ساۋدا مينيسترلىگى: ا ق ش - نىڭ باجى قايتارۋ شاراسى قاتەلىكتى تۇزەتۋ جولىنداعى پايدالى قادام

شينحۋا اگەنتتىگىنىڭ 4 – ايدىڭ 23 – كۇنى بەيجيڭنەن بەرگەن حابارى. ساۋدا مينيسترلىگىنىڭ اقپارات مالىمدەمەشىسى حى يۇڭچيان 4 – ايدىڭ 23 – كۇنى تىلشىلەردىڭ سۇراۋىنا جاۋاپ بەرگەندە بىلاي دەدى: جۇڭگو ءارقانداي فورماداعى سىڭار جاقتى كەدەن باجىسىن ۇستەمەلەپ الۋ شاراسىنا ەجەلدەن قارسى تۇرىپ كەلەدى. ا ق ش – نىڭ تەڭ كەدەن باجىسى، فەنتاني كەدەن باجىسى قاتارلى سىڭار جاقتى شارالارى حالىقارالىق ەكونوميكا – ساۋدا ەرەجەسىنە دە، ا ق ش – نىڭ ىشكى زاڭىنا دا قايشى، دۇنيە ءجۇزىنىڭ ەكونوميكا – ساۋدا تارتىبىنە زيان جەتكىزىپ، ءار جاقتىڭ مۇددەسىنە ۇيلەسپەيدى. ا ق ش – نىڭ باجى قايتارۋ شاراسى قاتەلىكتى تۇزەتۋ جولىنداعى پايدالى قادام.

ساۋدا مينيسترلىگى سول كۇنى وتكىزگەن كەزەكتى اقپار جاريالاۋ ماجىلىسىندە ءبىر ءتىلشى بىلاي دەپ سۇرادى: ا ق ش كەدەنى مەن شەكارا قورعاۋ مەكەمەسى 4 – ايدىڭ 20 - كۇنى قاتىستى كەدەن باجىسىن قايتارۋ قىزمەتىن باستادى. ساۋدا مينيسترلىگى بۇعان قالاي باعا بەرەدى؟ جۇڭگونىڭ ەكسپورت كاسىپورىندارىنىڭ مۇددەسىن قالاي قورعاۋ كەرەك؟

”تۇسىندىرە كەتۋگە ءتيىستىسى، بۇل كەدەن باجىسىن ا ق ش كەدەنى ا ق ش يمپورت ساۋداگەرلەرىنەن تىكەلەي الادى ءارى ەڭ سوڭىندا ا ق ش تۇتىنۋشىلارى ۇستىنە الادى. ءبىز جۇڭگونىڭ ەكسپورت كاسىپورىندارىنىڭ وزدەرىنىڭ ءىس جۇزىندىك جاعدايىمەن ۇشتاستىرىپ، قاتىستى مۇددەگە ساياتىن جاقتارمەن بەلسەنە بايلانىس جاساپ، وزدەرىنىڭ زاڭدى، ورىندى ۇقىق ـ مۇددەسىن قورعاۋىن ۇسىنىس ەتەمىز“ دەدى حى يۇڭچيان.

كەلۋ قاينارى: حالىق تورابى