋا اگەنتتىگىنىڭ 4 – ايدىڭ 22 – كۇنى توكيودان بەرگەن حابارى. جۇڭگونىڭ جاپونيادا تۇراتىن باس ەلشىحاناسى 4 – ايدىڭ 22 – كۇنى ەسكەرتۋ جاريالاپ بىلاي دەدى: جاپونيانىڭ يۆاتە اۋدانىنىڭ شىعىس بولەگىندەگى سانريكۋ تەڭىز ايدىنىندا تاياۋدا 7.7 بال جەر سىلكىندى، جاپونياداعى باۋىرلاستار جەر سىلكىنىسىنە شۇعىل توتەپ بەرۋدى، ساقتانۋدى كۇشەيتۋ كەرەك.

جۇڭگونىڭ جاپونيادا تۇراتىن باس ەلشىحاناسى بىلاي دەدى: 4 – ايدىڭ 20 – كۇنى، يۆاتە اۋدانىنىڭ شىعىس بولەگىندەگى سانريكۋ تەڭىز ايدىنىندا 7.7 بال جەر سىلكىندى، جاپونيا اۋا رايى مەڭگەرمەسى حوككايدو، اوموري، يۆاتە، مياگي، فۋكۋسيما، يباراكي، تيبا اۋدانى قاتارلى 7 رايونداعى تۇرعىندارعا ءبىر اپتا ىشىندە كۇشتى جەر سىلكىنىسىنەن ساقتانۋعا كوڭىل ءبولۋدى ەسكەرتتى.

جۇڭگونىڭ جاپونيادا تۇراتىن باس ەلشىحاناسى جۇڭگو ازاماتتارىنا تاياۋدا جاپونياعا بارۋدان ساقتانۋدى، جاپونياداعى جۇڭگو ازاماتتارىنا، اسىرەسە، جاپونياعا جۋىقتا كەلگەن ادامدارعا جەر سىلكىنىسى اپاتىنا شۇعىل توتەپ بەرۋدى، ساقتانۋدى كۇشەيتۋدى ەسكەرتەدى: كۇندەلىكتى اپاتتان ساقتانۋ، اپاتقا توتەپ بەرۋ قىزمەتىن ويداعىداي ىستەپ، نەگىزگى حاۋىپ - قاتەردەن ساقتانۋ تەحنيكاسىن يگەرىپ، جەر سىلكىنگەن كەزدە ۇستامدى بولىپ، تۇرعان جەرىندە دەرۋ حاۋىپ – قاتەردەن ساقتانۋ جۇمىسىن ىستەۋ، سونداي - اق اپاتتىڭ اۋقىمى، اۋا رايى ساقتىق سيگنالى قاتارلى اپاتتان ساقتانۋ ينفورماتسيالارىنا قاداعالاي نازار اۋدارۋ كەرەك. ەگەر شۇعىل جاعدايعا تاپ بولسا، دەر كەزىندە جاپونيانىڭ شۇعىل كومەك سۇراۋ تەلەفونىنا تەلەفون سوعۋ كەرەك ءارى جۇڭگونىڭ جاپونيادا تۇراتىن ەلشىحاناسىمەن، كونسۋلحانالارىمەن بايلانىس جاساپ كومەك سۇراۋ كەرەك.

كەلۋ قاينارى: حالىق تورابى